സാമൂഹ്യനീതി വകുപ്പും നാഷണല്‍ ഇന്‍സ്റ്റിറ്റ്യൂട്ട് ഓഫ് സ്പീച്ച് ആന്റ് ഹിയറിംഗും (നിഷ്) ചേര്‍ന്ന് വൈകല്യങ്ങളെക്കുറിച്ച് ഓണ്‍ലൈന്‍ ബോധവത്ക്കരണ സെമിനാര്‍ സംഘടിപ്പിക്കും. നവംബര്‍ 18ന് രാവിലെ 10.30 മുതല്‍ കലക്‌ട്രേറ്റിലെ ശിശുസംരക്ഷണ യൂണിറ്റിലാണ് തത്സമയ വീഡിയോ കോണ്‍ഫറന്‍സ്. പേശീ രോഗങ്ങളും പുനരധിവാസവും എന്ന വിഷയത്തിലാണ് സെമിനാര്‍.

ജില്ലാ ശിശുസംരക്ഷണ ഓഫീസിലും 0474-2791597 ഫോണിലും വിശദ വിവരങ്ങള്‍ അറിയാം.
 

(പി.ആര്‍.കെ.നമ്പര്‍  2541/17)

ഇന്ത്യന്‍ കൗണ്‍സില്‍ ഫോര്‍ ചൈല്‍ഡ് വെല്‍ഫെയറിന്റെ സംസ്ഥാനതല ബാലചിത്രരചനാ മത്സരം ജവഹര്‍ ബാലഭവനില്‍ നവംബര്‍ 19ന് നടക്കും. അഞ്ചു വയസു മുതല്‍ എട്ടു വയസുവരെ പച്ച, 9-12 വെള്ള, 13-16 നീല എന്നിങ്ങനെയാണ് ജനറല്‍ ഗ്രൂപ്പുകള്‍. ഭിന്നശേഷി വിഭാഗത്തില്‍ 5-10 വയസ്സ് മഞ്ഞ ഗ്രൂപ്പും സ്പാസ്റ്റിക് അഥവാ ഒന്നിലേറെ വൈകല്യമുള്ളവര്‍, ബുദ്ധിമാന്ദ്യമുള്ളവര്‍, കാഴ്ചശേഷി ഇല്ലാത്തവര്‍, സംസാരം/കേള്‍വി വൈകല്യമുള്ളവര്‍ എന്നിങ്ങനെ നാലു ഉപഗ്രൂപ്പുകളുമായാണ് മത്സരിക്കുക.

ജില്ലാതല സഹകരണ വാരാഘോഷത്തിന് തുടക്കമായി. ജില്ലാ സഹകരണബാങ്ക് ഓഡിറ്റോറിയത്തില്‍ തുറമുഖ മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം നിര്‍വ്വഹിച്ചു. സഹകരണ മേഖലയുടെ വിശ്വാസ്യതയാണ് ഇവിടേക്ക് കൂടുതലായി നിക്ഷേപങ്ങള്‍ വരാന്‍ കാരണമെന്ന് മന്ത്രി പറഞ്ഞു. സാമ്പത്തിക മാന്ദ്യം പ്രതിരോധിക്കാനായതിന്റെ കാരണവും ഇതു തന്നെ. സഹകരണ മേഖലയുടെ വളര്‍ച്ചയിലൂടെ മാത്രമേ സ്വകാര്യവത്കരണം ചെറുക്കാന്‍ കഴിയൂ- അദ്ദേഹം വ്യക്തമാക്കി.

     നിര്‍ഭയം മാധ്യമപ്രവര്‍ത്തനത്തിന് തയ്യാറാകുന്നവര്‍ വൈകിയാണെങ്കിലും  വിജയിക്കുന്ന അനുഭവങ്ങള്‍ ഏറെ പ്രതീക്ഷ നല്‍കുന്നതാണെന്ന് ഈ വിധത്തിലുളള മാധ്യമപ്രവര്‍ത്തനത്തിന്റെ ഭാവി ശുഭസൂചകമാണെന്നും പ്രൊഫ. എം എ റഹ്മാന്‍ പറഞ്ഞു. ദേശീയ മാധ്യമദിനത്തിത്തോട് അനുബന്ധിച്ച് ജില്ലാ ഇന്‍ഫര്‍മേഷന്‍ ഓഫീസ് കാസര്‍കോട് പ്രസ് ക്ലബിന്റെ സഹകരണത്തോടെ പ്രസ് ക്ലബ് ഹാളില്‍ നടത്തിയ നിര്‍ഭയ മാധ്യമപ്രവര്‍ത്തനത്തിന്റെ ഭാവി എന്ന സെമിനാറില്‍ വിഷയം അവതരിപ്പിക്കുകയായിരുന്നു അദ്ദേഹം.

പൊതുവിദ്യാഭ്യാസത്തിലൂടെ പഠനം നടത്തുന്നവര്ക്ക്  ജീവിതത്തില്‍ എ-പ്ലസ് നേടാന്‍ കഴിയുമെന്ന് വിദ്യാഭ്യാസമന്ത്രി സി. രവീന്ദ്രനാഥ്‌ പറഞ്ഞു. പുതുനഗരം സെന്ട്ര ല്‍ സ്കൂള്‍ കെട്ടിട ഉദ്ഘാടനം ചെയ്ത്  സംസാരിക്കുകയായിരുന്നു മന്ത്രി.  പൊതുവിദ്യാഭ്യാസ സ്ഥാപനങ്ങള്‍   പഠനവിഷയങ്ങള്ക്ക്  പുറമേ ജിവിതം കൂടി പഠിപ്പിക്കുന്നതിനാലാണ്  വിദ്യാര്ഥിനകള്‍ മികച്ച നേട്ടങ്ങള്‍ കൈവരിക്കുന്നത്. മികച്ചതും ഗുണമേന്മയുള്ളതുമായ ഹൈടെക് വിദ്യാഭ്യാസം ഉറപ്പുവരുത്തുകയാണ് സര്ക്കാ ര്‍ ലക്‌ഷ്യം. അടുത്ത അധ്യയനവര്ഷം് സംസ്ഥാനത്തെ മുഴുവന്‍ എല്‍.പി, യു.പി സ്കൂളുകളും ഹൈടെക് ആക്കും.

മീസില്‍സ് റൂബെല്ല പ്രതിരോധ കുത്തിവയ്പ് അവസാനിക്കുവാന്‍ ഒരു ദിവസം ബാക്കിനില്‍ക്കെ ജില്ലയില്‍ ബുധനാഴ്ച വരെ 75.5 ശതമാനം കുട്ടികള്‍ക്ക് കുത്തിവയ്‌പ്പെടുത്തു. പ്രതിരോധകുത്തിവയ്പ്പ് ഇനിയും എടുക്കാത്ത കുട്ടികള്‍ക്ക് അതിന്റെ ആവശ്യകത ബോധ്യപ്പെടുത്തുന്നതിനായി ജില്ലാ കളക്ടര്‍തന്നെ ക്യാമ്പ് നടക്കുന്ന സ്‌കൂളുകളിലെത്തി കുട്ടികളുമായി സംസാരിച്ചു. 

     സംസ്ഥാന മത്സ്യത്തൊഴിലാളി കടാശ്വാസ കമ്മീഷന്‍ കാസര്‍കോട്  ഗവ.ഗസ്റ്റ് ഹൗസില്‍ കമ്മീഷന്‍ ചെയര്‍മാന്‍  ജസ്റ്റിസ് പി. എസ്. ഗോപിനാഥന്റെ അദ്ധ്യക്ഷതയില്‍ നടത്തിയ സിറ്റിംഗില്‍ കമ്മീഷന്‍ മെമ്പര്‍ ക്രൂട്ടായി ബഷീര്‍ പങ്കെടുത്തു.  വിവിധ സഹകരണ ബാങ്കുകളുമായി ബന്ധപ്പെട്ട 49 കേസുകളും ദേശസാല്‍ക്യത ബാങ്കുമായി ബന്ധപ്പെട്ട 10 കേസുകളും ഉള്‍പ്പെടെ ആകെ 59 കേസുകള്‍ സിറ്റിംഗില്‍ പരിഗണിച്ചു.    കമ്മീഷന്‍ കടാശ്വാസം ശിപാര്‍ശ ചെയ്തിട്ടും സഹകരണ വകുപ്പ് ഓഡിറ്റ് വിഭാഗം കടാശ്വാസം നിഷേധിച്ച 1 കേസില്‍ കടാശ്വാസം ലഭ്യമാക്കാന്‍ തീരുമാനമായി. 

ജനങ്ങള്‍ ഇന്നും പൂര്‍ണ്ണമായി വിശ്വസിക്കുന്നത് മാധ്യമപ്രവര്‍ത്തകരെയാണെന്നും ആ വിശ്വാസ്യത നിലനിര്‍ത്തുവാന്‍ മാധ്യമങ്ങള്‍ക്ക് കഴിയണമെന്നും  ജില്ലാ പോലീസ് മേധാവി കെ.ജി സൈമണ്‍ പറഞ്ഞു. 
ദേശീയ മാധ്യമദിനത്തിത്തോട് അനുബന്ധിച്ച് ജില്ലാ ഇന്‍ഫര്‍മേഷന്‍ ഓഫീസ് കാസര്‍കോട് പ്രസ് ക്ലബിന്റെ സഹകരണത്തോടെ പ്രസ് ക്ലബില്‍ നടത്തിയ 'നിര്‍ഭയ മാധ്യമപ്രവര്‍ത്തനത്തിന്റെ ഭാവി' എന്ന സെമിനാര്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. 

ദേവസ്വം നിയമനങ്ങളില്‍ സംവരണം ലഭിച്ചിരുന്ന വിഭാഗങ്ങള്‍ക്ക് കൂടുതല്‍ സംവരണാനുകൂല്യം നല്‍കി കൊണ്ടാണ് മുന്നോക്ക സമുദായങ്ങളിലെ സാമ്പത്തികമായി പിന്നോക്കം നില്‍ക്കുന്നവര്‍ക്ക് 10 ശതമാനം സംവരണം ഏര്‍പ്പെടുത്താന്‍ സംസ്ഥാന സര്‍ക്കാര്‍ തയാറായതെന്ന് ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു. ശബരിമല സന്നിധാനത്ത് വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം.  ഈഴവ സമുദായത്തിന് 14 ശതമാനം സംവരണമാണ് ലഭിച്ചുകൊണ്ടിരുന്നത്. ഇത് 17 ശതമാനമായി വര്‍ധിപ്പിച്ചു. പട്ടികജാതി വിഭാഗത്തിന്  ലഭിച്ചിരുന്ന 10 ശതമാനം സംവരണം 12 ശതമാനമാക്കി വര്‍ധിപ്പിച്ചു.

സംസ്ഥാന സര്‍ക്കാര്‍ ദശലക്ഷക്കണക്കിനു വരുന്ന ഭക്തജനങ്ങള്‍ക്കൊപ്പമാണ് നിലകൊള്ളുന്നതെന്നും അല്ലാതെ അമ്പലം വിഴുങ്ങികളോടൊപ്പമല്ലെന്നും ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു. ശബരിമല സന്നിധാനത്ത് വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം.