ആലപ്പുഴ: ഈ വര്‍ഷത്തെ ഓണാഘോഷത്തോടനുബന്ധിച്ച് ഉണ്ടാകാനിടയുള്ള അനധികൃത മദ്യത്തിന്റെയും മയക്കുമരുന്നിന്റെയും ഉത്പാദനം, വിപണനം, ഉപയോഗം എന്നിവ തടയുന്നതിനുള്ള ജില്ലാതല ജനകീയ കമ്മിറ്റി യോഗം ഓഗസ്റ്റ് 18ന് ഉച്ചയ്ക്ക് രണ്ടിന് ജില്ലാ കളക്ടറുടെ അധ്യക്ഷതയില്‍ കളക്ടറേറ്റ് കോണ്‍ഫറന്‍സ് ഹാളില്‍ ചേരും.

കോട്ടയം: പുതുപ്പള്ളി നിയമസഭാ നിയോജകമണ്ഡലത്തിലെ ഉപതെരഞ്ഞെടുപ്പുമായി ബന്ധപ്പെട്ട പ്രവർത്തനങ്ങൾ എകോപിപ്പിക്കുന്നതിനായി നോഡൽ ഓഫീസർമാരെ നിയോഗിച്ചുകൊണ്ടു ജില്ലാ കളക്ടറും ജില്ലാ തെരഞ്ഞെടുപ്പ് ഓഫീസറുമായ വി. വിഗ്‌നേശ്വരി ഉത്തരവായി.

ചുമതലകളും നോഡൽ ഓഫീസർമാരും

മനുഷ്യവിഭവശേഷി നിർവഹണം, മാതൃകാപെരുമാറ്റചട്ടം, ക്രമസമാധാനം, സുരക്ഷാപദ്ധതി, പരാതി പരിഹാരം, വോട്ടർ ഹെൽപ്‌ലൈൻ: ഡോ. ജെ.ഒ. അരുൺ, അഡീഷണൽ ഡിസ്ട്രിക്ട് മജിസ്‌ട്രേറ്റ്, കോട്ടയം. (ഫോൺ: 9446564800)

ആലപ്പുഴ: മാരാരിക്കുളം തെക്ക് പഞ്ചായത്തിന്റെയും ജില്ലാ ടൂറിസം പ്രൊമോഷന്‍ കൗണ്‍സിലിന്റെ സംയുക്താഭിമുഖ്യത്തില്‍ 24,25,26 തീയതികളില്‍ ഓമനപ്പുഴ കടപ്പുറത്ത് ബീച്ച് ഫെസ്റ്റ് സംഘടിപ്പിക്കുന്നു. സാംസ്‌കാരിക ഘോഷയാത്ര, കുടുബശ്രീ സ്റ്റാളുകള്‍, ഫുഡ് ഫെസ്റ്റ്, പൊന്തുവള്ളങ്ങളുടെ തുഴച്ചില്‍ മത്സരം, കടല്‍ത്തീര നൃത്തം, വിവിധ കലാപരിപാടികള്‍ എന്നിവയാണ് സംഘടിപ്പിക്കുന്നത്.

ആലപ്പുഴ: ജവഹര്‍ നവോദയ വിദ്യാലയത്തില്‍ ആറാം ക്ലാസ് പ്രവേശനത്തിന് അപേക്ഷിക്കാനുള്ള സമയ പരിധി ഓഗസ്റ്റ് 17 വരെ നീട്ടി. ഈ അദ്ധ്യയന വര്‍ഷം അഞ്ചാം ക്ലാസ്സില്‍ പഠിക്കുന്നവര്‍ക്കാണ് അവസരം. 2012 മെയ് ഒന്നിനും 2014 ജൂലൈ 31 നും ഇടയില്‍ ജനിച്ചവരായിരിക്കണം.  

ആലപ്പുഴ: ജില്ലാ പഞ്ചായത്തും ജില്ലാ സ്‌പോര്‍ട്ട്‌സ് കൗണ്‍സിലും ചേര്‍ന്ന് നടപ്പാക്കുന്ന 'സ്‌പോർട്ട്സാണ് ലഹരി' പദ്ധതിയുടെ ഭാഗമായി മണ്ണഞ്ചേരി ഗവണ്‍മെന്റ് ഹൈസ്‌കൂളില്‍ നിർമിച്ച ബാസ്‌ക്കറ്റ്‌ബോള്‍ കോര്‍ട്ട് ജില്ല പഞ്ചായത്ത്‌ പ്രസിഡന്റ്‌ കെ.ജി. രാജേശ്വരി ഉദ്ഘാടനം ചെയ്തു.

ജില്ലാ പഞ്ചായത്ത് ഫണ്ട് ഉപയോഗിച്ചാണ് ബാസ്‌ക്കറ്റ്‌ബോള്‍ കോര്‍ട്ട് നിര്‍മിച്ചത്. പദ്ധതിയുടെ ഭാഗമായി 500ലധികം വിദ്യാര്‍ത്ഥികൾക്ക് കായിക പരിശീലനവും നൽകും. 

ആലപ്പുഴ:  ജില്ലയെ സമ്പൂർണ്ണ ശുചിത്വത്തിലേക്ക് എത്തിക്കുന്നതിന്റെ മുന്നോടിയായി മാർച്ച് 31നകം ഖരമാലിന്യ മുക്ത ജില്ലയാക്കുന്നതിന് ജില്ലാ പഞ്ചായത്തിൽ ചേർന്ന ക്യാമ്പയിൻ സെക്രട്ടറിയേറ്റ് തീരുമാനിച്ചു. സംയുക്ത പ്രോജക്ടുകൾക്ക് മതിയായ ഫണ്ട് വിഹിതം ജില്ലാ  - ബ്ലോക്ക് പഞ്ചായത്തുകളിൽനിന്ന് കണ്ടെത്തുന്നതിനും ധാരണയായി. 

ആലപ്പുഴ: ആസാദി കാ അമൃത് മഹോത്സവിന്റെ ഭാഗമായി ദ്വിദിന സംയോജിത ബോധവല്‍ക്കരണ പരിപാടിക്കും ആസാദി കാ അമൃത് മഹോത്സവ് പ്രദര്‍ശനത്തിനും ചേര്‍ത്തലയില്‍ തുടക്കമായി.

ആലപ്പുഴ: വള്ളംകളിയുടെ പെരുമയുമായി ഇത്തവണയും വിവിധ ഉത്പന്നങ്ങളുമായി നെഹ്റു ട്രോഫി ബോട്ട് റേസ് സൊസൈറ്റി. എന്‍.ടി.ബി.ആര്‍. മെര്‍ക്കന്‍ഡൈസ് എന്ന പേരിലുള്ള ഉത്പന്നങ്ങളുടെ വിപണനം ആലപ്പുഴ റവന്യൂ ഡിവിഷണല്‍ ഓഫീസ്, പുന്നമട ഫിനിഷിങ് പോയിന്റ് എന്നിവിടങ്ങളില്‍ പുരോഗമിക്കുകയാണ്. കോഫി മഗ്(120 രൂപ), തൊപ്പി(60 രൂപ), ടീ ഷര്‍ട്ട് (300, 350, 500 രൂപ), ചുണ്ടന്‍ വള്ളത്തിന്റെ രൂപം(500 രൂപ) എന്നിങ്ങനെയുള്ള ഉത്പന്നങ്ങളാണ് വില്‍പനയിലുള്ളത്്. 2022 ല്‍ മെര്‍ക്കന്‍ഡൈസുകളുടെ വിപണിയിലൂടെ 1.25 ലക്ഷം രൂപയുടെ വരുമാനം ലഭിച്ചിരുന്നു.