മൃഗങ്ങളെയും പക്ഷികളെയും വാങ്ങാം

ദേശീയ പക്ഷി-മൃഗ മേളയില്‍ പ്രദര്‍ശിപ്പിച്ച മൃഗങ്ങളെയും പക്ഷികളെയും പൊതുജനങ്ങള്‍ക്ക് വാങ്ങാന്‍ അവസരം. ഇന്ന് (നവംബര്‍ 16) രാവിലെ 10 മണി മുതല്‍ ആശ്രാമം മൈതാനത്ത് നടക്കുന്ന ലേലത്തില്‍ പങ്കെടുത്ത് സ്വന്തമാക്കാം. '

വിശദ വിവരങ്ങള്‍ 8921409085  എന്ന നമ്പരില്‍ ലഭിക്കും.
 

ശബരിമല: മുന്നൊരുക്കങ്ങള്‍ സമയബന്ധിതമായും ഫലപ്രദമായും പൂര്‍ത്തീകരിച്ച് ശബരിമല തീര്‍ഥാടനം സുഗമമാക്കാന്‍ സംസ്ഥാന സര്‍ക്കാരിനായി. തീര്‍ഥാടന പൂര്‍വ ഒരുക്കങ്ങള്‍ വിലയിരുത്താന്‍ മുഖ്യമന്ത്രി പിണറായി വിജയന്‍ ശബരിമല സന്നിധാനത്ത് നേരിട്ടെത്തിയത് ക്രമീകരണങ്ങള്‍ സമയബന്ധിതമായി പൂര്‍ത്തീകരിക്കുന്നതില്‍ നിര്‍ണായകമായി. മുഖ്യമന്ത്രി നേരിട്ടെത്തി വകുപ്പുകളുടെ ഒരുക്കങ്ങള്‍ വിലയിരുത്തിയത് ഉദ്യോഗസ്ഥര്‍ക്ക് ആവേശം പകര്‍ന്നു.

ശബരിമല തീര്‍ഥാടകര്‍ക്ക് മെച്ചപ്പെട്ട ആരോഗ്യ ചികില്‍സാ സേവനങ്ങള്‍ ലഭ്യമാക്കുന്നതിന് ദേശീയ ആരോഗ്യദൗത്യം ഫണ്ടില്‍നിന്ന് തുക ചെലവഴിച്ച് സന്നിധാനത്ത് നിര്‍മിച്ചിട്ടുള്ള ആശുപത്രി കെട്ടിടത്തിന്റെ പ്രവര്‍ത്തനോദ്ഘാടനം ഇന്ന്(16) രാവിലെ 10ന് ആരോഗ്യ സാമൂഹിക നീതിവകുപ്പ് മന്ത്രി കെ കെ ശൈലജ ടീച്ചര്‍ നിര്‍വഹിക്കും.

ശബരിമല: മണ്ഡല പൂജക്കായി ശബരിമല നട തുറന്നു. സ്ഥാനമൊഴിഞ്ഞ മേല്‍ശാന്തി ടി.എം.ഉണ്ണിക്കൃഷ്ണന്‍ നമ്പൂതിരി തന്ത്രി കണ്ഠരര് മഹേഷ് മോഹനരരുടെ സാന്നിധ്യത്തില്‍ ഇന്നലെ(ബുധന്‍) വൈകിട്ട് അഞ്ചിന് നട തുറന്നു. മേല്‍ശാന്തി പതിനെട്ടാം പടിയിറങ്ങി ആഴിയില്‍ അഗ്നി പകര്‍ന്നു. തുടര്‍ന്ന് പുതിയ ശബരിമല മേല്‍ശാന്തിയായി എ.വി.ഉണ്ണിക്കൃഷ്ണന്‍ നമ്പൂതിരിയെ ചുമതലപ്പെടുത്തുന്ന ചടങ്ങ് നടന്നു. മാളികപ്പുറം മേല്‍ശാന്തിയായി അനീഷ് നമ്പൂതിരിയും ചുമതലയേറ്റു.

ഡിസംബര്‍ 26ന് മണ്ഡല പൂജ കഴിഞ്ഞ് നട അടയ്ക്കും. മകര വിളക്കിനായി ഡിസംബര്‍ 30ന് വീണ്ടും നട തുറക്കും. ജനുവരി 14നാണ് മകര വിളക്ക്.

(പി.ആര്‍. ശബരി-1)

ശബരിമല: ശബരിമല തീര്‍ഥാടനത്തോടനുബന്ധിച്ച് ശക്തമായ സുരക്ഷാ ക്രമീകരണങ്ങള്‍ ഏര്‍പ്പെടുത്തിയതായി ശബരിമല പോലീസ് ചീഫ് കോ-ഓര്‍ഡിനേറ്ററും ആംഡ് പോലീസ് ബറ്റാലിയന്‍ എ.ഡി.ജി.പിയുമായ സുധേഷ് കുമാര്‍ സന്നിധാനത്ത് പറഞ്ഞു. മുന്‍കാലങ്ങളിലെ പോലീസിന്റെ പ്രവര്‍ത്തനങ്ങളും നേരിടേണ്ടി വന്ന പ്രത്യേക സാഹചര്യങ്ങളും വിലയിരുത്തി കൂടുതല്‍ പഴുതടച്ച ക്രമീകരണങ്ങളാണ് ഒരുക്കിയിട്ടുള്ളത്. ഏറ്റവും പുതിയ സാങ്കേതിക വിദ്യകളും ഇതിനായി പ്രയോജനപ്പെടുത്തിയിട്ടുണ്ട്. ശബരിമലയിലെയും സമീപ പ്രദേശത്തെയും വ്യോമ നിരീക്ഷണത്തിന് ആളില്ലാ വിമാനങ്ങള്‍(ഡ്രോണ്‍) ഇത്തവണ ഉപയോഗിക്കും.

സന്നിധാനത്തെ സുരക്ഷാ പ്രവര്‍ത്തനങ്ങള്‍ക്ക് നിയോഗിച്ചിട്ടുള്ള ആയിരത്തി അഞ്ഞൂറിലധികം പോലീസ് ഉദ്യോഗസ്ഥര്‍ ചുമതലയേറ്റു. കേരള പോലീസിന്റെ വിവിധ വിഭാഗങ്ങള്‍ക്കൊപ്പം അടിയന്തര സാഹചര്യങ്ങള്‍ നേരിടുന്നതിന് ദ്രുതകര്‍മ്മ സേനാ ബറ്റാലിയനുകളും സേവനമനുഷ്ഠിക്കും. കോയമ്പത്തൂരില്‍ നിന്നുള്ള റാപ്പിഡ് ആക്ഷന്‍ ഫോഴ്‌സിന്റെയും(ആര്‍.എ.എഫ്.) ചെന്നൈയില്‍ നിന്നുള്ള എന്‍.ഡി.ആര്‍.എഫിന്റെയും ബറ്റാലിയനുകളും ചുമതലയേറ്റു. രണ്ട് എസ്.പി.മാരുടെ നേരിട്ടുള്ള നിയന്ത്രണത്തിലായിരിക്കും സന്നിധാനത്ത് കേരള പോലീസിന്റെ വിഭാഗങ്ങള്‍ പ്രവര്‍ത്തിക്കുക.

കൊച്ചി: ദേശീയ മാധ്യമ ദിനാചരണത്തോടനുബന്ധിച്ച് വിശ്വാസ്യതയും വിലക്കുകളും മാധ്യമസ്വാതന്ത്ര്യം ഇന്ന് എന്ന വിഷയത്തില്‍ ജില്ല ഇന്‍ഫര്‍മേഷന്‍ ഓഫീസും എസ്എച്ച് സ്‌കൂള്‍ ഓഫ് കമ്മ്യൂണിക്കേഷനും സംയുക്തമായി സംഘടിപ്പിക്കുന്ന സെമിനാര്‍ ഇന്ന് (നവംബര്‍ 16) രാവിലെ 10.30 ന് തേവര സേക്രഡ് ഹാര്‍ട്ട് കോളേജിലെ കമ്മ്യൂണിക്കേഷന്‍ വിഭാഗം മെയിന്‍ ഹാളില്‍ നടക്കും.

പ്രശസ്ത പത്രപ്രവര്‍ത്തക ഷാനി പ്രഭാകര്‍ മുഖ്യപ്രഭാഷണം നടത്തും. ഡയറക്ടര്‍ ബാബു ജോസഫ്, ജില്ല ഇന്‍ഫര്‍മേഷന്‍ ഓഫീസര്‍ നിജാസ് ജ്യുവല്‍, വകുപ്പ് മേധാവി ആഷ ആച്ചി ജോസഫ്, ഫാക്കല്‍റ്റി റിമ മാത്യു തുടങ്ങിയവര്‍ പങ്കെടുക്കും.

കൊച്ചി: രണ്ടു ദിവസത്തെ സന്ദര്‍ശനപരിപാടികളുമായി ഉപരാഷ്ട്രപതി വെങ്കയ്യ നായിഡു 21ന് കൊച്ചിയിലെത്തും. ഉപരാഷ്ട്രപതി പദമേറ്റെടുത്ത ശേഷം വെങ്കയ്യ നായിഡുവിന്റെ ആദ്യത്തെ കേരള സന്ദര്‍ശനമാണിത്. 21, 22 തീയതികളിലായി മൂന്ന് പരിപാടികളില്‍ വെങ്കയ്യ നായിഡു പങ്കെടുക്കും. ഇതിന് പുറമെ സംസ്ഥാന സര്‍ക്കാരിന്റെ ഔദ്യോഗിക സ്വീകരണത്തിനും യാത്രയയപ്പിനും കൊച്ചി വേദിയാകും. 

21ന് ഉച്ചയ്ക്ക് 12.05നാണ് ഉപരാഷ്ട്രപതി കൊച്ചിയിലെത്തുക. നാവിക വിമാനത്താവളത്തില്‍ സംസ്ഥാന സര്‍ക്കാര്‍ അദ്ദേഹത്തിന് ഔദ്യോഗിക സ്വീകരണം നല്‍കും. ഗാര്‍ഡ് ഓഫ് ഓണര്‍ നല്‍കിയാണ് സേനാംഗങ്ങള്‍ ഉപരാഷ്ട്രപതിയെ സ്വീകരിക്കുക. 

കൊട്ടാരക്കരയില്‍ നവംബര്‍ 16, 17 തീയതികളില്‍ നടക്കുന്ന കൊല്ലം റവന്യൂ ജില്ലാ സ്‌കൂള്‍ ശാസ്‌ത്രോത്സവവും പ്രവൃത്തിപരിചയ മേളയും ഐ.ടി മേളയും ഗ്രീന്‍ പ്രോട്ടോക്കോളില്‍.

അഞ്ചു വേദികളിലും ഫ്‌ളക്‌സ് ബോര്‍ഡുകള്‍, ബാനറുകള്‍ എന്നിവയും ഡിസ്‌പോസിബിള്‍ പ്ലാസ്റ്റിക് സാധനങ്ങളും പൂര്‍ണമായും ഒഴിവാക്കണമെന്ന് ജില്ലാ കലക്ടര്‍ ഡോ. എസ്. കാര്‍ത്തികേയന്‍ നിര്‍ദേശിച്ചു.

(പി.ആര്‍.കെ.നമ്പര്‍  2538/17)

ബാലാവകാശ വാരാചരണത്തിന്റെ ഭാഗമായി സംസ്ഥാന ബാലാവകാശ കമ്മീഷനും ജില്ലാ ശിശുസംരക്ഷ ഓഫീസും സംയുക്തമായി സംഘടിപ്പിച്ച വാഹനപ്രചാരണ പരിപാടി ഇന്നലെ (നവംബര്‍ 15) കൊട്ടാരക്കര, പത്തനാപുരം, പുനലൂര്‍ താലൂക്കുകളില്‍ പര്യടനം നടത്തി.

ഫ്‌ളാഷ് മോബ്, തെരുവുനാടകം, ലഘുലേഖ വിതരണം തുടങ്ങിയവ ഇതിനോടനുബന്ധിച്ച് നടന്നു. 

(പി.ആര്‍.കെ.നമ്പര്‍  2537/17)