അട്ടപ്പാടിയില്‍ ഐ.ടി.ഡി.പിയുടെ നേതൃത്വത്തില്‍ മുക്കാലി എം.ആര്‍.എസില്‍ തദ്ദേശീയ ജനതയുടെ അന്തര്‍ദേശീയ ദിനാഘോഷം സംഘടിപ്പിച്ചു. അട്ടപ്പാടി ബ്ലോക്ക് പഞ്ചായത്ത് പ്രസിഡന്റ് മരുതി മുരുകന്‍ ഉദ്ഘാടനം ചെയ്തു. ഒറ്റപ്പാലം സബ് കലക്ടറും അട്ടപ്പാടി നോഡല്‍ ഓഫീസറുമായ ഡി. ധര്‍മ്മലശ്രീ തദ്ദേശീയ ജനതയുടെ അന്തര്‍ദേശീയ ദിനാചരണവുമായി ബന്ധപ്പെട്ട് സന്ദേശം നല്‍കി. ആഗസ്റ്റ് ഒന്‍പത് മുതല്‍ 15 വരെ തദ്ദേശീയ ദിനാഘോഷവുമായി ബന്ധപ്പെട്ട് ഒരാഴ്ച നീളുന്ന പരിപാടികളാണ് സ്‌കൂളില്‍ സംഘടിപ്പിക്കുന്നത്.

പട്ടികവര്‍ഗ്ഗ വികസന വകുപ്പിന് കീഴില്‍ പ്രവര്‍ത്തിക്കുന്ന മലമ്പുഴ ആശ്രമം സ്‌കൂളില്‍ തദ്ദേശീയ ജനതയുടെ അന്താരാഷ്ട്ര ദിനം ആഘോഷിച്ചു. ജില്ലാ കലക്ടര്‍ ഡോ. എസ്. ചിത്ര ഉദ്ഘാടനം ചെയ്തു. മലമ്പുഴ ഗ്രാമപഞ്ചായത്ത് പ്രസിഡന്റ് രാധികാ മാധവന്‍ അധ്യക്ഷയായ പരിപാടിയില്‍ ഹയര്‍ സെക്കന്‍ഡറി വിദ്യാര്‍ത്ഥിനി പ്രമീഷ തദ്ദേശീയ ജനതയുടെ അന്താരാഷ്ട്ര ദിനത്തോടനുബന്ധിച്ചുള്ള പ്രതിജ്ഞ ചൊല്ലിക്കൊടുത്തു. പി.ടി.എ പ്രസിഡന്റ് അട്ടപ്പാടി ഗലസി ഊരിലെ കെ. മുരുകനെ പരിപാടിയില്‍ ആദരിച്ചു. സ്‌കൂള്‍ വിദ്യാര്‍ത്ഥികള്‍ ഗോത്ര കലകള്‍ അവതരിപ്പിച്ചു. ജില്ലാ പട്ടികവര്‍ഗ്ഗ വികസന ഓഫീസര്‍ എം.

യു.ഐ.ടി കല്ലറയിൽ ബികോം കോ-ഓപ്പറേഷൻ, ബി.എ ഇംഗ്ലീഷ് ലാംഗ്വിജ് ആൻഡ് ലിറ്ററേച്ചർ കോഴ്‌സുകളിൽ സീറ്റൊഴിവുള്ളതായി പ്രിൻസിപ്പാൾ അറിയിച്ചു. സ്‌പെഷ്യൽ സപ്ലിമെന്ററി അലോട്ട്‌മെന്റിന് വേണ്ടി ഇതുവരെയും രജിസ്റ്റർ ചെയ്യാത്ത വിദ്യാർത്ഥികൾക്കും, രജിസ്റ്റർ ചെയ്തിട്ടും അഡ്മിഷൻ ലഭിക്കാത്തവർക്കും, ഡിഫക്ട് മെമ്മോ ലഭിച്ചവർക്കും പുതിയ ഓപ്ഷൻ നൽകാൻ ആഗസ്റ്റ് 14 വരെ അവസരമുണ്ടായിരിക്കും. കൂടുതൽ വിവരങ്ങൾക്ക് 9946844058, 9074665860, 9745959698

കേന്ദ്ര വനിതാ ശിശു വികസന മന്ത്രാലയത്തിനു കീഴില്‍ ജില്ലയില്‍ പ്രവര്‍ത്തിച്ചിരുന്ന ചൈല്‍ഡ് ലൈന്‍ 1098 പദ്ധതി ആഗസ്റ്റ് ഒന്ന് മുതല്‍ 'മിഷന്‍ വാത്സല്യ'ക്കു കീഴില്‍ ജില്ലാ ശിശു സംരക്ഷണ യൂണിറ്റില്‍ 'ചൈല്‍ഡ് ഹെല്‍പ് ലൈന്‍ 1098' എന്ന പേരില്‍ പ്രവര്‍ത്തനം ആരംഭിച്ചു. സംസ്ഥാന വനിതാ ശിശു വികസന വകുപ്പിന്റെ അധികാര പരിധിയില്‍ ജില്ലാ കലക്ടറുടെ മേല്‍നോട്ടത്തിലാണ് പ്രവര്‍ത്തനം. ചൈല്‍ഡ് ഹെല്‍പ് ലൈനിലേക്ക് വരുന്ന കോളുകള്‍ തിരുവനന്തപുരത്തെ കണ്‍ട്രോള്‍ റൂമില്‍ നിന്നാണ് നിയന്ത്രിക്കുന്നത്.

മലമ്പുഴ ഗവ മൃഗസംരക്ഷണ പരിശീലന കേന്ദ്രത്തില്‍ ആഗസ്റ്റ് 17 ന് രാവിലെ പത്ത് മുതല്‍ വൈകിട്ട് അഞ്ച് വരെ കാട വളര്‍ത്തലില്‍ പരിശീലനം നല്‍കും. പങ്കെടുക്കുന്നവര്‍ 0491 2815454, 9188522713 ല്‍ വിളിച്ച് രജിസ്റ്റര്‍ ചെയ്യണം. പങ്കെടുക്കുന്നവര്‍ ആധാര്‍ കാര്‍ഡിന്റെ പകര്‍പ്പ് കൊണ്ടുവരണമെന്ന് അസിസ്റ്റന്റ് ഡയറക്ടര്‍ അറിയിച്ചു.

ശിരുവാണി ഡാമിനോട് ചേര്‍ന്ന് സ്ഥിതി ചെയ്യുന്ന ശിരുവാണി പ്രോജക്ട് ഹൗസിലെ സോളാര്‍ നെറ്റ്‌വര്‍ക്ക് തകരാറായത് പരിഹരിക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ നേരിട്ടോ തപാലിലോ എക്സിക്യൂട്ടീവ് എന്‍ജിനീയര്‍, കെ.പി.ഐ.പി ഡിവിഷന്‍ നമ്പര്‍ ഒന്ന് കാഞ്ഞിരപ്പുഴ-678591 എന്ന വിലാസത്തില്‍ നല്‍കണം. ആഗസ്റ്റ് 18 ന് ഉച്ചക്ക് 12 വരെ ക്വട്ടേഷനുകള്‍ സ്വീകരിക്കും. അന്നേദിവസം വൈകിട്ട് മൂന്നിന് ക്വട്ടേഷനുകള്‍ തുറക്കും.

പാലക്കാട് അസിസ്റ്റന്റ് കണ്‍സര്‍വേറ്റര്‍ ഓഫ് ഫോറസ്റ്റ് 1,67,382 രൂപ മതിപ്പുവില നിശ്ചയിച്ച പാലക്കാട് റവന്യു ഡിവിഷണല്‍ ഓഫീസറുടെ ക്വാര്‍ട്ടേഴ്‌സ് കോമ്പൗണ്ടില്‍ വീണുകിടക്കുന്ന തേക്ക് മരം ആഗസ്റ്റ് 22 ന് രാവിലെ 11 ന് പാലക്കാട് ആര്‍.ഡി.ഒ. ഓഫീസില്‍ ലേലം ചെയ്യുന്നു. ഫോണ്‍: 0491 2535585

ഒ.ബി.സി, ഇ.ബി.സി (പൊതു വിഭാഗത്തിലെ സാമ്പത്തികമായി പിന്നാക്കം നില്‍ക്കുന്നവര്‍) സമുദായങ്ങളില്‍ ഉള്‍പ്പെട്ട കുടുംബവാര്‍ഷിക വരുമാനം 2.5 ലക്ഷമോ അതില്‍ കുറവോ ഉള്ള സര്‍ക്കാര്‍/എയ്ഡഡ് സ്‌കൂളുകളില്‍ പഠിക്കുന്ന വിദ്യാര്‍ത്ഥികള്‍ക്ക് സ്‌കോളര്‍ഷിപ്പിന് അപേക്ഷിക്കാം. ഒന്‍പത്, 10 ക്ലാസുകളില്‍ പഠിക്കുന്നവര്‍ക്കാണ് അവസരം. മുന്‍വര്‍ഷത്തെ വാര്‍ഷിക പരീക്ഷയില്‍ 75 ശതമാനത്തില്‍ കുറയാത്ത മാര്‍ക്ക് നേടിയവര്‍ക്ക് അപേക്ഷിക്കാം. തെരഞ്ഞെടുക്കപ്പെടുന്നവര്‍ക്ക് 4000 രൂപ സ്‌കോളര്‍ഷിപ്പ് ലഭിക്കും.

ആസാദി കാ അമൃത് മഹോത്സവിന്റെ ഭാഗമായി ആഗസ്റ്റ് 13 മുതല്‍ 15 വരെ ഹര്‍ ഘര്‍ തിരംഗ ആഘോഷിക്കുന്നതുമായി ബന്ധപ്പെട്ട് തപാല്‍ വകുപ്പ് പാലക്കാട് പോസ്റ്റല്‍ ഡിവിഷന്റെ കീഴിലുള്ള എല്ലാ പോസ്റ്റോഫീസുകളിലും 25 രൂപ നിരക്കില്‍ പൊതുജനങ്ങള്‍ക്ക് ദേശീയപതാക ലഭ്യമാകും. www.epostoffice.gov.in ലൂടെയും വാങ്ങാമെന്ന് സീനിയര്‍ സൂപ്രണ്ട് അറിയിച്ചു. കൂടുതല്‍ വിവരങ്ങള്‍ക്ക്: 8714625167
 

ആന്റണി ജോൺ എം എൽ എ യുടെ അഭ്യർത്ഥനയെ തുടർന്ന് മന്ത്രി  റോഷി അഗസ്റ്റിൻറെ അടിയന്തര ഇടപെടൽ.