പാലക്കാട് സര്‍ക്കാര്‍ പോളിടെക്‌നിക് കോളെജിലേക്ക് വിവിധ തസ്തികകളില്‍ ദിവസ വേതനാടിസ്ഥാനത്തില്‍ നിയമനം നടത്തും. താല്പര്യമുള്ള ഉദ്യോഗാര്‍ത്ഥികള്‍  സര്‍ട്ടിഫിക്കറ്റുകള്‍ സഹിതം പ്രിന്‍സിപ്പാള്‍ മുന്‍പാകെ അഭിമുഖത്തിന് ഹാജരാകണം. തസ്തികയും സമയവും ചുവടെ:

തോലനൂര്‍ ഗവ ആര്‍ട്‌സ് ആന്‍ഡ് സയന്‍സ് കോളെജില്‍ 2024-25 അധ്യയന വര്‍ഷത്തേക്ക് കോമേഴ്‌സ്, ജോഗ്രഫി, ഇംഗ്ലീഷ്, ഹിന്ദി, മലയാളം, ഹിസ്റ്ററി, സ്റ്റാറ്റിസ്റ്റിക്‌സ്, ജേണലിസം എന്നീ വിഷയങ്ങളിലേക്ക് ഗസറ്റ് അധ്യാപകരെ നിയമിക്കുന്നതിന് ചുരുക്കപ്പട്ടിക തയ്യാറാക്കുന്നതിനുള്ള അപേക്ഷ ക്ഷണിച്ചു. ഉദ്യോഗാര്‍ത്ഥികള്‍ക്ക് നിലവിലെ യു.ജി.സി റെഗുലേഷന്‍ പ്രകാരം അസിസ്റ്റന്റ് പ്രൊഫസര്‍ നിയമനം നേടുന്നതിനുള്ള യോഗ്യത ഉണ്ടായിരിക്കണം.

ജില്ലാ പഞ്ചായത്ത് ബില്‍ഡിംഗിലെ സ്‌മോള്‍ ഹൈഡ്രോ കമ്പനി ലിമിറ്റഡ് മീന്‍വല്ലം പദ്ധതിയിലേക്ക് ജീവനക്കാര്‍ക്ക് തുപ്പനാട് അരുവി മുറിച്ച് കടന്ന് യാത്ര ചെയ്യുന്നതിനായി താല്‍ക്കാലിക പാലം പണിയുന്ന ജോലിയിലേക്ക് പി.ഡബ്ല്യു.ഡി അംഗീകൃത കരാറുകാരില്‍ നിന്ന് ക്വട്ടേഷന്‍ ക്ഷണിച്ചു. നിരതദ്രവ്യം 705 രൂപ. ക്വട്ടേഷന്‍ സമര്‍പ്പിക്കേണ്ട അവസാന തീയതി 20ന് ഉച്ചയ്ക്ക് മൂന്നിന്. അന്നേദിവസം ഉച്ചയ്ക്ക് 3:30ന് ക്വട്ടേഷന്‍ തുറക്കുമെന്ന് ചീഫ് എന്‍ജിനീയര്‍ അറിയിച്ചു. ഫോണ്‍: 9447234080.

കൊല്ലങ്കോട് ബ്ലോക്ക് പഞ്ചായത്തിന് കീഴിലുള്ള കൊല്ലങ്കോട്  (ആണ്‍കുട്ടികള്‍), പുതുനഗരം (ആണ്‍കുട്ടികള്‍) ഗവ പ്രീമെട്രിക് ഹോസ്റ്റലുകളില്‍ താമസിച്ചുപഠിക്കുന്നതിന് അഞ്ചു മുതല്‍ പത്ത് വരെ ക്ലാസുകളില്‍ പഠിക്കുന്ന പട്ടികജാതി വിദ്യാര്‍ത്ഥികളുടെ രക്ഷിതാക്കളില്‍ നിന്നും അപേക്ഷ ക്ഷണിച്ചു. 10ശതമാനം സീറ്റ് മറ്റ് വിഭാഗങ്ങള്‍ക്ക് സംവരണം ചെയ്തിട്ടുണ്ട്. പ്രവേശനം ലഭിക്കുന്ന വിദ്യാര്‍ത്ഥികള്‍ക്ക് താമസം, ഭക്ഷണം, ട്യൂഷന്‍, പോക്കറ്റ് മണി, യൂണിഫോം, പഠനോപകരണങ്ങള്‍ എന്നിവ സൗജന്യമായി ലഭിക്കും.

മരുത റോഡ് ഗവ ടെക്‌നിക്കല്‍ ഹൈസ്‌കൂള്‍ ഓഫീസിലേക്ക് 5 കെ.വി.എ ഓണ്‍ലൈന്‍ യു.പി.എസ് (ഒരെണ്ണം) ട്യൂബുലാര്‍ ബാറ്ററികള്‍ (പത്തെണ്ണം) ബൈ ബാക് സ്‌കീം പ്രകാരം വാങ്ങുന്നതിന് സീല്‍ ചെയ്ത ടെണ്ടറുകള്‍ ക്ഷണിച്ചു. നിരതദ്രവ്യം 1990 രൂപ. ടെന്‍ഡര്‍ സ്വീകരിക്കുന്ന അവസാന തീയതി ജൂണ്‍ ഏഴിന് ഉച്ച്ക്ക് ഒന്നിന്. അന്നേദിവസം ഉച്ചയ്ക്ക് മൂന്നിന് ടെന്‍ഡര്‍ തുറക്കും. ടെണ്ടര്‍ ഫോറം ഓഫീസില്‍ നിന്നും ലഭിക്കുമെന്ന് സൂപ്രണ്ട് അറിയിച്ചു.

മംഗലം ഗവ ഐ.ടി.ഐയില്‍ ഇന്‍സ്റ്റിറ്റ്യൂട്ട് മാനേജ്‌മെന്റ് കമ്മിറ്റിയുടെ കീഴില്‍ എസ്.എസ്.എല്‍.സി, പ്ലസ് ടു യോഗ്യതയുള്ളവര്‍ക്കായി 100 ശതമാനം ഇന്റേണ്‍ഷിപ്പ്, പ്ലേസ്‌മെന്റ് ഉറപ്പാക്കുന്ന കേന്ദ്രസര്‍ക്കാര്‍ അംഗീകാരമുള്ള ഒരു വര്‍ഷത്തെ പ്രൊഫഷണല്‍ ഡിപ്ലോമ ഇന്‍ ഹോസ്പിറ്റാലിറ്റി ഇന്‍ ടൂറിസം ആന്‍ഡ് ഇവന്റ് മാനേജ്‌മെന്റ്, പ്രൊഫഷണല്‍ ഡിപ്ലോമ ഇന്‍ ലോജിസ്റ്റിക്‌സ് ഷിപ്പിംഗ് വെയര്‍ ഹൗസ് ആന്‍ഡ് മെറ്റീരിയല്‍ മാനേജ്‌മെന്റ്, ആറുമാസത്തെ പ്രൊഫഷണല്‍ ഡിപ്ലോമ ഇന്‍ ഹെല്‍ത്ത് കെയര്‍ മാനേജ്‌മെന്റ് ആന്‍ഡ് അഡ്മിനിസ്‌ട്രേഷന്‍ എന്നീ കോഴ്‌സുകളിലേക്ക് അഡ്മിഷന്‍ ആരംഭിച്ചു.

ജില്ലാ ഭരണകൂടം, ആരോഗ്യവകുപ്പ്, ജില്ല ശുചിത്വമിഷന്‍ എന്നിവയുടെ ആഭിമുഖ്യത്തില്‍ മഴക്കാല പൂര്‍വ്വശുചീകരണത്തിന്റെ ഭാഗമായി ഇന്ന് (മെയ് 16ന്) ജീവനക്കാര്‍ ചേര്‍ന്ന്് സിവില്‍ സ്റ്റേഷനും പരിസരവും വൃത്തിയാക്കും. രാവിലെ 10.30നാണ് ശുചീകരണം ആരംഭിക്കുക. കലക്ടറേറ്റ് കോണ്‍ഫറന്‍സ് ഹാളില്‍ ജില്ലാ കലക്ടര്‍ ഡോ.എസ് ചിത്രയുടെ അധ്യക്ഷതയില്‍ കഴിഞ്ഞ ദിവസം ഇതുമായി  ബന്ധപ്പെട്ട യോഗം ചേര്‍ന്നിരുന്നു.

നൂതനമായ ഉൽപന്നങ്ങൾ  വ്യവസായിക അടിസ്ഥാനത്തിൽ നിർമ്മിക്കാൻ ഉദ്ദേശിക്കുന്ന സംരംഭകർക്ക് സ്റ്റാർട്ട്-അപ്പ് സഹായം ലഭിക്കുന്നതിന് അപേക്ഷ ക്ഷണിച്ചു. പുതിയ ഉൽപന്നങ്ങൾ നിർമ്മിക്കുന്നതിനുള്ള  വിപണി  പഠനം, ലാബ് ഫീ, സാങ്കേതിക/ഗവേഷണ സ്ഥാപനങ്ങൾക്ക് വരുന്ന ഫീസ്, വൈദ്യുതി, ബൗദ്ധിക സ്വത്തവകാശ ചെലവുകൾ തുടങ്ങിയവ ഉൾപ്പടെയുള്ള പദ്ധതി ചെലവിന്റെ 75% (പരമാവധി 10 ലക്ഷം രൂപ) വരെ സഹായം നൽകും. കൂടുതൽ വിവരങ്ങൾക്കും അപേക്ഷകൾ സമർപ്പിക്കുന്നതിനുമായി താലൂക്ക് വ്യവസായ ഓഫീസുകളുമായി ബന്ധപെടുക.
വ്യവസായ വികസന ഓഫീസർമാരുടെ ഫോൺ നമ്പരുകൾ ചുവടെ ചേർക്കുന്നു.

 ഏറ്റവും കൂടുതൽ നാശനഷ്ടവും ജീവഹാനിയും ഉണ്ടാക്കാൻ ശേഷിയുള്ളതാണ് ശക്തമായ കാറ്റ്. മരങ്ങൾ കടപുഴകിയും ചില്ലകൾ ഒടിഞ്ഞു വീണും അപകടങ്ങൾ ഉണ്ടാകാനുള്ള സാധ്യതയുണ്ട്. ഈ സാഹചര്യത്തിൽ സംസ്ഥാന  ദുരന്ത നിവാരണ അതോറിറ്റി  ജാഗ്രത നിർദേശങ്ങൾ പുറപ്പെടുവിച്ചു. കാറ്റും മഴയും ഉണ്ടാകുമ്പോൾ ഒരു കാരണവശാലും മരങ്ങളുടെ ചുവട്ടിൽ നിൽക്കരുത്. മരച്ചുവട്ടിൽ വാഹനങ്ങളും പാർക്ക് ചെയ്യരുത്.

വീട്ടുവളപ്പിലെ മരങ്ങളുടെ അപകടകരമായ രീതിയിലുള്ള ചില്ലകൾ വെട്ടിയൊതുക്കണം. അപകടാവസ്ഥയിലുള്ള മരങ്ങൾ പൊതുവിടങ്ങളിൽ ശ്രദ്ധയിൽ പെട്ടാൽ ബന്ധപ്പെട്ട തദ്ദേശ സ്ഥാപനങ്ങളെ അറിയിക്കുക.