ആലപ്പുഴ:  സർക്കാർ സ്ഥാപനമായ  കെൽട്രോൺ ഇന്ത്യൻ ആൻഡ് ഫോറിൻ അക്കൗണ്ടിങ്/ ടാലി  കോഴ്സുകളിലേക്ക് അപേക്ഷ ക്ഷണിച്ചു. കുടുതൽ വിവരങ്ങൾക്ക് ഫോൺ:  9072592412, 9072592416.

കേന്ദ്ര-സംസ്ഥാന സർക്കാരുകളുടെ സംയുക്താഭിമുഖ്യത്തിൽ കുടുംബശ്രീ നടത്തുന്ന ദേശീയ സരസ് മേള കലൂർ ജവഹർലാൽ നെഹ്റു അന്താരാഷ്ട്ര സ്റ്റേഡിയത്തിൽ വ്യാഴാഴ്ച വൈകിട്ട് 4ന് തദ്ദേശസ്വയംഭരണ വകുപ്പ് മന്ത്രി എം.ബി രാജേഷ് ഉദ്ഘാടനം ചെയ്യും. വ്യവസായ വകുപ്പ് മന്ത്രി പി രാജീവ് അധ്യക്ഷത വഹിക്കുന്ന ചടങ്ങിൽ ഹൈബി ഈഡൻ എം.പി, ടി.ജെ വിനോദ് എം.എൽ.എ, ഉമാ തോമസ് എം.എൽ.എ, കൊച്ചി മേയർ അഡ്വ. എം അനിൽകുമാർ, പ്രതിപക്ഷ നേതാവ് വി.ഡി സതീശൻ, നടി നിഖിലാ വിമൽ തുടങ്ങിയവർ പങ്കെടുക്കും. 

ആലപ്പുഴ: പുറക്കാട് ഗ്രാമപഞ്ചായത്തിൽ മാനസിക വെല്ലുവിളി നേരിടുന്നവർക്കായി ബഡ്സ് സ്കൂളോ,  റീഹാബിറ്റേഷൻ സെൻ്ററോ ആരംഭിക്കുന്നതിനുള്ള ശുപാർശ നൽകുമെന്ന് വനിതാ കമ്മിഷന്‍ അധ്യക്ഷ അഡ്വ.പി. സതീദേവി പറഞ്ഞു. സ്ത്രീകളുടെ പ്രശ്‌നങ്ങള്‍ മനസിലാക്കുന്നതിനുള്ള തീരദേശ ക്യാമ്പിന്റെ ഭാഗമായി പുറക്കാട് തീരമേഖലയിലെ മത്സ്യതൊഴിലാളികളുടെ വീടുകള്‍ സന്ദര്‍ശിച്ച ശേഷം സംസാരിക്കുകയായിരുന്നു വനിതാ കമ്മിഷന്‍ അധ്യക്ഷ.

കോട്ടയം  ജില്ലയിൽ  പട്ടികജാതി സംവരണത്തിലുള്ള  ആയുർവേദ മെഡിക്കൽ ഓഫീസർ (കൗമാരഭൃത്യം-ബാലരോഗ)  ഒഴിവുകളിൽ  പരിഗണിക്കപ്പെടുവാൻ  യോഗ്യരായ  ബി എ എം എസ് , എംഡി ( BAMS, MD) ബിരുദധാരികളും  19-41 പ്രായപരിധിയിലുള്ള (ഇളവുകൾ അനുവദനീയം) ഉദ്യോഗാർത്ഥികൾ ഡിസംബർ 30 ന്  മുൻപ്  ബന്ധപ്പെട്ട  പ്രൊഫഷണൽ  & എക്സിക്യൂട്ടീവ്  എംപ്ലോയ്‌മെന്റ് എക്സ്ചേഞ്ചിൽ  പേര് രജിസ്റ്റർ  ചെയ്യേണ്ടതാണെന്ന് ഡിവിഷണൽ  എംപ്ലോയ്‌മെന്റ്  ഓഫീസർ അറിയിച്ചു. സംവരണ വിഭാഗത്തിന്റെ  അഭാവത്തിൽ  മറ്റ് വിഭാഗങ്ങളേയും  പരിഗണിക്കുന്നതാണ് .

സ്ത്രീകളുടെ പ്രശ്നങ്ങൾ മനസിലാക്കുന്നതിനുള്ള
തീരദേശ ക്യാമ്പിന്റെ ഭാഗമായി ഡിസംബര്‍ 18ന് രാവിലെ 8.30ന് പുറക്കാട് തീരമേഖലയിലെ മത്സ്യതൊഴിലാളികളുടെ വീടുകള്‍ വനിതാ കമ്മിഷന്‍ സന്ദര്‍ശിക്കും.
  18ന് രാവിലെ 9.30ന് പുറക്കാട് ഗ്രാമപഞ്ചായത്ത് ഹാളില്‍ നടക്കുന്ന ഏകോപന യോഗം വനിതാ കമ്മിഷന്‍ അധ്യക്ഷ അഡ്വ. പി. സതീദേവി ഉദ്ഘാടനം ചെയ്യും. 

ഇനി 24 മണിക്കൂറും ഡോക്ടറുടെ സേവനം

ഞാറക്കൽ താലൂക്ക് ആശുപത്രിയിൽ വൈപ്പിൻ ബ്ലോക്ക് പഞ്ചായത്ത് രണ്ട് പുതിയ ഡോക്ടർമാരെ കൂടി നിയമിച്ചു. ഇനി മുതൽ 24 മണിക്കൂറും ഡോക്ടറുടെ സേവനം ലഭ്യമാകും. ആശുപത്രി മാനേജ്‌മെന്റ് കമ്മിറ്റിയുടെ കൂടെ സഹകരണത്തോടെയാണ് ഡോക്ടർമാരുടെ നിയമനം സാധ്യമാക്കിയത്.

നിലവിൽ ആറു ഡോക്ടർമാരാണ് താലൂക്ക് ആശുപത്രിയിൽ ഉള്ളത്. ഇവർക്ക് പുറമെയാണ് പുതിയ നിയമനം. കിടത്തി ചികിത്സ വിഭാഗം കൂടുതൽ സജീവമാക്കാൻ വേണ്ടിയാണ് രണ്ടു ഡോക്ടർമാരെ നിയമിക്കാൻ തീരുമാനിച്ചത്. 

അന്ധവിശ്വാസങ്ങളും അബദ്ധജഡിലമായ ചിന്തകളും സമൂഹത്തില്‍ വര്‍ധിക്കുന്നു

സംസ്ഥാന യുവജന കമ്മീഷന്റെ ആഭിമുഖ്യത്തിൽ യുവകർഷകർക്കായി ദ്വിദിനസംഗമം സംഘടിപ്പിക്കുന്നു. 2024 ജനുവരി 6,7 തീയതികളിൽ ആലപ്പുഴ, കലവൂർ ആര്യാട് ബ്ലോക്ക് പഞ്ചായത്ത് ഹാളിലാണ് സംഗമം സംഘടിപ്പിക്കുന്നത്. 

യുവ കർഷകർക്ക് ഒത്തുകൂടാനും നൂതന കൃഷിരീതികളെയും കൃഷിയിലെ നവീനമായ സാങ്കേതികവിദ്യകളെയും സംബന്ധിച്ച് യുവ കർഷകർക്കുള്ള സംശയങ്ങൾ ദൂരീകരിച്ചും കൃഷിയിൽ താല്പര്യമുള്ള യുവതയ്ക്ക്  ദിശാബോധവും നൽകുകയാണ് സംഗമത്തിന്റെ ഉദ്ദേശം. 18 വയസ്സിനും 40 വയസ്സിനും ഇടയിൽ പ്രായമുള്ള യുവ കർഷകർക്കും കൃഷിയിൽ താല്പര്യമുള്ളവർക്കും സംഗമത്തിൽ പങ്കെടുക്കാം. 

മാർക്കറ്റിംഗ് മേഖലയിൽ കൂടുതൽ പ്രാവിണ്യം നേടുവാൻ ആഗ്രഹിക്കുന്ന സംരംഭകർക്കായി വ്യവസായ വാണിജ്യ വകുപ്പിൻറെ സംരംഭകത്വ വികസന ഇൻസ്റ്റിറ്റ്യൂട്ട് ആയ കേരള ഇൻസ്റ്റിട്യൂട്ട് ഫോർ എൻ്റർപ്രണര്ഷിപ്പ് ഡവലപ്മെന്റ്റ് (KIED), 3 ദിവസത്തെ 'മാർക്കറ്റ് മിസ്റ്ററി' വർക്ഷോപ്പ് സംഘടിപ്പിക്കുന്നു. ഡിസംബർ 28 മുതൽ 30 വരെ കളമശ്ശേരിയിഉള്ള കീഡ് ക്യാമ്പസ്സിലാണ് പരിശീലനം സംഘടിപ്പിക്കുന്നത്.

ഏഴോം പഞ്ചായത്തിന്റെ നേതൃത്വത്തിൽ സംഘടിപ്പിക്കുന്ന ഏഴോം ഫെസ്റ്റിന് വർണ്ണാഭമായ തുടക്കം. പഴയങ്ങാടിയിൽ പ്രശസ്ത സംഗീത സംവിധായകനും ഗാനരചയിതാവുമായ കൈതപ്രം ദാമോദരൻ നമ്പൂതിരി ഉദ്ഘാടനം ചെയ്തു. ഫെസ്റ്റിന്റെ ഭാഗമായുള്ള സാംസ്‌കാരിക സമ്മേളനത്തിന്റെ ഉദ്ഘാടനം 21ന് വൈകീട്ട് ഏഴ് മണിക്ക് പ്രശസ്ത സിനിമാതാരവും എം എൽ എ യുമായ മുകേഷ് നിർവഹിക്കും.
ജനുവരി 7 വരെയാണ് ഫെസ്റ്റ്. പഞ്ചായത്ത് വിപണനമേള, ഫുഡ് ഫെസ്റ്റിവൽ, അമ്യൂസ്മെന്റ് പാർക്കുകൾ, എക്‌സിബിഷൻ, ആരോഗ്യ- വിദ്യാഭ്യാസ- കാർഷിക- വ്യവസായ വാണിജ്യ മേള, സാംസ്കാരിക സമ്മേളനം, കലാപരിപാടികൾ തുടങ്ങിയവയാണ് ഫെസ്റ്റിന്റെ ഭാഗമായി ഒരുക്കിയിരിക്കുന്നത്.