സംസ്ഥാന സര്‍ക്കാരിന്റെ ഉന്നത വിദ്യാഭ്യാസ വകുപ്പിന്റെ കീഴിലുള്ള
അസാപ് കേരളയുടെ കളമശേരി കമ്മ്യൂണിറ്റി സ്‌കില്‍ പാര്‍ക്കില്‍
കമ്മ്യൂണിക്കേറ്റീവ് ഇംഗ്ലീഷ് ട്രെയ്‌നര്‍ കോഴ്സിലേക്ക് അഡ്മിഷന്‍
ആരംഭിച്ചു. 400 മണിക്കൂര്‍ ആണ് ട്രെയിനിങ് പ്രോഗ്രാം.  

തൃപ്പൂണിത്തുറ അത്തച്ചമയ ആഘോഷങ്ങളുടെ ഭാഗമായി തൃപ്പൂണിത്തുറ നഗരസഭാ പരിധിയിലുള്ള എല്ലാ സര്‍ക്കാര്‍ പൊതുമേഖലാ സ്ഥാപനങ്ങള്‍ക്കും ഓഗസ്റ്റ് 20 ന് ഞായറാഴ്ച പ്രാദേശിക അവധി പ്രഖ്യാപിച്ചു.

എം.എസ്.എം.ഇ ഹെല്‍പ് ഡെസ്‌ക് ഉദ്ഘാടനം ചെയ്തു

സംരംഭക വർഷത്തിന്റെ ഭാഗമായി കേരളത്തിലെ വ്യവസായികാന്തരീക്ഷത്തിൽ വലിയ മാറ്റങ്ങൾ സംഭവിച്ചുവെന്ന് വ്യവസായ വകുപ്പ് മന്ത്രി പി രാജീവ്. വ്യവസായ വാണിജ്യ വകുപ്പും ഇന്‍സ്റ്റിറ്റ്യൂട്ട് ഓഫ് ചാര്‍ട്ടേര്‍ഡ് അക്കൗണ്ടന്റ്‌സ് ഓഫ് ഇന്ത്യയും ചേര്‍ന്ന് ആരംഭിച്ച എം.എസ്.എം.ഇ ഹെല്‍പ് ഡെസ്‌ക്കിൻ്റെയും ടാക്സ് ഓഡിറ്റ് സംബന്ധിച്ച ഏകദിന സെമിനാറിന്റെയും ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി.

തിരുവള്ളൂർ ഗ്രാമ പഞ്ചായത്തിൽ ജൈവ ചത്വരം പദ്ധതിയുടെ ഭാഗമായി സ്കൂളുകളിൽ നിർമ്മിച്ചു വരുന്ന അക്ഷര വനത്തിന് ചെമ്മരത്തൂർ എൽ പി സ്കൂളിൽ തുടക്കമായി. തിരുവള്ളൂർ പഞ്ചായത്ത് പ്രസിഡന്റ് സബിത മണക്കുനി ഉദ്ഘാടനം ചെയ്തു. വാർഡ് മെമ്പർ പി പി.രാജൻ അധ്യക്ഷത വഹിച്ചു.

വികസന സ്റ്റാന്റിങ് കമ്മറ്റി ചെയർ പേഴ്സൺ നിഷില കോരപ്പാണ്ടി, വി.ഇ.ഒ ദീപ, പ്രധാനധ്യാപിക ആർ.കെ വിദ്യ, എ.ഇ വിഷ്ണു പ്രണവ്, മാനേജർ രാധാകൃഷ്ണൻ, വാർഡ് കൺവീനർ ബൈജു പി എന്നിവർ പ്രസംഗിച്ചു.

വനിതാ ശിശു വികസന വകുപ്പിന് കീഴിലുള്ള വാഴക്കുളം (അഡീഷ്ണൽ) ഐ.സി.ഡി.എസ് പ്രോജക്ട് ഓഫീസിലെ ഉപയോഗത്തിനായി 2023-24 സാമ്പത്തിക വർഷം  2023 ഒക്ടോബർ മാസം മുതൽ ഒരു വർഷക്കാലയളവിലേക്ക് വാഹനം വാടകയ്ക്ക് ലഭ്യമാക്കുന്നതിന് ടെൻഡർ ക്ഷണിച്ചു. ടെൻഡർ സംബന്ധിച്ച കൂടുതൽ വിവരങ്ങൾക്ക് ആലുവ തോട്ടക്കാട്ടുകര ശിവ ടെമ്പിൾ റോഡിലുള്ള വാഴക്കുളം (അഡീഷ്ണൽ) ശിശു വികസന പദ്ധതി ഓഫീസിൽ എല്ലാ പ്രവർത്തി ദിവസവും രാവിലെ 10 മുതൽ 5 വരെ ബന്ധപ്പെടാം.
ടെൻഡർ സ്വീകരിക്കുന്ന അവസാന തീയതി 24.08.2023 ( ഉച്ചക്ക് 2 വരെ ). ഫോൺ 0484-2952488, 9387162707.

കേരള സ്റ്റേറ്റ് സിവിൽ സർവീസ് അക്കാദമി സെന്റർ ആലുവയിൽ ആരംഭിച്ചു

 
എല്ലാ വിദ്യാർത്ഥികളുടെയും അഭിരുചികളെ പ്രോത്സാഹിപ്പിക്കുന്ന രീതിയിലുള്ള പ്രവർത്തനമാണ് കേരള സ്റ്റേറ്റ് സിവിൽ സർവീസ് അക്കാദമി കാഴ്ചവയ്ക്കുന്നതെന്ന് ഉന്നത വിദ്യാഭ്യാസ- സാമൂഹ്യനീതി  വകുപ്പ് മന്ത്രി ആർ. ബിന്ദു പറഞ്ഞു. സെന്റർ ഫോർ കണ്ടിന്യൂയിംഗ് എഡ്യുക്കേഷൻ കേരളയുടെ പുതിയ സിവിൽ സർവീസ് അക്കാദമി സെന്റർ ആലുവ മെട്രോ സ്റ്റേഷനിൽ ഉദ്ഘാടനം ചെയ്യുകയായിരുന്നു മന്ത്രി.

കാർഷിക വികസന കർഷക ക്ഷേമ വകുപ്പും ബാലുശ്ശേരി ബ്ലോക്ക് പഞ്ചായത്തും സംയുക്തമായി നടപ്പിലാക്കുന്ന കിസാൻ മേളയും കിസാൻ ഗോഷ്ഠിയും പനായി മാണിക്യം ചക്കിൽ കെ.എം സച്ചിൻ ദേവ് എം.എൽ.എ ഉദ്ഘാടനം ചെയ്തു. ബാലുശ്ശേരി നിയോജക മണ്ഡലത്തിൽ വിവിധ ഇനം മഞ്ഞൾ കൃഷി വ്യാപിപ്പിക്കുമെന്നും മഞ്ഞൾഗ്രാമം പദ്ധതി നടപ്പിലാക്കുമെന്നും എം.എൽ.എ പറഞ്ഞു. മഞ്ഞളിന്റെ ഉൽപാദനം, സംസ്കരണം, സംഭരണം, വിവിധ മഞ്ഞൾ അധിഷ്ഠിത മൂല്യ വർധിത ഉൽപന്നങ്ങളുടെ നിർമ്മാണം, വിപണനം എന്നിവയിൽ കർഷകർക്ക് പ്രത്യേക പരിശീലനം നൽകി കാർഷിക വരുമാനം വർധിപ്പിക്കുന്നതിന് ആവശ്യമായ പദ്ധതികളാണ് മണ്ഡലത്തിൽ ആസൂത്രണം ചെയ്ത് നടപ്പിലാക്കുക.

വിനോദസഞ്ചാര വകുപ്പും ജില്ലാ ഭരണകൂടവും ഡി ടി പി സി യും സംയുക്തമായി സംഘടിപ്പിക്കുന്ന ഓണാഘോഷത്തിന്റെ ഭാഗമായി നാളെ  (ആഗസ്റ്റ് 20) മുതൽ സെപ്റ്റംബർ മൂന്ന് വരെ നഗരം ദീപാലംകൃതമാക്കും. ദീപാലങ്കാരത്തിന്റെ സ്വിച്ച് ഓൺ കർമ്മം നാളെ വൈകുന്നേരം 6.30ന് പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ് റിയാസ് മാനാഞ്ചിറയിൽ നിർവഹിക്കും. 

ഓണാഘോഷത്തോടനുബന്ധിച്ച് കോർപ്പറേഷൻ പരിധിയിലെ സർക്കാർ, പൊതുമേഖല, സ്വകാര്യ സ്ഥാപനങ്ങളും റസിഡൻസ് അസോസിയേഷനുകളും വിനോദ സഞ്ചാര കേന്ദ്രങ്ങൾ, വിദ്യാഭ്യാസ സ്ഥാപനങ്ങൾ തുടങ്ങിയ നഗരത്തിലെ പ്രധാന കേന്ദ്രങ്ങളെല്ലാം പ്രകാശപൂരിതമാകും.