കൊച്ചി:  മത്സ്യത്തൊഴിലാളി ക്ഷേമനിധി ബോര്‍ഡില്‍ നിന്നും ക്ഷേമ പെന്‍ഷനുകള്‍ കൈപ്പറ്റിക്കൊണ്ടിരിക്കുന്ന മത്സ്യത്തൊഴിലാളികള്‍, അനുബന്ധ തൊഴിലാളികള്‍, വിധവ പെന്‍ഷന്‍കാര്‍, തുടര്‍ന്നുളള പെന്‍ഷന്‍ ലഭിക്കുന്നതിനുവേണ്ടി നവംബര്‍ 30-ന് മുമ്പായി ലൈഫ് സര്‍ട്ടിഫിക്കറ്റ് ഫിഷറീസ് ഓഫീസുകളില്‍ ഹാജരാക്കണം.

കൊച്ചി:  സംസ്ഥാന പട്ടികജാതി പട്ടികവര്‍ഗ വികസന കോര്‍പറേഷന്‍, ദേശീയ പട്ടികജാതി ധനകാര്യ വികസന കോര്‍പറേഷന്റെ സാമ്പത്തിക സഹായത്തോടെ നടപ്പിലാക്കുന്ന പരമാവധി 3.70 ലക്ഷം രൂപ പദ്ധതി തുകയുളള ഓട്ടോ ടാക്‌സി പദ്ധതിക്കു കീഴില്‍ വായ്പ അനുവദിക്കുന്നതിന് അപേക്ഷ ക്ഷണിച്ചു.

കൊച്ചി:  എറണാകുളം എക്‌സൈസ് ഡിവിഷനിലെ വിവിധ അബ്കാരി കേസുകളില്‍ ഉള്‍പ്പെട്ടിട്ടുള്ളതും സര്‍ക്കാരിലേക്ക് കണ്ടുകെട്ടിയതുമായ കാര്‍-2, ഓട്ടോറിക്ഷ-4, മോട്ടോര്‍ സൈക്കിള്‍-7, പിക്കപ്പ് വാന്‍-1, മിനി ട്രക്ക്-1, സ്‌കൂട്ടര്‍-4 എന്നീ വാഹനങ്ങള്‍ ഡിസംബര്‍ 5 രാവിലെ 11ന് മാമല എക്‌സൈസ് റേഞ്ച് ഓഫീസില്‍ പരസ്യമായി ലേലം ചെയ്തു നില്‍ക്കും. കൂടുതല്‍ വിവരങ്ങള്‍ക്ക്  എക്‌സൈസ് ഡെപ്യൂട്ടി കമ്മീഷണര്‍ ഓഫീസുമായോ ജില്ലയിലെ മറ്റ് എക്‌സൈസ് ഓഫീസുകളുമായോ ബന്ധപ്പെടുക. ഫോണ്‍ 0484  2786848

കൊച്ചി:  നിയമസഭയുടെ സബോര്‍ഡിനേറ്റ് ലെജിസ്ലേഷന്‍ സമിതി തൃപ്പൂണിത്തുറ ഹില്‍പാലസില്‍ നവംബര്‍ 29 രാവിലെ 11ന് യോഗം ചേരും. 1968 ലെ കേരള പ്രാചീന സ്മാരക പുരാവസ്തു സങ്കേത പുരാവശിഷ്ട ആക്ടിലെ വ്യവസ്ഥകള്‍ നടപ്പിലാക്കുന്നത് സംബന്ധിച്ച് ജില്ലയിലെ പുരാവസ്തുവകുപ്പ് ഉദ്യോഗസ്ഥനില്‍ നിന്ന് സമിതി തെളിവെടുപ്പ് നടത്തും. തുടര്‍ന്ന് തൃപ്പൂണിത്തുറ ഹില്‍പാലസും അനുബന്ധ പ്രദേശങ്ങളും സന്ദര്‍ശിക്കും.

കൊച്ചി:  സംസ്ഥാന വ്യവസായ വികസന കോര്‍പറേഷനും ഇന്‍സ്റ്റിറ്റിയൂട്ട് ഫോര്‍ എന്റര്‍പ്രണര്‍ഷിപ്പ് ഡവലപ്‌മെന്റും സംയുക്തമായി സംസ്ഥാനത്ത് 14 ജില്ലകളിലായി 18 നും 45 നും  മധ്യേ പ്രായമുളള വനിതകള്‍ക്ക് സംരംഭകത്വ  വികസന പരിശീലന പരിപാടികള്‍ നടത്തുന്നു. മൂന്ന് ദിവസം നീണ്ടുനില്‍ക്കുന്ന പരിശീലന പരിപാടിയില്‍ ആദ്യം അപേക്ഷിക്കുന്ന 30 വനിതകളെ തിരഞ്ഞെടുക്കും. മിനിമം യോഗ്യത പത്താം ക്ലാസ് പാസായിരിക്കണം. അപേക്ഷാ ഫോം ംംം.സശലറ.ശിളീ ലഭ്യമാണ്. കൂടുതല്‍ വിവരങ്ങള്‍ക്ക് ഫോണ്‍ 0484-2550322, 2532890, 9539772373.

സാംസ്‌കാരിക വകുപ്പിന്റെ ഡയറക്ടറേറ്റില്‍ ഒഴിവുളള ഡെപ്യൂട്ടി ഡയറക്ടര്‍ തസ്തികയിലേക്ക് ഡെപ്യൂട്ടേഷന്‍ വ്യവസ്ഥയില്‍ നിയമനത്തിന് അപേക്ഷ ക്ഷണിച്ചു.  45,800 രൂപ അടിസ്ഥാന ശമ്പളമുളള രണ്ടാം ഗസറ്റഡ് തസ്തികയില്‍ സംസ്ഥാന സര്‍ക്കാര്‍ അല്ലെങ്കില്‍ സമാന സര്‍വീസില്‍ സേവനമനുഷ്ഠിക്കുന്നവര്‍ക്ക് അപേക്ഷിക്കാം.   അംഗീകൃത സര്‍വകലാശാലയില്‍ നിന്നും സാഹിത്യത്തിലോ ചരിത്രത്തിലോ 55 ശതമാനത്തില്‍ കുറയാത്ത  ബിരുദാനന്തര ബിരുദമാണ് യോഗ്യത.  കലാ സാംസ്‌കാരിക രംഗത്തെ പ്രവൃത്തി പരിചയം അഭിലഷണീയം.  നിരാക്ഷേപ പത്രം സഹിതം അപേക്ഷകള്‍ ഡയറക്ടര്‍, സാംസ്‌കാരിക വകുപ്പദ്ധ്യക്ഷ കാര്യാലയം, തൈക്കാട് പി.ഒ, തിരുവനന്തപുരം -14 എന്ന വിലാസത്തില്‍ ഡ

സെക്രട്ടേറിയറ്റ് ഡര്‍ബാര്‍ ഹാളില്‍ നടന്ന ഭരണഘടനാ ദിനാചരണ ചടങ്ങില്‍ അഡീഷണല്‍ ചീഫ് സെക്രട്ടറി പോള്‍ ആന്റണി ഭരണഘടനയുടെ ആമുഖം ചൊല്ലിക്കൊടുത്തു. വിവിധ വകുപ്പുകളിലെ ജീവനക്കാര്‍ പങ്കെടുത്തു. നവംബര്‍ 26 അവധിയായ സാഹചര്യത്തിലാണ് സര്‍ക്കാര്‍ നിര്‍ദേശപ്രകാരം ഇന്നലെ (നവംബര്‍ 27) ഭരണഘടനാ ദിനം ആചരിച്ചത്.

പി.എന്‍.എക്‌സ്.5037/17

    പ്രകൃതി സംരക്ഷണം ഉറപ്പാക്കിയുള്ള സുസ്ഥിര വികസനത്തിന് നീര്‍ത്തട സംവിധാനം ഉപയോഗപ്പെടുത്തിയുള്ള പ്രവര്‍ത്തനങ്ങളാണ് അഭികാമ്യമെന്ന് മുഖ്യമന്ത്രി  പിണറായി വിജയന്‍ പറഞ്ഞു. അതോടൊപ്പം സ്ഥായിയായ കാര്‍ഷികോദ്പാദനവും സാധ്യമാക്കണം. ഫലഭൂയിഷ്ഠമായ നമ്മുടെ മണ്ണിന്റെ ജൈവസ്വഭാവം നഷ്ടപ്പെട്ടുകൊണ്ടിരിക്കുകയാണ്. അത് തിരികെപ്പിടിക്കണമെന്നും മുഖ്യമന്ത്രി പറഞ്ഞു. നീര്‍ത്തടാസൂത്രണം സുസ്ഥിര വികസനത്തിന് എന്ന വിഷയത്തില്‍ സംസ്ഥാന ഭൂവിനിയോഗ ബോര്‍ഡും ഹരിതകേരള മിഷനും സംയുക്തമായി സംഘടിപ്പിച്ച സംസ്ഥാനതല ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.

കാക്കനാട്:  ഭരണഘടനദിനാചരണത്തിന്റെ ഭാഗമായി കളക്ട്രേറ്റ് ജീവനക്കാര്‍ ഭരണഘടന പ്രതിജ്ഞയെടുത്തു. കോണ്‍ഫറന്‍സ് ഹാളില്‍ നടന്ന ചടങ്ങില്‍ ഡെപ്യൂട്ടി കളക്ടര്‍ എം.പി. ജോസ് ഭരണഘടനയുടെ ആമുഖം ചൊല്ലിക്കൊടുത്തു.