കാര്‍ഷിക- കായിക - ആരോഗ്യ മേഖലയ്ക്ക് ഊന്നല്‍ നല്‍കി കോട്ടത്തറ ഗ്രാമ പഞ്ചായത്ത് ബജറ്റ്. 21 കോടി 18 ലക്ഷം ചെലവ് പ്രതീക്ഷിക്കുന്ന സമഗ്ര വികസനം ലക്ഷ്യമിടുന്ന ബജറ്റാണ് അവതരിപ്പിച്ചത്. നെല്‍കൃഷി കൂലി സബ്‌സിഡി, സമഗ്ര പുരയിട കൃഷി, കുരുമുളക്, തെങ്ങ്, കാപ്പി, ഫാഷന്‍ ഫ്രൂട്ട് എന്നിവയുടെ തൈ വിതരണം  തുടങ്ങിയ പദ്ധതികള്‍ നടപ്പാക്കും. 2 കോടി അനുവദിച്ച വെള്ളംപാടി ഇറിഗേഷന്‍ പദ്ധതി 2024-25 ല്‍ നടപ്പിലാക്കും. ക്ഷീരകര്‍ഷകര്‍ക്ക് പാലിന് അധിക വില, തീറ്റപ്പുല്‍ കൃഷി, കറവ യന്ത്ര വിതരണം തുടങ്ങിയവ പദ്ധതിയില്‍ ഉള്‍പ്പെടുത്തി.

ജില്ലാ പഞ്ചായത്തും ഹരിതകേരള മിഷനും സംയുക്തമായി നടത്തുന്ന 'നെറ്റ് സീറോ കാര്‍ബണ്‍ കേരളം ജനങ്ങളിലൂടെ' ക്യാമ്പയിനിന്റെ ഭാഗമായി കോര്‍ഗ്രൂപ്പ് പരിശീലനവും കാര്‍ബണ്‍ തുലിത നിര്‍വ്വഹണ രൂപരേഖ തയ്യാറാക്കലും സംഘടിപ്പിക്കുന്നു. ഫെബ്രുവരി ഒന്‍പതിന് ജില്ലാ ആസൂത്രണ സമിതി ഹാളില്‍ നടക്കുന്ന പരിപാടി ജില്ലാ പഞ്ചായത്ത് പ്രസിഡണ്ട് പി.ബേബി ബാലകൃഷ്ണന്‍ ഉദ്ഘാടനം ചെയ്യും. ജില്ലാ കളക്ടര്‍ കെ.ഇമ്പശേഖര്‍ മുഖ്യപ്രഭാഷണം നടത്തും. നെറ്റ് സീറോ കാര്‍ബണ്‍ എമിഷന്‍ എന്ത്, എന്തിന്, നെറ്റ് സീറോ കാര്‍ബണ്‍ കേരളം ജനങ്ങളിലൂടെ തദ്ദേശ സ്വയംഭരണ സ്ഥാപനങ്ങളുടെ പങ്ക്, ഏറ്റെടുക്കാവുന്ന വിഷയങ്ങള്‍ എന്നീ വിഷയങ്ങളില്‍ ക്ലാസുകള്‍ നല്‍കും.

മുപ്പത്തിയാറാമത് കേരള ശാസ്ത്ര കോണ്‍ഗ്രസ് ഫെബ്രുവരി എട്ട് മുതല്‍ 11 വരെ കാസര്‍കോട് ഗവണ്‍മെന്റ് കോളേജില്‍ നടക്കും. ഫെബ്രുവരി എട്ടിന് രാവിലെ പത്ത് മുതല്‍ നാഷണല്‍ സയന്‍സ് എക്സ്പോ എന്‍.എ.നെല്ലിക്കുന്ന് എം.എല്‍.എ ഉദ്്ഘാടനം ചെയ്യും. ഫെബ്രുവരി ഒന്‍പതിന് രാവിലെ പത്തിന് മുഖ്യമന്ത്രി പിണറായി വിജയന്‍ പരിപാടി ഉദ്ഘാടനം ചെയ്യും. ഐ.സി.സി.എസ് തയ്യാറാക്കിയ ക്ലൈമെറ്റ് സ്റ്റേറ്റ്മെന്റ് 2023 മുഖ്യമന്ത്രി പ്രകാശനം ചെയ്യും. തുടര്‍ന്ന് മികച്ച യുവ ശാസ്ത്രജ്ഞര്‍ക്കുള്ള അവാര്‍ഡ്, ശാസ്ത്ര സാഹിത്യ പുരസ്‌ക്കാരങ്ങള്‍ എന്നിവ വിതരണം ചെയ്യും.

റോഡ് ഉദ്ഘാടനം ചെയ്തു

കാസര്‍കോട് പൊതുമരാമത്ത് വകുപ്പ് നിരത്തുകള്‍ സെക്ഷന്റെ അധീനതയിലുള്ള മധൂര്‍-പട്‌ള-കൊല്ലങ്ങാന റോഡില്‍ കോണ്‍ക്രീറ്റ് പ്രവൃത്തി നടക്കുന്നതിനാല്‍ ഫെബ്രുവരി ഒമ്പത് മുതല്‍ മാര്‍ച്ച് 25 വരെ ചെര്‍ളടുക്കയില്‍ നിന്നും കാസര്‍കോട് പോകേണ്ട വാഹനങ്ങള്‍ മാന്യ ബിലാല്‍ മസ്ജിദിന്റെ അടുത്തുനിന്നും മേഘനടുക്ക-ദേവരയ്ക്കര വഴി വിദ്യാനഗര്‍-മുണ്ട്യത്തടുക്ക റോഡിലേക്ക് വഴി തിരിഞ്ഞുപോകണമെന്ന് അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു.

ലാബ് ഉദ്ഘാടനം ചെയ്തു

ജില്ലയിലെ അനധികൃത ഓണ്‍ലൈന്‍ സ്ഥാപനങ്ങള്‍ക്കെതിരെ നടപടി

കാറഡുക്ക ഗ്രാമപഞ്ചായത്തിലെ കര്‍മ്മംതോടിയില്‍ പ്രവര്‍ത്തിക്കുന്ന കാറഡുക്ക ഐ.എസ്.ഡി.എസ് പ്രൊജക്ടിന് കീഴിലുള്ള 92 അങ്കണ്‍വാടികളിലേക്ക് പ്രീസ്‌കൂള്‍ എഡ്യുക്കേഷന്‍ കിറ്റുകള്‍ വിതരണം ചെയ്യുന്നതിനായി ടെണ്ടര്‍ ക്ഷണിച്ചു. ടെണ്ടര്‍ ഫോറം സ്വീകരിക്കുന്ന അവസാന തീയതി ഫെബ്രുവരി 13ന് ഉച്ചയ്ക്ക് രണ്ടുവരെ. അന്നേദിവസം വൈകിട്ട് മൂന്നിന് ടെണ്ടര്‍ തുറക്കും. ഫോണ്‍ 9745584905.

ചീമേനിയിലെ കോളേജ് ഓഫ് എഞ്ചിനീയറിംഗ് തൃക്കരിപ്പൂരില്‍ ഇലക്ട്രിക്കല്‍ ആന്റ് ഇലക്ട്രോണിക്‌സ് എഞ്ചിനീയറിംഗ് ബ്രാഞ്ചില്‍ മണിക്കൂര്‍ വേതന അടിസ്ഥാനത്തില്‍ താത്ക്കാലിക അഡ്‌ഹോക് അസിസ്റ്റന്റ് പ്രൊഫസര്‍ ഒഴിവ്. താത്പര്യമുള്ള ഉദ്യോഗാര്‍ത്ഥികള്‍ പ്രായം, വിദ്യാഭ്യാസ യോഗ്യത (എം.ടെക്), മുന്‍പരിചയം എന്നിവ തെളിയിക്കുന്നതിനുള്ള അസ്സല്‍ പ്രമാണങ്ങളും വ്യക്തിവിവരണം / കരിക്കുലം വിറ്റ എന്നിവയും സഹിതം ഫെബ്രുവരി 12ന് രാവിലെ 11നകം പ്രിന്‍സിപ്പാള്‍ മുമ്പാകെ അഭിമുഖത്തിന് എത്തണം. മുന്‍പരിചയം അഭികാമ്യം. ഫോണ്‍ 0467 2250377, 9495646060.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിംഗ് ഡിവിഷന്‍ ഫെബ്രുവരിയില്‍ ആരംഭിക്കുന്ന രണ്ടുവര്‍ഷം, ഒരു വര്‍ഷം, ആറുമാസം ദൈര്‍ഘ്യമുള്ള മോണ്ടിസ്സോറി, പ്രീ പ്രൈമറി, നഴ്‌സറി ടീച്ചര്‍ ട്രെയിനിംഗ് കോഴ്‌സുകള്‍ക്ക് ബിരുദം / പ്ലസ്ടു / എസ്.എസ്.എല്‍.സി യോഗ്യതയുള്ളവരില്‍ നിന്നും അപേക്ഷ ക്ഷണിച്ചു. വിശദവിവരങ്ങള്‍ക്ക് ഫോണ്‍ 7994449314.