മണിയൂർ പഞ്ചായത്തിലെ ആറാം വാർഡിൽ പഞ്ചായത്ത് ഫണ്ട് ഉപയോഗിച്ച് നിർമിച്ച എളമ്പിലാട് വയൽ - പാറോൽ താഴെ റോഡ് പഞ്ചായത്ത് പ്രസിഡന്റ് ടി.കെ അഷറഫ് മാസ്റ്റർ ഉദ്ഘാടനം ചെയ്തു. വാർഡ് മെമ്പർ ശശിധരൻ കരിമ്പാണ്ടിയിൽ അധ്യക്ഷത വഹിച്ചു.

പത്ത് ലക്ഷം രൂപ ചെലവഴിച്ചാണ് റോഡ് പ്രവൃത്തി പൂർത്തീകരിച്ചത്. പി.എം ശങ്കരൻ സ്വാഗതവും കെ.പി ഷിജു നന്ദിയും പറഞ്ഞു

ബേപ്പൂർ ഹെെ ടെ‍െഡ് പദ്ധതിയുമായി ബന്ധപ്പെട്ട് ബേപ്പൂർ നിയോജക മണ്ഡലത്തിലെ ജനപ്രതിനിധികളുടെ യോഗം ചേർന്നു. മേയർ ഡോ.ബീന ഫിലിപ്പ് യോ​ഗം ഉദ്ഘാടനം ചെയ്തു. മണ്ഡലത്തെ സമ്പൂർണ ഭിന്നശേഷി സൗഹൃദമാക്കുകയാണ് ബേപ്പൂർ 'ഹൈ ടൈഡി'ലൂടെ (ഹയർ ഇനിഷ്യേറ്റീവ് ഓൺ ടോട്ടൽ ഇൻക്ലൂഷൻ ഡ്രൈവ് ഫോർ ഇക്വിറ്റി) ലക്ഷ്യമിടുന്നത്. 

ഭിന്നശേഷി വികസന രംഗത്ത് പ്രവർത്തിക്കുന്ന സ്ഥാപനങ്ങൾ, സംഘടനകൾ, തദ്ദേശ സ്വയംഭരണ സ്ഥാപനങ്ങൾ, വിവിധ സർക്കാർ വകുപ്പുകൾ, സമഗ്ര ശിക്ഷാ കേരളം, സംസ്ഥാന ഭിന്നശേഷി കമ്മീഷണറേറ്റ്, സി ആർ സി കോഴിക്കോട് എന്നിവരെ ഏകോപിപ്പിച്ചാണ് ബേപ്പൂർ ഹെെ ടെ‍െഡ് പദ്ധതി നടപ്പാക്കുക.

താമരശ്ശേരി ഗ്രാമപഞ്ചായത്തും കൃഷിഭവനും സംയുക്തമായി കർഷക ദിനാഘോഷത്തിന്റെ ഭാഗമായി സംഘടിപ്പിക്കുന്ന  കാർഷിക പ്രദർശന വിപണന മേള ഗ്രാമപഞ്ചായത്ത്‌ പ്രസിഡന്റ്‌ ജെ.ടി അബ്ദുറഹിമാൻ മാസ്റ്റർ ഉദ്ഘാനം ചെയ്തു. ഗ്രാമപഞ്ചായത്ത് വൈസ് പ്രസിഡന്റ്‌ സൗദബീവി അധ്യക്ഷത വഹിച്ചു.

തൂണേരി ബ്ലോക്ക് പഞ്ചായത്ത് 2022-23 വാർഷിക പദ്ധതിയിൽ ഉൾപ്പെടുത്തി ബ്ലോക്ക് പരിധിയിലെ സ്കൂളുകളിലും സ്ഥാപനങ്ങളിലും നാപ്കിൻ ഇൻസിനേറ്റർ സ്ഥാപിച്ചു. പദ്ധതിയുടെ ഉദ്ഘാടനം ഇരിങ്ങണ്ണൂർ ഹയർ സെക്കൻഡറി സ്കൂളിൽ ബ്ലോക്ക് പഞ്ചായത്ത് പ്രസിഡന്റ്‌ കെ. പി വനജ നിർവഹിച്ചു. എടച്ചേരി ഗ്രാമപഞ്ചായത്ത് പ്രസിഡന്റ്‌ എൻ പദ്മിനി ടീച്ചർ അധ്യക്ഷത വഹിച്ചു.

മണക്കടവ് വിയറില്‍ 2023 ജൂലൈ ഒന്ന് മുതല്‍ 2023 ഓഗസ്റ്റ് 16 വരെ 606 ദശലക്ഷം ഘനയടി ജലം ലഭിച്ചു. പറമ്പിക്കുളം-ആളിയാര്‍ കരാര്‍ പ്രകാരം 6644 ദശലക്ഷം ഘനയടി ജലം ലഭിക്കാനുള്ളതായി സംയുക്ത ജലക്രമീകരണ വിഭാഗം ജോയിന്റ് ഡയറക്ടര്‍ അറിയിച്ചു. പറമ്പിക്കുളം-ആളിയാര്‍ പദ്ധതി പ്രകാരമുള്ള നിലവിലെ ജലലഭ്യത ദശലക്ഷം ഘനയടിയില്‍ ചുവടെ കൊടുക്കുന്നു. ബ്രാക്കറ്റില്‍ പരമാവധി ജലസംഭരണശേഷി ദശലക്ഷം ഘനയടിയില്‍.

സംസ്ഥാന സാക്ഷരതാ മിഷന്‍ പത്താംതരം തുല്യത പഠിതാക്കള്‍ക്കും പ്രേരക്മാര്‍ക്കുമായി വനംവകുപ്പിന്റെയും നെന്മാറ സെന്റര്‍ ഫോര്‍ ലൈഫ് സ്‌കില്‍ അസോസിയേഷന്റെയും നേതൃത്വത്തില്‍ ആഗസ്റ്റ് 17, 18, 19 തീയതികളില്‍ നെല്ലിയാമ്പതിയില്‍ പ്രകൃതി പഠന ക്യാമ്പ് സംഘടിപ്പിക്കുന്നു. ജില്ലാ പഞ്ചായത്ത് പ്രസിഡന്റ് കെ. ബിനുമോള്‍ ഉദ്ഘാടനം ചെയ്യും. പ്രകൃതി പഠനയാത്ര, ചര്‍ച്ചകള്‍, സെമിനാറുകള്‍ എന്നിവ ക്യാമ്പിലുണ്ടാകും. സംസ്ഥാന സാക്ഷരതാ മിഷന്‍ ഡയറക്ടര്‍ എ.ജി ഒലീന, അസിസ്റ്റന്റ് ഡയറക്ടര്‍ സന്ദീപ് ചന്ദ്രന്‍, ജില്ലാ കോ-ഓര്‍ഡിനേറ്റര്‍ ഡോ.

വീട്ടിലിരുന്നുതന്നെ അധ്യാപകർക്കും സഹപാഠികൾക്കുമൊപ്പം ക്ലാസ് മുറിയിൽ ഇരിക്കുന്ന അനുഭവം ഇനി ഷഹബാസ് അലിക്കും ലഭിക്കും. സമഗ്രശിക്ഷ കേരളയുടെ വെർച്വൽ ക്ലാസ് റൂം പദ്ധതിയാണ് ഷഹബാസ് അലിക്ക് ക്ലാസ് റൂം അനുഭവം സാധ്യമാക്കിയത്. ആരോഗ്യ പ്രശ്നങ്ങൾ കാരണം സ്‌കൂളിലെത്താൻ കഴിയാത്ത കുട്ടികൾക്കുവേണ്ടിയാണ് സമഗ്രശിക്ഷ കേരളം വെർച്വൽ ക്ലാസ് റൂം പദ്ധതി നടപ്പിലാക്കുന്നത്.  

ജില്ലയില്‍ റൂം ഫോര്‍ റിവര്‍ പദ്ധതിയുടെ ഭാഗമായി ഭാരതപ്പുഴയുടെയും കൈവഴികളായ കണ്ണാടിപ്പുഴ, ഗായത്രിപ്പുഴ, കല്‍പ്പാത്തിപ്പുഴ, തൂതപ്പുഴ എന്നീ പുഴകളിലെയും പ്രളയ സാധ്യത നിലനില്‍ക്കുന്ന ഭാഗങ്ങളില്‍നിന്നും നീക്കം ചെയ്ത് വിവിധ പഞ്ചായത്തുകളിലെ 37 ഇടങ്ങളിലായി കൂട്ടിവെച്ചിരിക്കുന്ന എക്കലും ചെളിയും മറ്റ് അവശിഷ്ടങ്ങളും ലേലം നടത്തി വില്‍ക്കുന്നു. മൈനര്‍ ഇറിഗേഷന്‍ ഡിവിഷന്‍ പാലക്കാട് എക്സിക്യൂട്ടീവ് എന്‍ജിനീയറുടെ മേല്‍നോട്ടത്തിലാണ് ലേലം നടക്കുക.

ചിറ്റൂര്‍ ഗവ കോളെജില്‍ 2023-24 അധ്യയന വര്‍ഷം മൂന്നാം സെമസ്റ്റര്‍ പി.ജി കോഴ്‌സുകളിലെ വിവിധ വകുപ്പുകളില്‍ കോളെജ് ട്രാന്‍സ്ഫര്‍ ഒഴിവ്. എം.എസ്.സി ഫിലോസഫി, എം.എസ്.സി മാത്തമാറ്റിക്‌സ്, എം.എ ഇക്കണോമിക്‌സ് എന്നീ കോഴ്‌സുകളിലാണ് ഒഴിവ്. കോളെജ് ട്രാന്‍സ്ഫര്‍ (സീനിയര്‍ അഡ്മിഷന്‍) വഴി അഡ്മിഷന് അര്‍ഹതയുള്ള വിദ്യാര്‍ത്ഥികള്‍ 8078042347 ല്‍ ബന്ധപ്പെട്ട്, നിര്‍ദിഷ്ട രേഖകള്‍ സഹിതം ഇന്ന് (ആഗസ്റ്റ് 17) വൈകിട്ട് മൂന്നിനകം കോളെജ് ഓഫീസില്‍ റിപ്പോര്‍ട്ട് ചെയ്യണമെന്ന് പ്രിന്‍സിപ്പാള്‍ അറിയിച്ചു.

സംസ്ഥാന വനിത കമ്മിഷന്‍ ആഗസ്റ്റ് 18 ന് രാവിലെ 10 ന് കലക്ടറേറ്റ് കോണ്‍ഫറന്‍സ് ഹാളില്‍ മെഗാ അദാലത്ത് നടത്തും.