ജില്ലയില്‍ തുറമുഖ വകുപ്പില്‍ വാച്ച്മാന്‍/നൈറ്റ് വാച്ച്മാന്‍ (വിമുക്ത ഭടന്‍മാര്‍
മാത്രം, കാറ്റഗറി നമ്പര്‍ 48/15) തസ്തികയുടെ സാധ്യതാ പട്ടികയില്‍ ഉള്‍പ്പെട്ട ഉദേ്യാഗാര്‍ഥികളുടെ സര്‍ട്ടിഫിക്കറ്റ് വെരിഫിക്കേഷന്‍ നവംബര്‍ ആറിന് രാവിലെ 10ന് കൊല്ലം ജില്ലാ പി.എസ്.സി ഓഫീസില്‍ നടക്കും.

(പി.ആര്‍.കെ.നമ്പര്‍ 2510/17)

ആശ്രാമം മൈതാനത്ത് നടക്കുന്ന അഷ്ടമുടി ഫെസ്റ്റില്‍ പരിസ്ഥിതിയും ആരോഗ്യവും എന്ന വിഷയത്തില്‍ ഇന്ന് (നവംബര്‍ 4) വൈകുന്നേരം അഞ്ചിന് സെമിനാര്‍ നടക്കും. തിരുവനന്തപുരം ജില്ലാ കലക്ടര്‍ ഡോ. കെ. വാസുകി ഉദ്ഘാടനം ചെയ്യും.

മുന്‍ മേയര്‍ പ്രസന്ന ഏണസ്റ്റ് അധ്യക്ഷയാകുന്ന ചടങ്ങില്‍ സാഹിത്യകാരി ചന്ദ്രമതി മുഖ്യപ്രഭാഷണം നടത്തും. ചലചിത്ര താരം ശാന്തികൃഷ്ണ, സിറ്റി പോലീസ് കമ്മീഷണര്‍ അജിത ബീഗം, ആര്‍.ഡി.ഒ ഡോ. എസ്. ചിത്ര എന്നിവര്‍ പങ്കെടുക്കും. ആര്‍ക്കിടെക്ച്ചര്‍ ഷോയില്‍ അര്‍ക്കിടെക്റ്റ്മാരായ പ്രൊഫ. യൂജിന്‍ പണ്ടാല, ഡോ. മനോജ് കിനി, എം.ജെ. ഗംഗ, എ.ഡി.സി (ജനറല്‍) വി. സുദേശന്‍ എന്നിവരും പങ്കെടുക്കും.

കൊല്ലം ജില്ലയില്‍ മീസില്‍സ്-റൂബെല്ല പ്രതിരോധ കുത്തിവയ്പ്പ് എല്ലാ കുട്ടികള്‍ക്കും നല്‍കുന്നതിന് ഊര്‍ജ്ജിതമായി പ്രവര്‍ത്തിക്കാന്‍ ജില്ലാതല ടാസ്‌ക് ഫോഴ്‌സ് യോഗം തീരുമാനിച്ചു. ഇതിനായി ബന്ധപ്പെട്ട എല്ലാ വകുപ്പുകളിലേയും ഉദേ്യാഗസ്ഥരുടെ പങ്കാളിത്തം ഉറപ്പുവരുത്തണമെന്ന് യോഗത്തില്‍ അധ്യക്ഷത വഹിച്ച ജില്ല കലക്ടര്‍ ഡോ. എസ്. കാര്‍ത്തികേയന്‍ നിര്‍ദേശിച്ചു.

ജില്ലയിലെ അണ്‍ എയ്ഡഡ് മേഖലയിലേതടക്കം ഹൈസ്‌കൂള്‍, ഹയര്‍ സെക്കന്ററി വിദ്യാര്‍ഥികള്‍ക്ക് ഒരു ലക്ഷം കശുമാവിന്‍ തൈകള്‍ വിതരണം ചെയുന്ന പദ്ധതി എഴുകോണ്‍ വൊക്കേഷണല്‍ ഹയര്‍ സെക്കന്ററി സ്‌കൂളില്‍ ഫിഷറീസ്-പരമ്പരാഗത വ്യവസായ മന്ത്രി ജെ. മേഴ്‌സിക്കുട്ടിയമ്മ ഉദ്ഘാടനം ചെയ്തു.

ഹരിതകേരളം പദ്ധതിയുടെ ഭാഗമായി നടപ്പാക്കുന്ന മാലിന്യസംസ്‌കരണ പദ്ധതികളായ മെറ്റീരില്‍ കളക്ഷന്‍ ഫെസിലിറ്റി(എം.സി.എഫ്), തുമ്പൂര്‍മൂഴി കമ്പോസ്റ്റിംഗ് സംവിധാനം തുടങ്ങിയവ  നടപ്പാക്കാന്‍ സജ്ജരായി ജില്ലയിലെ തദ്ദേശസ്വയംഭരണസ്ഥാപനങ്ങളിലെ എഞ്ചിനീയര്‍മാര്‍. ഇത് സംബന്ധിച്ച് ജില്ലയിലെ എല്ലാ തദ്ദേശസ്വയംഭരണ സ്ഥാപനങ്ങളിലുമുള്ള എഞ്ചിനീയര്‍മാര്‍ക്കുള്ള പരിശീലനം ജില്ലാ ശുചിത്വമിഷന്റെ നേതൃത്വത്തില്‍ പത്തനംതിട്ട മണ്ണില്‍ റീജന്‍സി ഹാളില്‍ നടത്തി.

മണ്ഡല-മകരവിളക്ക് തീര്‍ഥാടന കാലത്ത് അപ്പം, അരവണ നിര്‍മാണത്തിനായി സന്നിധാനത്ത് ശര്‍ക്കര എത്തിക്കുന്ന വിഷയത്തില്‍ ട്രാക്ടര്‍ ഉടമകളും തൊഴിലാളികളും തമ്മില്‍ നിലനിന്നിരുന്ന തര്‍ക്കം ജില്ലാ കളക്ടര്‍ ആര്‍. ഗിരിജയുടെ സാന്നിധ്യത്തില്‍ നടത്തിയ ചര്‍ച്ചയില്‍ പരിഹരിച്ചു. ചര്‍ച്ചയില്‍ ഉരുത്തിരിഞ്ഞ തീരുമാനപ്രകാരം എല്ലാ ട്രാക്ടര്‍ ഉടമകളും തൊഴിലാളികളുടെ വേതനം രണ്ടാഴ്ചയിലൊരിക്കല്‍ കൃത്യമായി നല്‍കും.

മീസില്‍സ് റൂബെല്ല കുത്തിവെയ്പ്പില്‍ കുറവ് നേട്ടം കൈവരിച്ച പ്രദേശങ്ങളില്‍ എം.എല്‍.എ മാരുടെ നേതൃത്വത്തില്‍ പ്രത്യേക യോഗങ്ങള്‍ വിളിച്ച് ചേര്‍ത്ത് പ്രതിരോധ കുത്തിവെയ്പ്പ് ഊര്‍ജ്ജിതമാകും. എം.ആര്‍ പ്രതിരോധ കുത്തിവെയ്പ്പ് പുരോഗതി അവലോകനം ചെയ്യാന്‍ കളക്ടറേറ്റില്‍ വിളിച്ച ചേര്‍ത്ത പ്രത്യേക യോഗത്തിലാണീ തീരുമാനം. ചാവക്കാട്, കടപ്പുറം, ഒരുമനയൂര്‍, പെരിഞ്ഞനം, വടക്കേകാട്, കടങ്ങോട്, മാടവന, വാടാനപ്പിളളി, വെളളാങ്കല്ലൂര്‍ എന്നിവയാണ് കുറവ് നേട്ടം കൈവരിച്ച പ്രദേശങ്ങള്‍.

ഇന്‍ഷൂറന്‍സ് സര്‍ട്ടിഫിക്കറ്റും ഫിറ്റ്‌നെസ് സര്‍ട്ടിഫിക്കറ്റും നികുതിയുമില്ലാതെ സര്‍വ്വീസ് നടത്തിയ മിനി സ്‌കൂള്‍ ബസ് മോട്ടോര്‍ വകുപ്പധികൃതര്‍ പിടികൂടി. ലൈസന്‍സില്ലാതെ വണ്ടിയോടിച്ച ബസ് ഡ്രൈവറും കസ്റ്റഡിയിലെടുത്തു. ബസ്സിന്റെ പെര്‍മിറ്റ് റദ്ദാക്കാന്‍ നോട്ടീസ് നല്‍കി.

അനധികൃത സര്‍വ്വീസിസ് കൂട്ടു നിന്ന സ്‌കൂള്‍ അധികൃതര്‍ക്കെതിരെ നടപടിയെടുക്കാന്‍ ജില്ലാ വിദ്യഭ്യാസ ഓഫീസറോട് അഭ്യര്‍ത്ഥിച്ചു. 0487-2360009 എന്ന നമ്പറിലേക്കുളള പൊതുജന പരാതിയുടെ അടിസ്ഥാനത്തിലാണ് നടപടി. ഇത്തരത്തിലുളള നിയമലംഘനങ്ങള്‍ അറിയുന്നവര്‍ മേല്‍ നമ്പറില്‍ അറിയിക്കണമെന്ന് ആര്‍ ടി ഒ അഭ്യര്‍ത്ഥിച്ചു.

വില്‍പന നികുതി കുടിശ്ശിക ഈടാക്കുന്നതിന് ചാവക്കാട് താലൂക്ക് തളിക്കുളം വില്ലേജ് റീസര്‍വ്വെ 72/3 ല്‍ പ്പെട്ട 2 സെന്റ് ഭൂമി ഡിസംബര്‍ 12 രാവിലെ 11 തളിക്കുളം വില്ലേജ് ഓഫീസില്‍ ലേലം ചെയ്യും. ഫോണ്‍ :  0487-2433469, 2433459.

കോടതി കുടിശ്ശിക ഈടാക്കുന്നതിന് തലപ്പിളളി താലൂക്ക് പങ്ങാരപ്പിളളി വില്ലേജ് സര്‍വ്വെ 44/3 ല്‍ ഉള്‍പ്പെട്ട 4 സെന്റ് സ്ഥലം ഉള്‍പ്പെടെയുളള വസ്തുഹകള്‍  ഡിസംബര്‍ 7 രാവിലെ 11 ന് പങ്ങാരപ്പിളളി വില്ലേജ് ഓഫീസില്‍ പുനര്‍ലേലം ചെയ്യും. ഫോണ്‍ : 04884-232226.
 

ജില്ലയില്‍ എക്‌സൈസ് വകുപ്പില്‍ ഡ്രൈവര്‍ ഗ്രേഡ് രണ്ട് (കാറ്റഗറി നമ്പര്‍ : 118/2007) റാങ്ക് പട്ടിക നീട്ടിയ കാലാവധി പൂര്‍ത്തിയായതിനെ തുടര്‍ന്ന് 2017 ജനുവരി ഒന്നു മുതല്‍ റദ്ദായതായി ജില്ലാ ഓഫീസര്‍ അറിയിച്ചു.