ആലപ്പുഴ: ജനറൽ ആശുപത്രിയിൽ ഇൻഷുറൻസ് പദ്ധതി പ്രകാരം ചികിത്സയ്ക്കു വിധേയമാകുന്ന രോഗികൾക്ക്    ആശുപത്രിയിൽ ലഭ്യമല്ലാത്ത  സർജറി,  ഓർത്തോ  ഉപകരണങ്ങൾ വിതരണം ചെയ്യുന്നതിന്  ടെൻണ്ടർ ക്ഷണിച്ചു. .ടെൻണ്ടർ സ്വീകരിക്കുന്ന അവസാന തീയതി  ഡിസംബർ 27ന് ( 27. 12. 2023 )വൈകിട്ട് മൂന്നു വരെ . കൂടുതൽ വിവരങ്ങൾക്ക് ഓഫീസ് സമയങ്ങളിൽ ആശുപത്രി ഓഫീസുമായി ബന്ധപ്പെടേണ്ടതാണ്.

ആലപ്പുഴ: സംസ്ഥാന അസംഘടിത തൊഴിലാളി സാമൂഹ്യസുരക്ഷാ  ബോർഡിന്റെ  ജില്ലയിൽ അംഗങ്ങളായവർക്ക്്ക്രിസ്തുമസിനോടനുബന്ധിച്ച്  പദ്ധതി അംഗങ്ങളെ ഉൾപ്പെടുത്തി കരോൾ ഗാന മത്സരം സംഘടിപ്പിക്കും. പദ്ധതിയിൽ അംഗത്വം നിലനിർത്തിയിട്ടുള്ള  പരമാവധി പത്ത് (കുറഞ്ഞത് ആറ് അംഗങ്ങൾ) അധികരിക്കാത്തതുമായ ഗ്രൂപ്പിന് പ്രസ്തുത മത്സരത്തിൽ പങ്കെടുക്കാം. ഗ്രൂപ്പ് അംഗങ്ങൾ അവതരിപ്പിച്ച മത്സരത്തിന്റെ് വീഡിയോ (കുറഞ്ഞത്മൂന്ന് മിനിറ്റ്,പരമാവധി അഞ്ചു മിനിറ്റ്) 2023 ഡിസംബർ20 മുതൽ 30 വൈകിട്ട് അഞ്ചിനകം ജില്ലാ ഓഫീസിലേക്ക് വാട്‌സപ്പ്  മുഖേന അയച്ചുതരണം. (വാട്‌സപ്പ് നമ്പർ:9497633038).

ആലപ്പുഴ: സംസ്ഥാന  അസംഘടിത  തൊഴിലാളി  സാമൂഹ്യ സുരക്ഷാ  ബോർഡിന്റെ  ഓൺലൈൻ പേയ്‌മെന്റ്  സംവിധാനം നടപ്പിൽ വരുത്തുന്നതിന് പദ്ധതി അംഗങ്ങളായ രണ്ടു വർഷത്തിൽ കൂടുതൽ  കുടിശികയുള്ള അംഗങ്ങൾക്ക്  പിഴയും കാലതാമസവും കൂടാതെ വരിസംഖ്യ അടച്ച് അംഗത്വം പുനസ്ഥാപിക്കുന്നതിനുള്ള അദാലത്ത്  ജില്ലയിൽ ആരംഭിച്ചു.  രേഖകൾ നൽകുന്നവർക്ക്  സൗജന്യമായി  വെബ്‌സൈറ്റിൽ അപ്ലോഡ് ചെയ്തു നൽകും.

സ്റ്റേറ്റ് റിസോഴ്സ് സെന്ററിന്റെ ആഭിമുഖ്യത്തിൽ എസ് ആർ സി കമ്മ്യൂണിറ്റി കോളേജ് നടത്തുന്ന യോഗ സർട്ടിഫിക്കറ്റ് പ്രോഗ്രാമിലേക്ക് ഓൺലൈനായി അപേക്ഷിക്കാം, അപേക്ഷകർ പത്താം ക്ലാസ്  അല്ലെങ്കിൽ തത്തുല്യ യോഗ്യത ഉള്ളവരായിരിക്കണം.  എഴുത്തു പരീക്ഷ,  അസൈൻമെന്റുകൾ,  പ്രോജക്ട്,  പ്രാക്ടിക്കൽ പരീക്ഷകൾ എന്നിവയുടെ അടിസ്ഥാനത്തിലാണ് മൂല്യനിർണയം   അപേക്ഷകർക്ക് 17 വയസ്സ് പൂർത്തിയായിരിക്കണം,  ഉയർന്ന പ്രായപരിധി ഇല്ല. അപേക്ഷകൾ സമർപ്പിക്കേണ്ട അവസാന തീയതി 2023 ഡിസംബർ 31 അപേക്ഷകൾhttps://app.srccc.in/register  എന്ന ലിങ്കിലൂടെ സമർപ്പിക്കാം.  കൂടുതൽ വിവരങ്ങൾ തിരുവനന്തപുരം എസ് ആർ സി ഓഫീസിൽ നിന്ന് നേരിട്ടും ലഭിക്കും

ജില്ലാ പഞ്ചായത്തിന് കീഴിലുള്ള തെരുവുനായ്ക്കളുടെ പ്രജനന നിയന്ത്രണ പദ്ധതി നടത്തിപ്പിന് കോലഞ്ചേരി, മുളന്തുരുത്തി  എ.ബി.സി സെന്ററിലേക്ക്   കരാ‍ർ അടിസ്ഥാനത്തിൽ ജീവനക്കാരെ  നിയമിക്കുന്നതിന് വാക്ക്-ഇൻ ഇന്റർവ്യൂ നടത്തുന്നു. വെറ്ററിനറി സർജൻ, മൃഗപരിപാലകർ/ഡോഗ്ക്യാച്ചഴ്സ് എന്നീ തസ്തികളിലേക്ക് ഡിസംബർ 22 ന് രാവിലെ 11 ന് ജില്ലാ പഞ്ചായത്ത് കാര്യാലയത്തിലാണ് ഇന്റർവ്യൂ.

ആലപ്പുഴ : ആലപ്പുഴ ജില്ല സൈനിക ക്ഷേമ ഓഫീസിൽ തൊഴിൽ രജിസ്റ്റർ ചെയ്തിട്ടുള്ള വിമുക്തഭടൻ മാർക്ക്   2000 ജനുവരി  ഒന്ന്  (1. 1. 2000)  മുതൽ മുതൽ 2023 ഒക്ടോബർ 31 (31.10. 2023)  വരെയുള്ള കാലയളവിൽ  പുതുക്കാതെ റദ്ദായ എംപ്ലോയ്മെന്റ് രജിസ്ട്രേഷനുകൾ സീനിയോറിറ്റി നഷ്ടപ്പെടാതെ 2024 ജനുവരി 31 വരെ മുൻകാല പ്രാബല്യത്തോട്  പുതുക്കാൻ അവസരം. കൂടുതൽ വിവരങ്ങൾക്ക് ജില്ലാ സൈനിക ക്ഷേമ ഓഫീസുമായി ബന്ധപ്പെടുക
ഫോൺ  : 04772245673

ആലപ്പുഴ : കേരള സംസ്ഥാന യുവജനക്ഷേമ ബോർഡും ജില്ലാ യുവജന കേന്ദ്രത്തിന്റെയും ആഭിമുഖ്യത്തിൽ,കേരള യൂത്ത് ഫോഴ്സ്  ടീമിന്റെ സഹകരണത്തോടെ ആലപ്പുഴയിൽ ബീച്ച്  ക്ലീനിങ്ങിനു തുടക്കമായി. അമ്പലപ്പുഴ എംഎൽഎ എച്ച് സലാം പരിപാടി ഉദ്ഘാടനം ചെയ്തു.   ബോർഡ് അംഗം എസ്. ദീപു  അധ്യക്ഷനായി   ജില്ലാ കോ ഓർഡിനേറ്റർ  ജെയിംസ് സാമുവേൽ , ജില്ലാ യൂത്ത് പ്രോഗ്രാം ഓഫീസർ ഷീജ. ബി,  ആലപ്പുഴ മുൻസിപ്പാലിറ്റി കോ ഓർഡിനറ്റർ   ജാക്സൺ പീറ്റർ, ടീം കേരള ജില്ലാ ക്യാപ്റ്റൻ കണ്ണൻ എന്നിവർ പങ്കെടുത്തു, ടീം കേരള അംഗങ്ങളും പരിപാടിയിൽ പങ്കാളികളായി. എല്ലാ ഞായറാഴ്ചകളിലും ടീം കേരളയുടെ നേതൃത്വത്തിൽ ബീച്ച് ക്ലീനിങ് സംഘടിപ്പിക്കും

ആലപ്പുഴ : മാരാരിക്കുളം വടക്ക് ഗ്രാമ പഞ്ചായത്ത് 2023-24 വാർഷിക പദ്ധതിയിൽ  സായാഹ്ന ഓ.പി നടത്തുന്നതിന് എം.ബി.ബി.എസ് യോഗ്യതയുള്ള ഉദ്യോഗാർത്ഥിയെ നിയമിക്കുന്നു. 20 ന്  (ബുധനാഴ്ച) രാവിലെ 11 മണിക്ക് മാരാരിക്കുളം വടക്ക് കുടുംബാരോഗ്യകേന്ദ്രത്തിൽ വച്ച് അഭിമുഖ പരീക്ഷ നടത്തു. എംബിബിഎസ് യോഗ്യതയുള്ളവർ അസ്സൽ രേഖകളുമായി എത്തിച്ചേരണമെന്ന് മാരാരിക്കുളം വടക്ക് കുടുംബാരോഗ്യ കേന്ദ്രം മെഡിക്കൽ ഓഫീസർ അറിയിച്ചു.

ആലപ്പുഴ: സ്ത്രീകളിലെ ക്യാന്‍സര്‍ രോഗം നേരത്തെ കണ്ടെത്തുന്നതിന് പുറക്കാട് ഗ്രാമപഞ്ചായത്തില്‍ നിര്‍ണയ ക്യാമ്പുകള്‍ സംഘടിപ്പിക്കണമെന്ന് വനിതാ കമ്മിഷന്‍ അധ്യക്ഷ അഡ്വ.പി. സതീദേവി പറഞ്ഞു. സ്ത്രീകളുടെ പ്രശ്‌നങ്ങള്‍ മനസിലാക്കുന്നതിന് സംഘടിപ്പിച്ച തീരദേശ ക്യാമ്പിന്റെ ഭാഗമായി പുറക്കാട് ഗ്രാമപഞ്ചായത്ത് ഹാളില്‍ നടത്തിയ ഏകോപന യോഗം ഉദ്ഘാടനം ചെയ്തു സംസാരിക്കുകയായിരുന്നു വനിതാ കമ്മിഷന്‍ അധ്യക്ഷ.

ആലപ്പുഴ: ഹരിപ്പാട്- ചേപ്പാട്  റെയിൽവേ സ്റ്റേഷനുകൾക്കിടയിലുള്ള ലെവൽ ക്രോസ്  നമ്പർ .125 (പള്ളിപ്പാട് ഗേറ്റ്), ലെവൽക്രോസ്  നമ്പർ . 128 (കവല ഗേറ്റ്), ലെവൽക്രോസ്  നമ്പർ. 131 (കാഞ്ഞൂർ ഗേറ്റ്), ഡിസംബർ 19-ന് രാവിലെ എട്ടു മുതൽ വൈകിട്ട് ആറ് വരെ അറ്റകുറ്റ പണികൾക്കായി അടച്ചിടും. വാഹനങ്ങൾ സമാന്തര ലെവൽ ക്രോസ്  വഴി പോകണം