സപ്ലൈകോ  ഈ വര്‍ഷം ഇതുവരെ 82178 ടണ്‍ നെല്ല് സംസ്ഥാനത്തെ കര്‍ഷകരില്‍ നിന്ന് നേരിട്ട് സംഭരിച്ചതായി സിഎം.ഡി എ.പി.എം മുഹമ്മദ് ഹനീഷ് അറിയിച്ചു.  നെല്ലിന്റെ വിലയായി കര്‍ഷകര്‍ക്ക് ആകെ 32.36 കോടി രൂപ വിതരണം ചെയ്തിട്ടുണ്ട്.

കൊച്ചി: രണ്ടു ദിവസത്തെ സന്ദര്‍ശനപരിപാടികളുമായി ഉപരാഷ്ട്രപതി വെങ്കയ്യ നായിഡു 21ന് കൊച്ചിയിലെത്തും. ഉപരാഷ്ട്രപതി പദമേറ്റെടുത്ത ശേഷം വെങ്കയ്യ നായിഡുവിന്റെ ആദ്യത്തെ കേരള സന്ദര്‍ശനമാണിത്. 21, 22 തീയതികളിലായി മൂന്ന് പരിപാടികളില്‍ വെങ്കയ്യ നായിഡു പങ്കെടുക്കും. ഇതിന് പുറമെ സംസ്ഥാന സര്‍ക്കാരിന്റെ ഔദ്യോഗിക സ്വീകരണത്തിനും യാത്രയയപ്പിനും കൊച്ചി വേദിയാകും. 

21ന് ഉച്ചയ്ക്ക് 12.05നാണ് ഉപരാഷ്ട്രപതി കൊച്ചിയിലെത്തുക. നാവിക വിമാനത്താവളത്തില്‍ സംസ്ഥാന സര്‍ക്കാര്‍ അദ്ദേഹത്തിന് ഔദ്യോഗിക സ്വീകരണം നല്‍കും. ഗാര്‍ഡ് ഓഫ് ഓണര്‍ നല്‍കിയാണ് സേനാംഗങ്ങള്‍ ഉപരാഷ്ട്രപതിയെ സ്വീകരിക്കുക. 

കൊച്ചി: ദേശീയ മാധ്യമ ദിനാചരണത്തോടനുബന്ധിച്ച് വിശ്വാസ്യതയും വിലക്കുകളും മാധ്യമസ്വാതന്ത്ര്യം ഇന്ന് എന്ന വിഷയത്തില്‍ ജില്ല ഇന്‍ഫര്‍മേഷന്‍ ഓഫീസും എസ്എച്ച് സ്‌കൂള്‍ ഓഫ് കമ്മ്യൂണിക്കേഷനും സംയുക്തമായി സംഘടിപ്പിക്കുന്ന സെമിനാര്‍ ഇന്ന് (നവംബര്‍ 16) രാവിലെ 10.30 ന് തേവര സേക്രഡ് ഹാര്‍ട്ട് കോളേജിലെ കമ്മ്യൂണിക്കേഷന്‍ വിഭാഗം മെയിന്‍ ഹാളില്‍ നടക്കും. പ്രശസ്ത പത്രപ്രവര്‍ത്തക ഷാനി പ്രഭാകര്‍ മുഖ്യപ്രഭാഷണം നടത്തും. ഡയറക്ടര്‍ ബാബു ജോസഫ്, ജില്ല ഇന്‍ഫര്‍മേഷന്‍ ഓഫീസര്‍ നിജാസ് ജ്യുവല്‍, വകുപ്പ് മേധാവി ആഷ ആച്ചി ജോസഫ്, ഫാക്കല്‍റ്റി റിമ മാത്യു തുടങ്ങിയവര്‍ പങ്കെടുക്കും.

തിരുവിതാംകൂര്‍ ദേവസ്വം ബോര്‍ഡില്‍ അടുത്ത രണ്ട് വര്‍ഷത്തേക്കുള്ള പുതിയ ഭരണ സമിതി ചുമതലയേറ്റു.  പുതിയ പ്രസിഡന്റായി എ. പത്മകുമാറും അംഗമായി കെ.പി. ശങ്കര ദാസുമാണ് ചുമതലയേറ്റത്.  ദേവസ്വം ബോര്‍ഡിന്റെ  ആസ്ഥാന ഓഫീസില്‍ നടന്ന ചടങ്ങില്‍ ബോര്‍ഡ് സെക്രട്ടറി എസ്. ജയശ്രീ സത്യപ്രതിജ്ഞാ വാചകം ചൊല്ലിക്കൊടുത്തു.  

പ്രവാസി മലയാളികളുടെ കുട്ടികളെ മലയാളം പഠിപ്പിക്കുന്നതിനും കേരള സംസ്‌കാരം പരിചയപ്പെടുത്തുന്നതിനും കേരള സര്‍ക്കാര്‍ ആവിഷ്‌കരിച്ച മലയാളം മിഷന്റെ ഓണ്‍ലൈന്‍ മാസികയായ പൂക്കാലം വെബ് മാസിക പരിഷ്‌കരിച്ച് പുറത്തിറക്കി.  പരിഷ്‌കരിച്ച പതിപ്പ് സാംസ്‌കാരിക മന്ത്രി എ.കെ. ബാലന്‍ പ്രകാശനം ചെയ്തു.  മലയാള ഭാഷയെ കൂടുതല്‍ അടുത്തറിയാനുതകുന്ന തരത്തിലാണ് പൂക്കാലം രൂപകല്പന ചെയ്തിരിക്കുന്നതെന്ന് അദ്ദേഹം പറഞ്ഞു.  മന്ത്രിയുടെ ചേംബറില്‍ നടന്ന ചടങ്ങില്‍ മലയാളം മിഷന്‍ ഡയറക്ടറും പൂക്കാലം വെബ്മാസികയുടെ ചീഫ് എഡിറ്ററുമായ പ്രൊഫ.

*കെഎസ്ഇബി മൊബൈല്‍ ആപ്പും ഇ-പേയ്‌മെന്റ് സംവിധാനവും മന്ത്രി ഉദ്ഘാടനം ചെയ്തു

    മികച്ച ഉപഭോക്തൃ സേവനം ഉറപ്പു വരുത്താന്‍ വൈദ്യുതി ബോര്‍ഡില്‍ നടപ്പാക്കുന്ന സാങ്കേതിക സംവിധാനങ്ങള്‍ ഉപഭോക്താക്കള്‍ പൂര്‍ണമായും ഉപയോഗപ്പെടുത്തണമെന്ന് വൈദ്യുതി മന്ത്രി എം.എം. മണി പറഞ്ഞു. വൈദ്യുതിബില്‍ തുക ഉപഭോക്താക്കളുടെ ബാങ്ക് അക്കൗണ്ടില്‍ നിന്ന് യഥാസമയം നേരിട്ടടയ്ക്കുന്നതിനുള്ള ഇ-പെയ്‌മെന്റ് പദ്ധതികള്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 

ഉള്ളൂര്‍ എസ്. പരമേശ്വരയ്യര്‍ കാലത്തെ അതിജീവിച്ച കവിയാണെന്ന് പൊതുമരാമത്ത് വകുപ്പ് മന്ത്രി ജി. സുധാകരന്‍ പറഞ്ഞു. കേരള ഭാഷാ ഇന്‍സ്റ്റിറ്റ്യൂട്ട് പുറത്തിറക്കിയ ഡോ. സി. ഉണ്ണികൃഷ്ണന്‍ രചിച്ച മഹാകവി ഉള്ളൂര്‍ പാര്‍ശ്വവത്കരിക്കപ്പെട്ട വ്യക്തിത്വം എന്ന പുസ്തകം പ്രകാശനം ചെയ്യുകയായിരുന്നു അദ്ദേഹം. ഉള്ളൂരിന്റെ പ്രേമസംഗീതം ഇന്നും ഏറെ പ്രസക്തമായ കവിതയാണ്. മഹാകവിയെ മനസിലാക്കാന്‍ പുതിയ തലമുറയ്ക്ക് താത്പര്യമുണ്ട്. ഉള്ളൂരിനെക്കുറിച്ച് പുനര്‍പഠനം നടത്തേണ്ട കാലമായി. ഉള്ളൂരിനെ പോലെ പാര്‍ശ്വവത്കരിക്കപ്പെട്ട നിരവധി കവികള്‍ കേരളത്തിലുണ്ടെന്ന് മന്ത്രി പറഞ്ഞു. 

ദേശീയ തിരഞ്ഞെടുപ്പ് കമ്മീഷന്റെ 2017ലെ ദേശീയ മാധ്യമ അവാര്‍ഡുകള്‍ക്ക് നവംബര്‍ 17 വരെ അപേക്ഷിക്കാം. മികച്ച വോട്ടര്‍ വിദ്യാഭ്യാസ, ബോധവത്കരണ പരിപാടികളാണ് പരിഗണിക്കുന്നത്.

അച്ചടി, ടെലിവിഷന്‍, റേഡിയോ, ഓണ്‍ലൈന്‍ (ഇന്റര്‍നെറ്റ്)/സോഷ്യല്‍ മീഡിയ എന്നീ നാലു വിഭാഗങ്ങളില്‍ അവാര്‍ഡുകളുണ്ട്. വിശദാംശങ്ങള്‍ eci.nic.in എന്ന വെബ്‌സൈറ്റില്‍ ലഭ്യമാണ്.

പി.എന്‍.എക്‌സ്.4869/17

* ഡിസ്‌പെന്‍സറുകളുടെ ഉദ്ഘാടനം ഇന്ന് (നവംബര്‍ 16) ജലവിഭവമന്ത്രി നിര്‍വഹിക്കും

കെ.എസ്.ആര്‍.ടി.സി യുടെ 93 ബസ് സ്റ്റേഷനുകളിലും ഒപ്പം ഷെല്‍ട്ടറുകളിലും ഹോര്‍ഡിംഗുകള്‍ സ്ഥാപിച്ച് digital / static പരസ്യങ്ങള്‍ മൂന്നു വര്‍ഷക്കാലത്തേക്ക് പ്രദര്‍ശിപ്പിക്കുന്നതിന് സ്ഥാപനങ്ങള്‍  വ്യക്തികള്‍ എന്നിവയില്‍ നിന്ന് ദര്‍ഘാസുകള്‍ ക്ഷണിച്ചു. നവംബര്‍ 23 വൈകുന്നേരം മുന്ന് മണിവരെ കെ.എസ്.ആര്‍.ടി.സിയുടെ ചീഫ് ഓഫീസില്‍ ദര്‍ഘാസുകള്‍ സ്വീകരിക്കും. നവംബര്‍ 25 ന് 11 മണിക്ക് ടെണ്ടര്‍ പരിശോധിച്ച് തുടര്‍ നടപടികള്‍ സ്വീകരിക്കും. കൂടുതല്‍ വിവരങ്ങള്‍ക്ക് www.keralartc.com.

പി.എന്‍.എക്‌സ്.4867/17