കരാര്‍ ജീവനക്കാര്‍ ജോലി ചെയ്ത കാലയളവിലുള്ള നിയമാനുസൃത ആനുകൂല്യങ്ങള്‍ക്ക് അര്‍ഹരാണെന്ന് സംസ്ഥാന മനുഷ്യാവകാശ കമ്മീഷന്‍. പരാതിക്കാരനുംസാക്ഷരതാമിഷനില്‍ തൃശൂര്‍ ജില്ലാ അസിസ്റ്റന്റ് കോ-ഓര്‍ഡിനേറ്ററുമായിരുന്ന  എ.ജി പല്‍പ്പുവിനോട് വിവേചനപരമായ സമീപനം ഉണ്ടാകാന്‍    പാടില്ലെന്നും കമ്മീഷന്‍ അംഗം കെ. മോഹന്‍കുമാര്‍ ഉത്തരവില്‍ പറഞ്ഞു. 2003 മുതല്‍ 14 വര്‍ഷം തൃശൂര്‍ ജില്ലാ സാക്ഷരതാമിഷനില്‍ അസിസ്റ്റന്റ് കോ-ഓര്‍ഡിനേറ്ററായിരുന്ന എ.ജി പല്‍പ്പു 2017 ഫെബ്രുവരിയില്‍ ജോലിയില്‍ നിന്നും പിരിച്ചുവിട്ടു.  ഇ.പി.എഫ്,  റ്റി.എ,  സറണ്ടര്‍ ആനുകൂല്യങ്ങള്‍ നല്‍കിയില്ല.

മൈക്രോ ഫാസിസം അഥവാ സൂക്ഷ്മതലങ്ങളില്‍ ഇടപെടുന്ന ഫാസിസത്തിന്റെ ലക്ഷണങ്ങളാണ് ഇന്ത്യന്‍ സാമൂഹ്യവ്യവസ്ഥയില്‍ പ്രകടമാകുന്നതെന്നും മൈക്രോ ഫാസിസവും മാഫിയ മൂലധനവും ചേരുമ്പോള്‍ ഇരകളാവുന്നത്. റിപ്പോര്‍ട്ടര്‍മാരാണെന്നും കാലിക്കറ്റ് സര്‍വ്വകലാശാല ഇ.എം.എം.ആര്‍.സി ഡയറക്ടര്‍ ദാമോദര്‍ പ്രസാദ് പറഞ്ഞു. ദേശീയ മാധ്യമ ദിനാചരണത്തിന്റെ ഭാഗമായി ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പും തൃശൂര്‍ പ്രസ് ക്ലബും ചേര്‍ന്ന് സംഘടിപ്പിച്ച മാധ്യമങ്ങളും ഭരണനിര്‍വ്വഹണവും എന്ന സെമിനാറില്‍ വിഷയാവതരണം നടത്തുകയായിരുന്നു അദ്ദേഹം. ജനാധിപത്യത്തേയും സഹിഷ്ണുതയേയും എതിര്‍ക്കുക എന്നതാണ് മൈക്രോ ഫാസിസത്തിന്റെ രീതി.

കൊച്ചി: കേന്ദ്ര- സംസ്ഥാന സര്‍ക്കാരുകള്‍ നടപ്പാക്കുന്ന ആരോഗ്യ ഇന്‍ഷുറന്‍സ് പദ്ധതിയില്‍ അംഗങ്ങളാകുന്നതിന് നവംബര്‍ 20 വരെ അക്ഷയ കേന്ദ്രങ്ങള്‍ വഴി അപേക്ഷ സമര്‍പ്പിക്കാം. റേഷന്‍ കാര്‍ഡ് ഇല്ലാത്തവര്‍ക്കും ഗുണഭോക്താക്കളാകാം. പട്ടികജാതി/വര്‍ഗ വിഭാഗങ്ങളില്‍ പെടുന്ന വിവിധ ക്ഷേമനിധിയില്‍ ഉള്‍പ്പെട്ടവര്‍ മറ്റ് അര്‍ഹ വിഭാഗങ്ങള്‍ തുടങ്ങിയവര്‍ക്ക് രേഖകള്‍ സഹിതം തൊട്ടടുത്ത അക്ഷയ കേന്ദ്രങ്ങളെ സമീപിക്കാം.

ഇന്ത്യന്‍ തിരഞ്ഞെടുപ്പ് കമ്മീഷന്റെ ഉത്തരവുപ്രകാരം 9 മുതല്‍ 12 ക്ലാസ്സുകളിലെ വിദ്യാര്‍ത്ഥികള്‍ക്കായി ഇലക്ഷനും ഇലക്ഷന്‍ നടപടിക്രമങ്ങളും എന്ന വിഷയത്തില്‍ നടത്തുന്ന അഖിലഭാരത ക്വിസ് മത്സരത്തിന്റെ ഭാഗമായി ജില്ലാതല മത്സരം സംസ്ഥാന ഇലക്ടറല്‍ രജിസ്‌ട്രേഷന്‍ ഓഫീസറുടെ നിര്‍ദ്ദേശപ്രകാരം ഡിസംബര്‍ 1 ന് നടത്തും.
 

കേന്ദ്ര സംസ്ഥാന സര്‍ക്കാരിന്റെ തൊഴില്‍ വകുപ്പ് മുഖേന നടപ്പാക്കുന്ന സൗജന്യ ആരോഗ്യ ഇന്‍ഷൂറന്‍സ് പദ്ധതി അംഗത്വ രജിസ്‌ട്രേഷന്‍ നവംബര്‍ 20 വരെ നീട്ടി. 2018-19 വര്‍ഷത്തേക്കുളള അംഗത്വ രജിസ്‌ട്രേഷന്‍ അക്ഷയ കുടുംബശ്രീ കേന്ദ്രങ്ങളില്‍ നവംബര്‍ 20 ന് അവസാനിക്കും. കൂടാതെ ആര്‍.എസ്.ബി.വൈ ചിസ് കാര്‍ഡ് പദ്ധതിപ്രകാരം 2017-18 വര്‍ഷത്തേക്ക് ആരോഗ്യ ഇന്‍ഷൂറന്‍സ് എടുക്കാന്‍ കഴിയാതെ വന്ന കുടുംബങ്ങള്‍ക്കും രജിസ്‌ട്രേഷന് അവസരമുണ്ട്. 2017-18 വര്‍ഷത്തില്‍ കാര്‍ഡ് പുതുക്കിയ കുടുംബങ്ങള്‍ രജിസ്റ്റര്‍ ചെയ്യേണ്ടതില്ല.

ഈ വര്‍ഷത്തെ തൃശൂര്‍ റവന്യൂ ജില്ലാ കേരള സ്‌കൂള്‍ കലോത്സവം നവംബര്‍ 28, 29, 30, ഡിസംബര്‍ 1 തീയതികളിലായി ചാലക്കുടിയില്‍ നടക്കും. മേളയുടെ ഭാഗമായി നടക്കുന്ന സാംസ്‌ക്കാരിക സന്ധ്യയില്‍ ജില്ലയില്‍ നിന്നും മുന്‍ വര്‍ഷങ്ങളില്‍ കലാപ്രതിഭ/തിലകം ആയവര്‍ 9447878080, 9446724721 എന്നീ നമ്പറുകളില്‍ ബന്ധപ്പെടണമെന്ന് വിദ്യാഭ്യാസ ഉപഡയറക്ടര്‍ അറിയിച്ചു. 
 

ആം ആദ്മി ബീമാ യോജന  പദ്ധതിയില്‍ രജിസ്റ്റര്‍ ചെയ്തിട്ടുളള ഗുണഭോക്താക്കള്‍ ആധാര്‍, ബാങ്ക് വിവരങ്ങള്‍ നവംബര്‍ 30 നകം പോളിസിയുമായി ബന്ധിപ്പിക്കണം. പോളിസി സര്‍ട്ടിഫിക്കറ്റും ബാങ്ക്, ആധാര്‍ വിവരങ്ങളുമായി അടുത്തുളള അക്ഷയ/കുടുംബശ്രീ ഉന്നതി മറ്റ് സേവന കേന്ദ്രങ്ങളില്‍ ബന്ധപ്പെടണം. അഞ്ചു രൂപയാണ് ഫീസ്.

ചിയാകിന്റെ ഔദ്യോഗിക വെബ് സൈറ്റില്‍ നല്‍കിയിട്ടുളള ഓപ്പണ്‍ ലിങ്ക് മുഖേന ഗുണഭോക്താക്കള്‍ക്ക് നേരിട്ടും വിവരങ്ങള്‍ ബന്ധിപ്പിക്കാം. പദ്ധതി പ്രകാരം മരണാനന്തര ധനസഹായം 30000 രൂപയില്‍ നിന്നും 200000 രൂപയായി വര്‍ദ്ധിപ്പിച്ചു.

കൊച്ചി: വടവുകോട് ബ്ലോക്ക് ക്ഷീര സംഗമം നവംബര്‍ 17, 18 തീയതികളില്‍ നെല്ലാട് സെന്റ് തോമസ് എല്‍.പി സ്‌കൂള്‍ ഓഡിറ്റോറിയത്തിലും പരിസരത്തുമായി വിവിധ പരിപാടികളോടെ നടത്തും. ക്ഷീര സംഗമത്തോടനുബന്ധിച്ച് കന്നുകാലി പ്രദര്‍ശന മത്സരം, ക്ഷീര വികസന സെമിനാര്‍, പൊതുസമ്മേളനം, മികച്ച ക്ഷീര സംഘത്തിന് അവാര്‍ഡ് ദാനം, മികച്ച ക്ഷീര കര്‍ഷകരെ ആദരിക്കല്‍, ഡയറി ക്വിസ് എന്നിവ നടത്തും. പരിപാടിയോടനുബന്ധിച്ചുള്ള പൊതുസമ്മേളനം 18-ന് രാവിലെ 11 മണിക്ക് വി പി സജീന്ദ്രന്‍ എംഎല്‍എ ഉദ്ഘാടനം ചെയ്യും. വടവുകോട് ബ്ലോക്ക് പഞ്ചായത്ത് പ്രസിഡന്റ് ഗൗരി വേലായുധന്‍ നിര്‍വഹിക്കും. അദ്ധ്യക്ഷയായിരിക്കും.