കേരള സർക്കാർ സ്ഥാപനമായ ഐ എച്ച് ആർ ഡിയുടെ പൈനാവ് മോഡൽ പോളിടെക്നിക് കോളേജിൽ ലക്ചറർ ഇൻ ഫിസിക്സ്, ലക്ചറർ ഇൻ ഇലക്ട്രോണിക്സ്, ഡെമോൺസ്ട്രേറ്റർ  ഇൻ ഇലക്ട്രോണിക്സ്, ട്രേഡ്സ്മാൻ ഇൻ ഇലക്ട്രിക്കൽ എന്നീ തസ്തികകളിലേയ്ക്ക്  താത്ക്കാലിക   നിയമനത്തിനായി അപേക്ഷ ക്ഷണിച്ചു. 

നവകേരളം വൃത്തിയുള്ള കേരളം എന്ന സന്ദേശം വിദ്യാർത്ഥികളിലൂടെ സമൂഹത്തിലേക്ക് എത്തിക്കുന്നതിനായി നടപ്പാക്കുന്ന ഹരിത വിദ്യാലയം പദ്ധതിയുടെ ജില്ലാതല ഉദ്ഘാടനം നടന്നു.  വരവൂർ ഗവ എൽ പി സ്കൂളിൽ  ഹരിത വിദ്യാലയ പ്രഖ്യാപനം  ജില്ലാ പഞ്ചായത്ത് പ്രസിഡന്റ് പി കെ ഡേവിസ് മാസ്റ്റർ ഉദ്ഘാടനം ചെയ്തു.

കയ്പമംഗലം, വലപ്പാട് എന്നി പ്രദേശങ്ങളിലെ ഹാർബർ നിർമ്മിക്കാൻ ഉദ്ദേശിക്കുന്ന സ്ഥലം കേന്ദ്ര സംഘം സന്ദർശിച്ചു. സി ഡബ്ലിയു പി ആർ സ് (ദ സെൻട്രൽ വാട്ടർ ആന്റ് പവർ റിസർച്ച് സ്റ്റേഷൻ ) ലെ  ശാസ്ത്രജ്ഞരായ ഡോ ജെ സിൻഹ , ഡോ.എസ് ജി മഞ്ജുനത , ഡോ. എ കെ സിംഗ് എന്നിവരടങ്ങിയ മൂന്ന് അംഗ സംഘമാണ് സന്ദർശിച്ചത്.

പ്രദേശങ്ങളെ കുറിച്ച് ഹാർബർ എഞ്ചിനീയറിംഗ് വകുപ്പ്  ഇൻവെസ്റ്റിഗേഷൻ നടത്തിയ വിവരങ്ങൾ കൈമാറുന്നതിന് മുന്നോടിയായാണ് സ്ഥല സന്ദർശനം.ഹാർബർ എഞ്ചിനീയറിംഗ് വകുപ്പിന്റെ നേതൃത്വത്തിൽ കയ്പമംഗലം ഹാർബറിന്റെ ഇൻവെസ്റ്റിഗേഷൻ പൂർത്തികരണ  ഘട്ടത്തിലും വലപ്പാട്  ഇൻവെസ്റ്റിഗേഷൻ പ്രവൃത്തികൾ പുരോഗമിക്കുകയുമാണ്.

തൃശൂർ ഗവ.മെഡിക്കൽ കോളേജിൽ ഓർത്തോപീഡിക്സ്, കാർഡിയോളജി എന്നീ വിഭാഗങ്ങളിൽ ഡോക്ടർമാരെ കരാറടിസ്ഥാനത്തിൽ നിയമിക്കുന്നു.  കൂടിക്കാഴ്ച്ച 14 ന് രാവിലെ 11 മണിക്ക് പ്രിൻസിപ്പാളിന്റെ കാര്യാലയത്തിൽ  നടത്തും.പ്രതിമാസ വേതനം 70,000/- രൂപ . ഏറ്റവും കുറഞ്ഞ യോഗ്യത മേൽപ്പറഞ്ഞ വിഷയങ്ങളിൽ ബിരുദാനന്തരബിരുദം. ഉദ്യോഗാർത്ഥികൾ  അസ്സലും പകർപ്പും സഹിതം അന്നേ ദിവസം രാവിലെ 10 മണിക്ക് ഹാജരാകണം.

വരവൂർ തിച്ചൂരിലെ സരസ്വതി സ്കൂൾ കോമ്പൗണ്ടിലെ തരിശുഭൂമിയിൽ ഇനി കുറുന്തോട്ടി സമൃദ്ധമാകും. വരവൂർ ഗ്രാമ പഞ്ചായത്തിലെ പതിനാലാം വാർഡിലെ തൃപ്തി കുടുംബശ്രീയിലെ നവര ജെ എൽ ജി ഏഴ് ഏക്കറിലാണ് കുറുന്തോട്ടി കൃഷി ആരംഭിച്ചിട്ടുള്ളത്. കുടുംബശ്രീ മിഷനും ഗ്രാമപഞ്ചായത്തും ചേർന്ന് ആവശ്യമായ സഹായങ്ങൾ ഉറപ്പാക്കി. മറ്റത്തൂർ ലേബർ സൊസൈറ്റി മുഖേനെ വിപണവും സാധ്യമാക്കും.

പദ്ധതിയുടെ ഭാഗമായി 364 തൊഴിൽ ദിനങ്ങൾ ഇതുവരെ സൃഷ്ടിക്കാനായി.  കഠിനപ്രയത്നത്തിന്റെയും ഇച്ഛാശക്തിയുടെയും പെൺ കരുത്ത് തരിശു ഭൂമിയെ കുറുന്തോട്ടി ഉദ്യാനമാക്കി.

പുനർ ഗേഹം " പദ്ധതി ഭൂമി ഏറ്റെടുക്കൽ നടപടികൾ എളുപ്പത്തിലാക്കുമെന്ന് ഫിഷറീസ് വകുപ്പ് മന്ത്രി സജി ചെറിയാൻ .  ഇ ടി ടൈസൺ മാസ്റ്റർ എം എൽ എ നിയമസഭയിൽ ഉന്നയിച്ച ചോദ്യത്തിന്   മറുപടി പറയുകയായിരുന്നു മന്ത്രി.

നിലവിൽ പുനർ ഗേഹം പദ്ധതിയിൽ ഉൾപ്പെട്ട ആളുകൾക്ക് ഭൂമിയുടെ സൗജന്യ രജിസ്ട്രേഷൻ നടത്തുന്നുണ്ടെന്നും എം എൽ എ സൂചിപ്പിച്ച ഈ വിഷയത്തിൽ ആവശ്യമായ നടപടികൾ സ്വീകരിക്കുമെന്നും   മന്ത്രി   നിയമസഭയിൽ പറഞ്ഞു.

തൃശൂർ റൂറൽ പോലീസ് ജില്ലയിലെ വിവിധ പോലീസ് സ്റ്റേഷനുകളിൽ അവകാശികളില്ലാതെ സൂക്ഷിച്ചിരിക്കുന്ന 268 വാഹനങ്ങൾ ലേലം ചെയ്യുന്നു. ഈ വാഹനങ്ങളിൽ അവകാശവാദം ഉന്നയിക്കാനുള്ള വ്യക്തികൾക്ക് രേഖകൾ സഹിതം ബന്ധപ്പെട്ട സ്റ്റേഷൻ ഹൗസ് ഓഫീസർ മുൻപാകെ നേരിട്ട് ഹാജരായി അവകാശം ബോധ്യപ്പെടുത്തി നിയമാനുസരണം ഏറ്റെടുക്കാം. 30 ദിവസത്തിനകം ആരും അവകാശവാദം ഉന്നയിക്കാത്ത വാഹനങ്ങൾ അവകാശികളില്ലാത്ത വാഹനങ്ങളായി പരിഗണിച്ച് ലേലം ചെയ്യും. ഫോൺ: 0480 2823000.

മാലിന്യ ശേഖരണം, സംസ്കരണം എന്നിവയെപ്പറ്റി അറിയാനും അവ പാഠ്യപദ്ധതിയില്‍ ഉപയോഗപ്പെടുത്തുന്നതിനുമായി ചൊവ്വന്നൂര്‍ ബി ആര്‍ സിക്കു കീഴിലെ സ്കൂളുകളിലെ 80 ഓളം കുട്ടികള്‍ കുന്നംകുളം നഗരസഭ കുറുക്കന്‍പാറ ഗ്രീന്‍പാര്‍ക്കിലെത്തി. 8, 9 ക്ലാസ്സുകളിലെ കുട്ടികളാണ് പഠനത്തിന്റെ ഭാഗമായി ഗ്രീന്‍ പാര്‍ക്കിലെത്തിയത്.

വ്യവസായ വാണിജ്യ വകുപ്പ് തലപ്പിള്ളി താലൂക്ക് വ്യവസായ ഓഫീസിന്റെയും നഗരസഭയുടെയും ആഭിമുഖ്യത്തിൽ നഗരസഭ കോണ്‍ഫറന്‍സ് ഹാളില്‍ ഏകദിന സംരംഭകത്വ ശില്പശാല സംഘടിപ്പിച്ചു. 

നഗരസഭ ചെയർപേഴ്സൺ സീത രവീന്ദ്രൻ ഉദ്ഘാടനം ചെയ്തു. വൈസ് ചെയർപേഴ്സൺ സൗമ്യ അനിലന്‍ അധ്യക്ഷത വഹിച്ചു. സ്ഥിരം സമിതി അധ്യക്ഷന്മാരായ പി എം സുരേഷ്, സജിനി പ്രേമന്‍, ടി സോമശേഖരന്‍, പി കെ ഷെബീര്‍, നഗരസഭ വ്യവസായ വികസന ഓഫീസര്‍ സതീശൻ കോടഞ്ചേരി എന്നിവര്‍ സംസാരിച്ചു. 

ബ്രാൻഡിങ്, മാർക്കറ്റിങ് തുടങ്ങിയ വിഷയങ്ങളിൽ  കേരള ഫിഷറീസ് സമുദ്ര പഠന സർവ്വകലാശാലയിലെ റിസർച്ച് സ്കോളർ കെ. അശ്വിൻ ക്ലാസ്സെടുത്തു.

കേരള സർക്കാർ പട്ടികജാതി വികസന വകുപ്പ് ഗവ. ഐ ടി ഐ നടത്തറയിൽ ഒരു വർഷത്തെ എൻ സി വി ടി  അംഗീകാരമുള്ള കോഴ്സുകളിലേക്ക് പട്ടികജാതി, പട്ടികവർഗ്ഗ വിഭാഗത്തിൽ നിന്ന് ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. ഓഗസ്റ്റ് 11 മുതൽ 25 വരെസ്പോട്ട് അഡ്മിഷൻ നടത്തും. വെൽഡർ ട്രേഡിൽ മൂന്ന് ഒഴിവും വുഡ് വർക്ക് ടെക്നീഷ്യനിൽ 21 ഒഴിവുമാണ് ഉള്ളത്. ഫോൺ: 0487 2370948, 9497366243, 7012041004.