വനം വകുപ്പിന്റെ അഗസ്ത്യവനം ബയോളജിക്കല്‍ പാര്‍ക്ക് സര്‍ക്കിള്‍ പരിധിയിലുള്ള വിവിധ ഡിവിഷനുകളില്‍ മണ്ണ്, ജലസംരക്ഷണ പ്രവൃത്തികള്‍ ഉള്‍പ്പെടെയുള്ള വനസംബന്ധമായ ജോലികള്‍, (ഫൈനല്‍ ഫെല്ലിംഗ്, സിവില്‍ വര്‍ക്ക് എന്നിവ ഒഴികെ) കരാര്‍ വ്യവസ്ഥയില്‍ ഏറ്റെടുത്ത് നടത്തുന്നതിന് കോണ്‍ട്രാക്ടര്‍മാര്‍ക്ക് രജിസ്‌ട്രേഷന് അപേക്ഷിക്കാമെന്ന് പബ്ലിക് റിലേഷന്‍സ് ഓഫീസര്‍ അറിയിച്ചു.  
    മാര്‍ഗ്ഗനിര്‍ദ്ദേശങ്ങളും വിശദവിവരങ്ങളും ഫോറസ്റ്റ് കണ്‍സര്‍വേറ്റര്‍, വൈല്‍ഡ്‌ലൈഫ് സര്‍ക്കിള്‍, തിരുവനന്തപുരം ഓഫീസില്‍ ലഭിക്കുന്നതാണ്.  കൂടുതല്‍ വിവരങ്ങള്‍ക്ക്: 0471- 2325385. 
(പി.ആര്‍.പി 1939/2017)
 

    തിരുവനന്തപുരം ജില്ലയില്‍ പ്രവര്‍ത്തിക്കുന്ന എല്ലാ ക്വാറികളുടേയും ക്രഷറുകളുടെയും ഉടമകള്‍ നിയമാനുസൃതമായ പെര്‍മിറ്റ്, എന്‍.ഒ.സി എന്നിവയ്‌ക്കൊപ്പം, ക്വാറികളിലും ക്രഷറുകളിലും അനുബന്ധ സ്ഥാപനങ്ങളിലും സ്വീകരിച്ചിട്ടുള്ള സുരക്ഷാ നടപടികള്‍ വിശദമാക്കുന്ന സത്യാവങ്മൂലം, സ്ഥാപനങ്ങളുടെ ഏറ്റവും പുതിയ ചിത്രങ്ങള്‍ എന്നിവ സഹിതം ഡിസംബര്‍ എട്ടിന് കളക്ടറേറ്റില്‍ ചേരുന്ന യോഗത്തില്‍ പങ്കെടുക്കണമെന്ന് ജില്ലാ കളക്ടര്‍ ഡോ. കെ. വാസുകി അറിയിച്ചു.
(പി.ആര്‍.പി 1937/2017)
 

                പട്ടിക ജാതി പട്ടികവര്‍ഗ്ഗ പിന്നോക്ക ക്ഷേമ വകുപ്പ് മന്ത്രി എ.കെ.ബാലന്‍ ഇന്ന് (നവംബര്‍ 25) ജില്ലയില്‍ വിവിധ പരിപാടികളില്‍ പങ്കെടുക്കും.  രാവിലെ 11.30ന് സുല്‍ത്താന്‍ ബത്തേരി ചെതലയം ഹോസ്റ്റല്‍ ഉദ്ഘാടനം ചെയ്യും.  ഉച്ചയ്ക്ക് ശേഷം മുന്നിന് കളക്‌ട്രേറ്റില നടക്കുന്ന അവലോകന യോഗത്തിലും മന്ത്രി പങ്കെടുക്കും.

                നവോദയ വിദ്യാലയത്തിലേക്ക് ആറാം ക്ലാസിലേക്കുള്ള പ്രവേശന പരീക്ഷയുടെ ഓണ്‍ലൈന്‍ അപേക്ഷകള്‍ അക്ഷയ മുഖേനയും ഓഫ് ലൈന്‍ അപേക്ഷകള്‍ ജവഹര്‍ നവോദയ വിദ്യാലയത്തില്‍ നേരിട്ടും സമര്‍പ്പിക്കാനുള്ള തീയതി ഡിസംബര്‍ രണ്ട് വരെ നീട്ടിയതായി പ്രിന്‍സിപ്പല്‍ അറിയിച്ചു.