ഇടുക്കി എന്‍ജിനീയറിംഗ് കോളേജിലെ  വനിതാ ഹോസ്റ്റലില്‍  മേട്രണ്‍  തസ്തികയില്‍ ദിവസ വേതനാടിസ്ഥാനത്തില്‍ താത്കാലിക നിയമനം നടത്തുന്നു.  ആഗസ്റ്റ് 22 ന് അഭിമുഖം നടക്കും . എസ്.എസ്.എല്‍.സി യും  അക്കൗണ്ടിങ്ങില്‍ മുന്‍പരിചയവുമുളള ഉദ്യോഗാര്‍ത്ഥികള്‍  അസ്സല്‍ സര്‍ട്ടിഫിക്കറ്റുകള്‍, ആധാര്‍ കാര്‍ഡ്, സര്‍ട്ടിഫിക്കറ്റുകളുടെ പകര്‍പ്പുകള്‍ എന്നിവ സഹിതം 22  ചൊവ്വാഴ്ച്ച രാവിലെ  10 ന്  കോളേജ് ഓഫീസില്‍ അഭിമുഖത്തിനായി ഹാജരാകണം.

വില്‍പ്പന നികുതി കുടിശ്ശിക ഇനത്തില്‍ വീഴ്ച വരുത്തിയ തുക വസൂലാക്കുന്നതിനായി മണക്കാട് വില്ലേജ് ഓഫീസില്‍  ഈ മാസം  23  രാവിലെ 11 ന് പരസ്യ ലേലം നടക്കുന്നു.   3,48,162 രൂപയും പലിശയും നടപടി ചെലവുകളും ഒടുക്കുന്നതില്‍  വീഴ്ച വന്നതിനെത്തുടര്‍ന്നാണ്  ലേലം .പങ്കെടുക്കുന്നവര്‍ നിയമപ്രകാരമുളള നിരത ദ്രവ്യം കെട്ടിവയ്ക്കണം. ലേലം വഴി വില്‍ക്കപ്പെടുന്ന വസ്തുക്കള്‍ ലേല തുക മുഴുവന്‍ ഒടുക്കി വേണം ഏറ്റെടുക്കാന്‍.

ഇടുക്കി ജില്ലാ വികസന സമിതിയുടെ  ആഗസ്റ്റ് മാസത്തെ യോഗം 26 ശനിയാഴ്ച രാവിലെ 10.30 ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും.

വിമുക്തഭടന്മാരുടേയും വിധവകളുടേയും നിവേദനങ്ങള്‍, പരാതികള്‍ എന്നിവയുടെ പരിഹാര മാര്‍ഗങ്ങള്‍ക്കും   ക്ഷേമപദ്ധതികള്‍ സംബന്ധിച്ച വിവരങ്ങള്‍ക്കുമായി സൈനികക്ഷേമ വകുപ്പ് അവസരമൊരുക്കുന്നു. ഐഎന്‍എസ് ദ്രോണാചാര്യയില്‍ നിന്നുള്ള നേവി പ്രതിനിധികള്‍  ആഗസ്റ്റ് 17 (വ്യാഴാഴ്ച) രാവിലെ 11 മുതല്‍ 1 മണി വരെ  ജില്ലാ സൈനിക ക്ഷേമ ഓഫീസില്‍ പരാതികള്‍ കേള്‍ക്കും. കൂടുതല്‍ വിവരങ്ങള്‍ക്ക്  04862222904