തൃശൂര്‍ ലോക്‌സഭ മണ്ഡലത്തില്‍ ലോക്സഭാ തെരഞ്ഞെടുപ്പ് വോട്ടെണ്ണലിനുള്ള ഉദ്യോഗസ്ഥരെ നിയോഗിച്ചുകൊണ്ടുള്ള ഉത്തരവുകള്‍ ഓര്‍ഡര്‍ സോഫ്‌റ്റ്വെയറില്‍ ലഭിക്കും. അതാത് സ്ഥാപനമേധാവികള്‍ തങ്ങളുടെ കാര്യാലയത്തിലെ ജീവനക്കാര്‍ക്ക് കൗണ്ടിംഗ് ഡ്യൂട്ടി ലഭ്യമായിട്ടുണ്ടോ എന്ന് ഓര്‍ഡര്‍ സോഫ്‌റ്റ്വെയറില്‍ പരിശോധിച്ച് ഉറപ്പുവരുത്തണം. ഉത്തരവുകള്‍ ഡൗണ്‍ലോഡ് ചെയ്ത് ബന്ധപ്പെട്ട ഉദ്യോഗസ്ഥര്‍ക്ക് നല്‍കി ഓര്‍ഡര്‍ സോഫ്‌റ്റ്വെയറില്‍ (ഓര്‍ഡര്‍ സേര്‍വ്ഡ് സ്റ്റാറ്റസ്) രേഖപ്പെടുത്തണം. വോട്ടെണ്ണലിനുള്ള ഉദ്യോഗസ്ഥര്‍ക്കുള്ള പരിശീലനം മേയ് 22 മുതല്‍ നടക്കും.

പുത്തൂര്‍ കേന്ദ്രമായി പ്രവര്‍ത്തനമാരംഭിക്കുന്ന തൃശ്ശൂര്‍ സുവോളജിക്കല്‍ പാര്‍ക്കിലേക്ക് വെറ്ററിനറി ഡോക്ടര്‍മാരെ കരാര്‍ വ്യവസ്ഥയില്‍ നിയമിക്കുന്നതിനായി മേയ് 22 ന് രാവിലെ 11 ന് പുത്തൂര്‍ ഓഫീസില്‍ വാക് ഇന്‍ ഇന്റര്‍വ്യു നടത്തും. വിശദവിവരങ്ങള്‍ക്ക് www.forest.kerala.gov.in എന്ന വെബ്‌സൈറ്റ് സന്ദര്‍ശിക്കുക.

ഐ.എച്ച്.ആര്‍.ഡി യുടെ കീഴിലുള്ള കോളേജ് ഓഫ് അപ്ലൈഡ് സയന്‍സ് അയിലൂര്‍ 2024-25 അധ്യയന വര്‍ഷത്തെ അഡ്മിഷനുമായി ബന്ധപ്പെട്ട വിവരങ്ങള്‍ക്ക് 04923241766, 8547005029, 9995323718 എന്നീ ഫോണ്‍ നമ്പറുകളില്‍ ബന്ധപ്പെടേണ്ടതാണെന്ന് പ്രിന്‍സിപ്പാള്‍ അറിയിച്ചു.

കണ്ണൂര്‍ തോട്ടടയിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്‍ഡ്‌ലൂം ടെക്‌നോളജിയുടെ കീഴിലുള്ള കോളേജ് ഫോര്‍ കോസ്റ്റ്യും ആന്റ് ഫാഷന്‍ ഡിസൈനിംഗ്, കണ്ണൂര്‍ യൂണിവേഴ്‌സിറ്റിയില്‍ അഫിലിയേറ്റ് ചെയ്ത ബി.എസ്.സി. കോസ്റ്റ്യും ആന്‍ഡ് ഫാഷന്‍ ഡിസൈനിംഗ്, ബി.എസ്.സി ഇന്റീരിയര്‍  ഡിസൈനിംഗ് ആന്റ് ഫര്‍ണിഷിംഗ് എന്നീ കോഴ്‌സുകളിലേക്ക് അപേക്ഷകള്‍ ക്ഷണിച്ചു. കണ്ണൂര്‍ യൂണിവേഴ്‌സിറ്റിയുടെ www.admission.kannuruniversity.ac.in എന്ന സിങ്കിള്‍ വിന്‍ഡോ വെബ്‌സൈറ്റിലൂടെ അപേക്ഷിക്കാം.

അസാപ് കേരളയുടെ കുന്നംകുളം കമ്മ്യൂണിറ്റി സ്‌കില്‍ പാര്‍ക്കിലെ പുതിയ ഫിറ്റ്‌നസ് ട്രെയ്‌നര്‍ ബാച്ചിലേക്ക് അപേക്ഷ ക്ഷണിച്ചു. ഫിറ്റ്‌നസ് ട്രെയ്‌നര്‍ കോഴ്‌സ് വിജയകരമായി പൂര്‍ത്തിയാക്കുന്നവര്‍ക്ക് കേന്ദ്രസര്‍ക്കാരിന്റെ നാഷണല്‍ സ്‌കില്‍ ക്വാളിഫിക്കേഷന്‍ ഫ്രെയിം വര്‍ക്ക് ലെവല്‍ 4 സര്‍ട്ടിഫിക്കറ്റ് ലഭിക്കും. ഫിറ്റ്‌നസ് ട്രെയിനിങ് മേഖലയില്‍ കരിയര്‍ ആഗ്രഹിക്കുന്നവര്‍ക്കു https://bit.ly/asaptcrkkm എന്ന ലിങ്ക് വഴി രജിസ്റ്റര്‍ ചെയ്യാം. കൂടുതല്‍ വിവരങ്ങള്‍ക്ക് ഫോണ്‍: 8590118698, 9947797719.

അഴീക്കോട് തീരത്തോട് ചേർന്ന് ചെറുമത്സ്യങ്ങൾ പിടിച്ച മത്സ്യബന്ധന ബോട്ട് ഫിഷറീസ് വകുപ്പ് പിടികൂടി.  എറണാകുളം മുനമ്പം പള്ളിപ്പുറം ദേശത്ത് നിധീഷിന്റെ ഉടമസ്ഥതയിലുള്ള 'ശ്രീശാസ്താ'  പിടിച്ചെടുത്തത്. നിയമപരമായ അളവിൽ അല്ലാതെ കണ്ട (12 സെന്റീമീറ്ററിൽ താഴെ വലിപ്പമുള്ള) 800 കിലോ കിളിമീൻ ഇനത്തിൽപ്പെട്ട മത്സ്യമാണ് ബോട്ടിലുണ്ടായിരുന്നത്. ജില്ലയിലെ തീരക്കടലിലും അഴിമുഖങ്ങളിലും വിവിധ ഹാർബറുകളിലും ഫിഷ് ലാൻറിങ് സെന്ററുകളിലും നടത്തിയ പ്രത്യേക കോമ്പിങ് ഓപ്പറേഷൻ്റെ ഭാഗമായാണ് നടപടി.  

തൃശ്ശൂര്‍ മ്യൂസിയം മൃഗശാലയില്‍ മേയ് 18 ന് ലോക മ്യൂസിയം ദിനാഘോഷവുമായി ബന്ധപ്പെട്ട് വിവിധ പരിപാടികള്‍ സംഘടിപ്പിക്കുന്നു. മേയ് 18, 19 തീയതികളിലായി സ്‌കൂള്‍ വിദ്യാര്‍ത്ഥികള്‍ക്കായി ചിത്രരചനാ മത്സരങ്ങളും പഠന-ബോധവല്‍ക്കരണ ക്ലാസുകളും നടക്കും. 18 ന് രാവിലെ 10 മുതല്‍ ബോധവല്‍ക്കരണ ക്ലാസും മിഴാവ്, തായമ്പക എന്നിവയുടെ അവതരണവും നടക്കും. 19 ന് രാവിലെ 10.30 മുതല്‍ കെ.ജി, എല്‍.പി, യു.പി വിഭാഗം വിദ്യാര്‍ത്ഥികള്‍ക്കായി ചിത്രരചനാ മത്സരം നടക്കും.
 

തൃശൂര്‍ ജില്ലയിലെ അര്‍ദ്ധസര്‍ക്കാര്‍ സ്ഥാപനത്തില്‍ ഹോസ്റ്റല്‍ മാനേജര്‍ ഗ്രേഡ്-2 (പുരുഷന്മാര്‍ മാത്രം) തസ്തികയില്‍ ഈഴവ വിഭാഗത്തിന് സംവരണം ചെയ്ത ഒരു താത്കാലിക ഒഴിവുണ്ട്. യോഗ്യത അംഗീകൃത സര്‍വകലാശാലയില്‍ നിന്നുള്ള ബിരുദം, സര്‍ക്കാര്‍ സ്ഥാപനങ്ങളിലോ സര്‍ക്കാര്‍/ പൊതു വിദ്യാഭ്യാസ സ്ഥാപനങ്ങളിലോ സ്റ്റോറുകളും അക്കൗണ്ടുകളും കൈകാര്യം ചെയ്യുന്നതിലുള്ള 2 വര്‍ഷത്തെ പ്രവൃത്തിപരിചയം. പ്രായപരിധി 18 നും 36 നും മദ്ധ്യേ (2024 ജനുവരി 1 അടിസ്ഥാനത്തില്‍). യോഗ്യരായ ഉദ്യോഗാര്‍ത്ഥികള്‍ ജൂണ്‍ 13 നകം അടുത്തുള്ള എംപ്ലോയ്‌മെന്റ് എക്‌സ്‌ചേഞ്ചില്‍ പേര് രജിസ്റ്റര്‍ ചെയ്യണമെന്ന് ജില്ലാ എംപ്ലോയ്‌മെന്റ് ഓഫീസര്‍ അറിയിച്ചു.

പട്ടിക ജാതി, പട്ടിക വര്‍ഗ്ഗ വിഭാഗത്തിലുള്ള ഉദ്യോഗാര്‍ത്ഥികള്‍ക്കായി നാഷണല്‍ കരിയര്‍ സര്‍വീസ് സെന്റര്‍ ഫോര്‍ എസ്.സി/ എസ്.ടി ഒരു വര്‍ഷത്തെ സ്‌റ്റൈപ്പെന്‍ന്റോടു കൂടിയുള്ള ട്രെയിനിങ് പ്രോഗ്രാമുകളും പ്ലേസ്മെന്റ് ഡ്രൈവുകളും സംഘടിപ്പിക്കുന്നു. താത്പര്യമുള്ള 18-30 വയസിനുള്ളില്‍ പ്രായമുള്ള പ്ലസ് ടു യോഗ്യതയുള്ള എസ്.സി, എസ്.ടി വിഭാഗത്തില്‍പ്പെട്ട ഉദ്യോഗാര്‍ത്ഥികള്‍ (കുടുംബ വാര്‍ഷിക വരുമാനം 3 ലക്ഷം രൂപ) അസ്സല്‍ സര്‍ട്ടിഫിക്കറ്റുകളുമായി കൊടുങ്ങല്ലൂര്‍ എംപ്ലോയ്മെന്റ് എക്‌സ്‌ചേഞ്ചുമായി ബന്ധപ്പെടണമെന്ന് കൊടുങ്ങല്ലൂര്‍ എംപ്ലോയ്മെന്റ് ഓഫീസര്‍ അറിയിച്ചു. ഫോണ്‍: 0480 2808060.

തൃശ്ശൂര്‍ ജില്ലയിലെ വിവിധ വില്ലേജുകളില്‍ ഡിജിറ്റല്‍ സര്‍വ്വെയുടെ ഫീല്‍ഡ് സര്‍വ്വെകള്‍ക്കും സര്‍വ്വെ ഉപകരണങ്ങള്‍ കൊണ്ടുപോകുന്നതിനും ഉദ്യോഗസ്ഥരുടെ യാത്രാ സൗകര്യത്തിനുമായി ടാക്‌സി പെര്‍മിറ്റുള്ള വാഹനം ആവശ്യമുണ്ട്. 6 മാസത്തേക്ക് മാസവാടകയ്ക്ക് ലഭ്യമാക്കുന്നതിനായി വ്യക്തികള്‍/ വാഹന ഉടമകള്‍/ ബന്ധപ്പെട്ട സ്ഥാപനങ്ങളില്‍ നിന്നും മത്സരാധിഷ്ഠിത ക്വട്ടേഷന്‍ ക്ഷണിച്ചു. സീല്‍ ചെയ്ത ക്വട്ടേഷനുകള്‍ മേയ് 22 ന് ഉച്ചതിരിഞ്ഞ് 3 നകം സര്‍വ്വെ സൂപ്രണ്ട്, തൃശ്ശൂര്‍-680003 എന്ന വിലാസത്തില്‍ ലഭ്യമാക്കണം.