തൃശൂര്‍ ജില്ലാ മെഡിക്കല്‍ ഓഫീസിന്റെയും ഒല്ലൂര്‍ സാമൂഹ്യരോഗ്യ കേന്ദ്രത്തിന്റെയും ഒല്ലൂര്‍ വിന്‍സെന്റ് ഡി പോള്‍ സ്‌കൂള്‍ ഓഫ് നേഴ്‌സിംഗിന്റെയും   ആഭിമുഖ്യത്തില്‍ ദേശീയ ഡെങ്കിപ്പനി ദിനാചരണത്തിന്റെ ജില്ലാതല ഉദ്ഘാടനം നടത്തി. ഒല്ലൂര്‍ സാമൂഹ്യരോഗ്യകേന്ദ്രത്തില്‍ നടത്തിയ പ്രോഗ്രാം ജില്ലാ സര്‍വൈലന്‍സ് ഓഫീസര്‍ ഡോ. കെ.എന്‍. സതീഷ് ഉദ്ഘാടനം ചെയ്തു. ഒല്ലൂര്‍ സാമൂഹ്യരോഗ്യ കേന്ദ്രം സുപ്രണ്ട് ഡോ. പി.എ. പ്രിയ അധ്യക്ഷത വഹിച്ചു. ജില്ലാ വെക്ടര്‍ ബോണ്‍ ഡിസീസ് കണ്ട്രോള്‍ ഓഫീസര്‍ ജി.

നവകേരളം കര്‍മ്മ പദ്ധതി തൃശ്ശൂര്‍ ജില്ലാ കോര്‍ഡിനേറ്ററുടെ ഓഫീസ് ഉപയോഗത്തിനായി കരാര്‍ അടിസ്ഥാനത്തില്‍ 5 സീറ്റ് ടാക്‌സി പ്രതിമാസ വാടകയില്‍ (ഡ്രൈവര്‍ ഉള്‍പ്പടെ) ലഭ്യമാക്കുന്നതിന് താല്‍പര്യമുള്ള വാഹന ഉടമകളില്‍ നിന്നും താത്പര്യപത്രം ക്ഷണിച്ചു. വാഹനം 5 വര്‍ഷത്തില്‍ കുറയാത്ത ടാക്‌സി പെര്‍മിറ്റുള്ള വാഹനമായിരിക്കണം.

ആലപ്പുഴ: ഹരിപ്പാട്-ചേപ്പാട് റെയില്‍വെ സ്റ്റേഷനിലെ ലെവല്‍ ക്രോസ് നമ്പര്‍: 132 (എന്‍.ടി.പി.സി.ഗേറ്റ്) മെയ് 19-ന് രാവിലെ എട്ട് മുതല്‍ 20-ന് വൈകുന്നേരം ആറ് വരെ അറ്റകുറ്റ പണികള്‍ക്കായി അടച്ചിടും. വാഹനങ്ങള്‍ ലെവല്‍ ക്രോസ് നമ്പര്‍: 135 (ഏവൂര്‍ ഗേറ്റ്) വഴി പോകണം.

ആലപ്പുഴ : ജില്ലാ കോടതി വളപ്പിൽ സ്ഥിതി ചെയ്യുന്ന അഡ്വക്കേറ്റ് ക്ലാർക്ക് അസോസിയേഷൻ കെട്ടിടം പൊളിച്ചുനീക്കുന്നതിനുള്ള 
ലേല നടപടികൾ മെയ് 23ന് 11 മണിക്ക് കോടതി പരിസരത്ത് നടക്കും. സീൽ ചെയ്ത ടെൻഡറുകൾ 22ന് വൈകുന്നേരം അഞ്ചുമണി വരെ സ്വീകരിക്കും. 
വിവരങ്ങൾക്ക് ആലപ്പുഴ ജനറൽ ആശുപത്രി വളപ്പിലുള്ള പൊതുമരാമത്ത് വകുപ്പിൻറെ പ്രത്യേക കെട്ടിട വിഭാഗം ഓഫീസുമായി ബന്ധപ്പെടാം.ഫോൺ:  8086395147, 7594975205.

വിയ്യൂര്‍ അതീവ സുരക്ഷാ ജയിലിലേക്ക് കൈപ്പിടിയില്ലാത്ത ഐഎസ്‌ഐ സാക്ഷ്യപത്രവുമുള്ള 100 പ്ലാസ്റ്റിക് കസേരകള്‍ വിതരണം ചെയ്യാന്‍ തയ്യാറായിട്ടുള്ള വ്യക്തികള്‍/ ഏജന്‍സികള്‍/ സ്ഥാപനങ്ങള്‍ എന്നിവരില്‍ നിന്നും മുദ്ര വെച്ച ക്വട്ടേഷന്‍ ക്ഷണിച്ചു. ക്വട്ടേഷനുകള്‍ മെയ് 23 ന് രാവിലെ 11 മണിക്ക് മുന്‍പായി ഓഫീസില്‍ ലഭിക്കണം. കൂടുതല്‍ വിവരങ്ങള്‍ക്ക് പ്രവൃത്തി ദിവസങ്ങളില്‍ വിയ്യൂര്‍ അതീവ സുരക്ഷാ ജയില്‍ ഓഫീസുമായി ബന്ധപ്പെടുക. ഫോണ്‍: 0487 2326070.

ഐ.എച്ച്ആര്‍.ഡിയുടെ വരടിയം ടെക്‌നിക്കല്‍ ഹയര്‍ സെക്കണ്ടറി സ്‌കൂളില്‍ പ്ലസ് വണ്‍ പ്രവേശനത്തിനായി അപേക്ഷ ക്ഷണിച്ചു. ബയോ-മാത്ത്‌സ് വിത്ത് കമ്പ്യൂട്ടര്‍, സയന്‍സ് ഗ്രൂപ്പ് വിത്ത് ഇലക്ട്രോണിക്‌സ് ആന്റ് കമ്പ്യൂട്ടര്‍ എന്നീ വിഷയങ്ങള്‍ ഉള്‍പ്പെടുന്ന സയന്‍സ് ഗ്രൂപ്പുകളിലേക്കാണ് പ്രവേശനം. അപേക്ഷ സ്‌കൂളില്‍ ലഭിക്കേണ്ട അവസാന തിയതി മേയ് 28 വൈകീട്ട് 5 മണിവരെ. പ്രവേശനം ഏകജാലകം വഴി അല്ലാത്തതിനാല്‍ താല്‍പര്യമുള്ള വദ്യാര്‍ത്ഥികള്‍ www.ihrd.ac.in എന്ന വെബ്‌സൈറ്റ് വഴിയോ സ്‌കൂളില്‍ നേരിട്ടോ അപേക്ഷ സമര്‍പ്പിക്കണം. ഫോണ്‍: 8547005022, 9496217535.

സി-ആപ്റ്റും സാങ്കേതിക വിദ്യാഭ്യാസ വകുപ്പും സംയുക്തമായി 2024-25 അധ്യയന വര്‍ഷം സി-ആപ്റ്റിന്റെ കോഴിക്കോട് സബ്‌സെന്ററില്‍ നടത്തുന്ന ഒരു വര്‍ഷം ദൈര്‍ഘ്യമുള്ള പി.എസ്.സി അംഗീകരിച്ച കെ.ജി.ടി.ഇ പ്രീ-പ്രസ്സ് ഓപ്പറേഷന്‍, കെ.ജി.ടി.ഇ പ്രസ്സ്‌വര്‍ക്ക്, കെ.ജി.ടി.ഇ പോസ്റ്റ് പ്രസ്സ് ഓപ്പറേഷന്‍ ആന്റ് ഫിനിഷിംഗ് എന്നീ കോഴ്‌സുകളിലേക്ക് എസ്.എസ്.എല്‍.സി പാസായവര്‍ക്ക് മെയ് 24 വരെ അപേക്ഷിക്കാം. പട്ടികജാതി/പട്ടികവര്‍ഗ്ഗ/ ഒ.ഇ.സി വിഭാഗങ്ങള്‍ക്ക് നിയമാനുസൃതമായ ഫീസ് ആനുകൂല്യവും സ്റ്റൈപ്പന്റും ലഭിക്കും.

ആലപ്പുഴ: മാരാരിക്കുളം വടക്ക് ഗ്രാമപഞ്ചായത്ത് പരിധിയിലെ റോഡുകള്‍, പൊതുവഴികള്‍ എന്നിവിടങ്ങളിലേക്ക് സ്വകാര്യ വ്യക്തികളുടെയും സ്ഥാപനങ്ങളുടെയും ഉടമസ്ഥതയിലുള്ളതും അപകടകരമായി നില്‍ക്കുന്നതുമായ വൃക്ഷങ്ങളും വൃക്ഷ ശിഖരങ്ങളും ഉടമസ്ഥര്‍ സ്വന്തം ഉത്തരവാദിത്വത്തില്‍ മുറിച്ചു മാറ്റേണ്ടതാണ്. അല്ലാത്ത പക്ഷം ഉണ്ടാകുന്ന നാശനഷ്ടങ്ങള്‍ക്ക് ഉടമസ്ഥര്‍ ഉത്തരവാദികളായിരിക്കുമെന്ന് സെക്രട്ടറി അറിയിച്ചു.

ആലപ്പുഴ: പൊതുതിരഞ്ഞെടുപ്പ്് 2024 മാവേലിക്കര ലോക്‌സഭ മണ്ഡലത്തിലെ വോട്ടെണ്ണലുമായി ബന്ധപ്പെട്ട് വിവിധ വിഷയങ്ങള്‍ ചര്‍ച്ച ചെയ്യാനായി  സ്ഥാനാര്‍ത്ഥികളുടെയും വിവിധ രാഷ്ട്രീയ പാര്‍ട്ടി പ്രതിനിധികളുടെയും ഉദ്യോഗസ്ഥരുടെയും യോഗം മെയ് 22-ന് പകല്‍ 11-ന് മാവേലിക്കര പി.ഡബ്ല്യു.ഡി. റസ്റ്റ് ഹൗസില്‍ ചേരും.

ആലപ്പുഴ: പൊതുതിരഞ്ഞെടുപ്പ്് 2024 ആലപ്പുഴ ലോക്‌സഭ മണ്ഡലത്തിലെ വോട്ടെണ്ണലുമായി ബന്ധപ്പെട്ട് വിവിധ വിഷയങ്ങള്‍ ചര്‍ച്ച ചെയ്യാനായി സ്ഥാനാര്‍ത്ഥികളുടെയും വിവിധ രാഷ്ട്രീയ പാര്‍ട്ടി പ്രതിനിധികളുടെയും ഉദ്യോഗസ്ഥരുടെയും യോഗം മെയ് 22-ന് പകല്‍ 11-ന് കളക്ട്രേറ്റ് കോണ്‍ഫറന്‍സ് ഹാളില്‍ ചേരും.