കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റ് ഓൺലൈനായി സൗജന്യ സി-മാറ്റ് മോക് ടെസ്റ്റ് നടത്തുന്നു.  2024-26 എം.ബി.എ. ബാച്ചിലേക്ക് പ്രവേശന പരീക്ഷയ്ക്ക് തയ്യാറെടുക്കുന്ന വിദ്യാർത്ഥികൾക്കായാണ് ഈ സൗജന്യ ട്രയൽ ടെസ്റ്റ്. സ്‌കോർ കാർഡും, ശരി ഉത്തരങ്ങളുടെ വിശകലനവും ചേർന്നതാണ് പരിശീലന പരിപാടി. ആദ്യം രജിസ്റ്റർ ചെയ്യുന്ന 250 പേർക്കാണ് അവസരം ലഭിക്കുക.

സ്കോൾ-കേരള മുഖേന നടത്തുന്ന ഡിപ്ലോമ ഇൻ ഡൊമിസിലിയറി നഴ്സിങ് കെയർ കോഴ്സിന്റെ ആദ്യ ബാച്ച് പ്രവേശനം നേടിയ വിദ്യാർഥികൾ കോഴ്സ് ഫീസിന്റെ രണ്ടാം ഗഡു മേയ് 6 മുതൽ 20 വരെ പിഴയില്ലാതെയും 100 രൂപ പിഴയോടുകൂടി മേയ് 31 വരെയും ഫീസ് അടയ്ക്കാം. രസീത് സ്കോൾ-കേരള ഹെഡ് ഓഫീസിൽ ലഭ്യമാക്കണം.

സോഫ്റ്റ് ബേസ്‌ബോളിന്റെ ഇന്ത്യന്‍ ടീം സാന്നിധ്യമായി മാറുന്ന കൊല്ലം ജില്ലക്കാരിയായ കൊച്ചുമിടുക്കി ശിവാനി നേപ്പാളിലേക്ക്. സൗത്ത് ഏഷ്യന്‍ മത്സരത്തില്‍ മാറ്റുരയ്ക്കാന്‍ അവസരമൊരുക്കിയത് ജില്ലാ കലക്ടര്‍ എന്‍. ദേവിദാസിന്റെ ‘ഇടപെടല്‍’. മയ്യനാട് സുനാമി ഫ്‌ളാറ്റില്‍ പരിമിതസാഹചര്യങ്ങളോടെ ജീവിക്കുന്ന ശിവാനിയുടെ കായികമികവ് അറിയാനിടയായ ജില്ലാ കലക്ടര്‍ കുട്ടിയുടെ കായികസ്വപനങ്ങള്‍ പൂവണിയാനുള്ള അവസരം ഒരുക്കിയാണ് പിന്തുണയായത്. ജില്ലാ ശിശുക്ഷേമ സമിതിയുടെ സഹായം ലഭ്യമാക്കുന്നതിനുള്ള തീരുമാനമാണ് ശിവാനിയുടെ ജീവിതത്തിലെ വഴിത്തിരിവായതും.

സ്വീകരിക്കുകയാണ്. കുളങ്ങളും തോടുകളും മറ്റ് ജലാശയങ്ങള്‍, കിണറുകള്‍ എന്നിവയെല്ലാം ശുദ്ധമാക്കും. കാലവര്‍ഷത്തിന്റെ തുടക്കത്തിലുള്ള മഴവെള്ളം പരമാവധി സംഭരിക്കുന്നതിന് ജലസേചന വകുപ്പ്, വാട്ടര്‍ അതോറിറ്റി, കെ.എസ്.ഇ.ബി എന്നിവയെ ചുമതലപ്പെടുത്തി.

ദുരന്തനിവാരണ പ്രവര്‍ത്തനങ്ങള്‍ക്കായി ഓരോ വകുപ്പും ജില്ലാതല നോഡല്‍ ഓഫീസറെ നിയോഗിച്ച് പ്രവര്‍ത്തിക്കണം. അത്യാഹിത സാഹചര്യങ്ങളിലേക്കുള്ള വാഹനങ്ങള്‍, ജനറേറ്ററുകള്‍, ക്രയിനുകള്‍, മണ്ണുമാന്തികള്‍ തുടങ്ങിയവയുടെ പട്ടിക സമര്‍പിക്കാന്‍ ആര്‍. ടി. ഒ യെ ചുമതലപ്പെടുത്തി.

കാര്‍ഷിക വികസന കര്‍ഷക ക്ഷേമ വകുപ്പ് കോക്കനട്ട് കൗണ്‍സില്‍ 2024-25 പദ്ധതി പ്രകാരം 50% സബ്‌സിഡി നിരക്കില്‍ എറണാകുളം ജില്ലയിലെ കൃഷി ഭവനുകള്‍ മുഖാന്തിരം നല്ലയിനം തെങ്ങിന്‍ തൈകള്‍ വിതരണം ചെയ്യുന്നു. തൈകള്‍ ലഭിക്കുന്നതിന് ഇതോടൊപ്പമുളള ഗൂഗിള്‍ ഫോം പൂരിപ്പിച്ച്  മേയ് 9 വരെ സമര്‍പ്പിക്കാം. കൂടുതല്‍ വിവരങ്ങള്‍ക്ക് അതാത് കൃഷിഭവനുമായി ബന്ധപ്പെടുക. https://docs.google.com/forms/d/e/

1FAIpQLSfWoavPCfyl3len74gS_psAouGWKezd5tula_PmHsBtxj1g7A/

viewform?usp=pp_url

എറണാകുളം നിവാസികളായ ഹജ്ജ്  തീര്‍ത്ഥാടകള്‍ക്കുള്ള ഈ വര്‍ഷത്തെ വാക്‌സിനേഷന്‍ ക്യാമ്പ് മേയ് 6, 7, 8 തീയതികളില്‍ ആലുവ ജില്ലാ ആശുപത്രി ബ്ലഡ് ബാങ്ക് ഹാളില്‍ നടത്തും. 

ഹജ്ജ് കമ്മിറ്റി മുഖേന പോകുന്ന ഹാജിമാര്‍ക്ക് മേയ് 6, 8 തീയതികളില്‍ രാവിലെ 8.30 മുതല്‍ 12.30 വരെയാണ് ഹജ്ജ് വാക്‌സിനേഷന്‍ ക്യാമ്പ്.

ആലുവ, പറവൂര്‍, കളമശ്ശേരി, തൃക്കാക്കര, തൃപ്പൂണിത്തുറ, എറണാകുളം, കൊച്ചി, വൈപ്പിന്‍ നിയോജക മണ്ഡലങ്ങളിലുള്ളവര്‍ക്ക് മേയ് 6നും അങ്കമാലി, പെരുമ്പാവൂര്‍, കുന്നത്തുനാട്, കോതമംഗലം, മൂവാറ്റുപുഴ മണ്ഡലങ്ങളിലുള്ളവര്‍ക്ക് മേയ് 8നും ആണ് വാക്‌സിനേഷന്‍ ക്യാമ്പ്.

വ്യവസായ വാണിജ്യ വകുപ്പിന്റെ സംരംഭകത്വ വികസന ഇന്‍സ്റ്റിറ്റ്യൂട്ട് ആയ കേരള ഇന്‍സ്റ്റിട്യൂട്ട് ഫോര്‍ എന്റര്‍പ്രണര്‍്ഷിപ്പ് ഡവലപ്‌മെന്റ്് (KIED) സംരംഭം തുടങ്ങാന്‍ ആഗ്രഹിക്കുന്നവര്‍ക്കായി 'ഇന്‍ഡസ്ടറി സെറ്റപ്പ് സപ്പോര്‍ട്ട് വര്‍ക് ഷോപ് സംഘടിപ്പിക്കുന്നു. മെയ് 8 മുതല്‍ 10 വരെ കളമശ്ശേരി കീഡ് ക്യാമ്പസിലാണ് പരിശീലനം. 

വാറണ്ട് കക്ഷിയില്‍ നിന്ന് ജപ്തി ചെയ്ത, ആലുവ താലൂക്കില്‍ മറ്റൂര്‍ വില്ലേജില്‍ ബ്ലോക്ക് 27-ല്‍ റീസര്‍വെ 225/1, 224/3 എന്നിവയില്‍ യഥാക്രമം 13.56 ആര്‍, 01.57 ആര്‍ വസ്തുകള്‍ ലേലം ചെയ്യുന്നു. മേയ് 15ന് ഉച്ചയ്ക്ക് 12ന് മറ്റുര്‍ വില്ലേജ് ഓഫീസ് പരസരത്ത് ലേലം നടത്തുമെന്ന് ആലുവ തഹസില്‍ദാര്‍ അറിയിച്ചു. ഫോണ്‍: 0484 2624052

ജില്ലയില്‍ അതികഠിന ചൂട്  സാഹചര്യത്തില്‍ കര്‍ശന ജാഗ്രത പുലര്‍ത്തണമെന്ന് ജില്ലാ കളക്ടര്‍ എൻ എസ് കെ ഉമേഷ്‌ നിര്‍ദേശിച്ചു.