ആലപ്പുഴ: കുട്ടനാട് താലൂക്കില്‍ പുളിങ്കുന്ന് വില്ലേജിലെ സര്‍വേ നമ്പര്‍ 545/113ല്‍ പെട്ട 02.24.81 ഹെക്ടര്‍ (അഞ്ച് ഏക്കര്‍ 50 സെന്റ് 500 ച.ലിങ്ക്സ്) പുറമ്പോക്ക് നിലത്തില്‍ 2023ല്‍ പുഞ്ച കൃഷി ചെയ്യുന്നതിനുള്ള അവകാശ ലേലം ഓഗസ്റ്റ് 18ന് രാവിലെ 11ന് പുളിങ്കുന്ന് വില്ലേജ് ഓഫിസില്‍ നടക്കും. ഫോണ്‍: 0477 2702221.

ആലപ്പുഴ: ന്യൂനപക്ഷ ക്ഷേമ വകുപ്പിന് കീഴില്‍ ന്യൂനപക്ഷ യുവജനങ്ങള്‍ക്കായുള്ള ത്രിദിന വിവാഹ പൂര്‍വ കൗണ്‍സിലിങ് നടത്തുന്നതിന് സര്‍ക്കാര്‍, എയ്ഡഡ് അഫിലിയേറ്റഡ് കോളജുകള്‍, അംഗീകാരമുള്ള സംഘടനകള്‍, മഹല്ല് ജമാഅത്തുകള്‍, ചര്‍ച്ച് കമ്മിറ്റികള്‍ തുടങ്ങിയവരില്‍ നിന്ന് അപേക്ഷ ക്ഷണിച്ചു. www.minortiywelfare.kerala.gov.in എന്ന വെബ്‌സൈറ്റില്‍ നിന്ന് ഫോറം ഡൗണ്‍ലോഡ് ചെയ്ത് ഓഗസ്റ്റ് 19 വരെ അപേക്ഷിക്കാം.

ആലപ്പുഴ: കേന്ദ്ര വാര്‍ത്താ വിതരണ പ്രക്ഷേപണ മന്ത്രാലയത്തിനു കീഴില്‍ പ്രവര്‍ത്തിക്കുന്ന സെന്‍ട്രല്‍ ബ്യൂറോ ഓഫ് കമ്മ്യൂണിക്കേഷന്‍ ചേര്‍ത്തല മുനിസിപ്പല്‍ ടൗണ്‍ ഹാളില്‍ സംഘടിപ്പിച്ച ദ്വിദിന സംയോജിത ആശയവിനിമയ ബോധവത്ക്കരണ പരിപാടിയും ആസാദി കാ അമൃത് മഹോത്സവ് പ്രദര്‍ശനവും സമാപിച്ചു.

കോട്ടയം ഫീല്‍ഡ് ഓഫീസ്, ചേര്‍ത്തല മുനിസിപ്പാലിറ്റി, ഐ.സി.ഡി.എസ്. കഞ്ഞിക്കുഴി, കഞ്ഞിക്കുഴി അഡിഷണല്‍ പ്രൊജക്റ്റ് എന്നിവ സംയുക്തമായാണ് പരിപാടികള്‍ സംഘടിപ്പിച്ചത്. 

ആലപ്പുഴ: ഈ വര്‍ഷത്തെ ഓണാഘോഷത്തോടനുബന്ധിച്ച് ഉണ്ടാകാനിടയുള്ള അനധികൃത മദ്യത്തിന്റെയും മയക്കുമരുന്നിന്റെയും ഉത്പാദനം, വിപണനം, ഉപയോഗം എന്നിവ തടയുന്നതിനുള്ള ജില്ലാതല ജനകീയ കമ്മിറ്റി യോഗം ഓഗസ്റ്റ് 18ന് ഉച്ചയ്ക്ക് രണ്ടിന് ജില്ലാ കളക്ടറുടെ അധ്യക്ഷതയില്‍ കളക്ടറേറ്റ് കോണ്‍ഫറന്‍സ് ഹാളില്‍ ചേരും.

കോട്ടയം: പുതുപ്പള്ളി നിയമസഭാ നിയോജകമണ്ഡലത്തിലെ ഉപതെരഞ്ഞെടുപ്പുമായി ബന്ധപ്പെട്ട പ്രവർത്തനങ്ങൾ എകോപിപ്പിക്കുന്നതിനായി നോഡൽ ഓഫീസർമാരെ നിയോഗിച്ചുകൊണ്ടു ജില്ലാ കളക്ടറും ജില്ലാ തെരഞ്ഞെടുപ്പ് ഓഫീസറുമായ വി. വിഗ്‌നേശ്വരി ഉത്തരവായി.

ചുമതലകളും നോഡൽ ഓഫീസർമാരും

മനുഷ്യവിഭവശേഷി നിർവഹണം, മാതൃകാപെരുമാറ്റചട്ടം, ക്രമസമാധാനം, സുരക്ഷാപദ്ധതി, പരാതി പരിഹാരം, വോട്ടർ ഹെൽപ്‌ലൈൻ: ഡോ. ജെ.ഒ. അരുൺ, അഡീഷണൽ ഡിസ്ട്രിക്ട് മജിസ്‌ട്രേറ്റ്, കോട്ടയം. (ഫോൺ: 9446564800)

ആലപ്പുഴ: മാരാരിക്കുളം തെക്ക് പഞ്ചായത്തിന്റെയും ജില്ലാ ടൂറിസം പ്രൊമോഷന്‍ കൗണ്‍സിലിന്റെ സംയുക്താഭിമുഖ്യത്തില്‍ 24,25,26 തീയതികളില്‍ ഓമനപ്പുഴ കടപ്പുറത്ത് ബീച്ച് ഫെസ്റ്റ് സംഘടിപ്പിക്കുന്നു. സാംസ്‌കാരിക ഘോഷയാത്ര, കുടുബശ്രീ സ്റ്റാളുകള്‍, ഫുഡ് ഫെസ്റ്റ്, പൊന്തുവള്ളങ്ങളുടെ തുഴച്ചില്‍ മത്സരം, കടല്‍ത്തീര നൃത്തം, വിവിധ കലാപരിപാടികള്‍ എന്നിവയാണ് സംഘടിപ്പിക്കുന്നത്.

ആലപ്പുഴ: ജവഹര്‍ നവോദയ വിദ്യാലയത്തില്‍ ആറാം ക്ലാസ് പ്രവേശനത്തിന് അപേക്ഷിക്കാനുള്ള സമയ പരിധി ഓഗസ്റ്റ് 17 വരെ നീട്ടി. ഈ അദ്ധ്യയന വര്‍ഷം അഞ്ചാം ക്ലാസ്സില്‍ പഠിക്കുന്നവര്‍ക്കാണ് അവസരം. 2012 മെയ് ഒന്നിനും 2014 ജൂലൈ 31 നും ഇടയില്‍ ജനിച്ചവരായിരിക്കണം.  

ആലപ്പുഴ: ജില്ലാ പഞ്ചായത്തും ജില്ലാ സ്‌പോര്‍ട്ട്‌സ് കൗണ്‍സിലും ചേര്‍ന്ന് നടപ്പാക്കുന്ന 'സ്‌പോർട്ട്സാണ് ലഹരി' പദ്ധതിയുടെ ഭാഗമായി മണ്ണഞ്ചേരി ഗവണ്‍മെന്റ് ഹൈസ്‌കൂളില്‍ നിർമിച്ച ബാസ്‌ക്കറ്റ്‌ബോള്‍ കോര്‍ട്ട് ജില്ല പഞ്ചായത്ത്‌ പ്രസിഡന്റ്‌ കെ.ജി. രാജേശ്വരി ഉദ്ഘാടനം ചെയ്തു.

ജില്ലാ പഞ്ചായത്ത് ഫണ്ട് ഉപയോഗിച്ചാണ് ബാസ്‌ക്കറ്റ്‌ബോള്‍ കോര്‍ട്ട് നിര്‍മിച്ചത്. പദ്ധതിയുടെ ഭാഗമായി 500ലധികം വിദ്യാര്‍ത്ഥികൾക്ക് കായിക പരിശീലനവും നൽകും.