ജില്ലാ ഭക്ഷ്യ സുരക്ഷാ അസിസ്റ്റന്റ് കമ്മീഷണറുടെ ഓഫീസിലേക്ക് കോണ്‍ട്രാക്ട് അടിസ്ഥാനത്തില്‍ വാഹനം  ആവശ്യമുണ്ട്.  വിശദ വിവരങ്ങള്‍ക്ക് ഓഫീസുമായി ബന്ധപ്പെടുക

സ്വകാര്യ മെഡിക്കല്‍ സ്ഥാപനങ്ങളെ കുറിച്ച് സര്‍വ്വെ നടത്തുന്നതിന്റെ ഭാഗമായി സാമ്പത്തിക സ്ഥിതി വിവര വകുപ്പിന്റെ ആഭിമുഖ്യത്തില്‍ ജീവനക്കാര്‍ക്ക് വേണ്ടി പരിശീലന പരിപാടി സംഘടിപ്പിച്ചു.  മലപ്പുറം ദാരിദ്ര്യ ലഘൂകരണ വിഭാഗം ഹാളില്‍ നടന്ന പരിപാടി ജില്ലാ കലക്ടര്‍ അമിത് മീണ ഉദ്ഘാടനം ചെയ്തു.  
ഡെപ്യൂട്ടി ഡയറക്ടര്‍ ഉസ്മാന്‍ ഷെരീഫ് കൂരി, സി.പി മോഹനന്‍, ജില്ലാ മെഡിക്കല്‍ ഓഫീസര്‍ ഡോ. സക്കീന, ഡോ. ആശ, എന്‍.വി മധുസൂദനന്‍ തുടങ്ങിയവര്‍ പങ്കെടുത്തു.  പി.എം. ഹസീബുള്ള, കെ. മുഹമ്മദ് ഷെരീഫ്, ഷമീര്‍ മോന്‍ സി, സെയ്തലവി.കെ.ടി എന്നിവര്‍ ക്ലാസെടുത്തു.

മഞ്ചേരി കെ.എസ്.ഇ.ബി ഇലക്ട്രിക്കല്‍ ഡിവിഷന്‍ ഓഫീസ് മുഖേന പെന്‍ഷന്‍ വാങ്ങുന്നവര്‍ ഡിസംബര്‍ 15നകം ലൈഫ് സര്‍ട്ടിഫിക്കറ്റ് ഹാജരാക്കണമെന്ന് എക്‌സിക്യൂട്ടീവ് എഞ്ചിനീയര്‍ അറിയിച്ചു.

പെരിന്തല്‍മണ്ണ, നിലമ്പൂര്‍, കൊണ്ടോട്ടി, മലപ്പുറം, പൊന്നാനി ബ്ലോക്കുകളില്‍ രാത്രികാല മൃഗചികിത്സ നടത്തുന്നതിന് വെറ്ററിനറി സയന്‍സില്‍ ബിരുദവും വെറ്ററിനറി കൗണ്‍സില്‍ രജിസ്‌ട്രേഷനുമുള്ള വെറ്ററിനറി ഡോക്ടര്‍മാരുടെയും കായികക്ഷമതയുള്ള അറ്റന്റന്റ്മാരുടെയും ഒഴിവിലേക്ക് അപേക്ഷ ക്ഷണിച്ചു.  താല്‍പര്യമുള്ളവര്‍ മലപ്പുറം സിവില്‍ സ്റ്റേഷനിലെ ജില്ലാ മൃഗസംരക്ഷണ ഓഫീസില്‍ നവംബര്‍ 17ന് രാവിലെ 10.30ന് രേഖകള്‍ സഹിതം കൂടിക്കാഴ്ചയ്ക്ക് എത്തണം.

അക്ഷയ പതിനഞ്ചാം വാര്‍ഷികത്തിന്റെ ഭാഗമായി ശിശുദിനത്തില്‍ (ഇന്ന്) 15 വയസ്സിന് താഴെയുള്ള കുട്ടികള്‍ക്ക് അക്ഷയ ആധാര്‍ എന്റോള്‍മെന്റ് സെന്ററുകളില്‍  ആധാര്‍ എടുക്കുന്നതിനും, എഡിറ്റിംഗിനും   മുന്‍ഗണന ലഭിക്കുമെന്ന് അക്ഷയ ജില്ലാ പ്രൊജക്ട് മാനേജര്‍ കിരണ്‍ എസ് മേനോന്‍ അറിയിച്ചു.

സാമൂഹ്യനീതി വകുപ്പിന്റെ ആഭിമുഖ്യത്തില്‍ ഇന്ന് (നവംബര്‍ 14)  ശിശുദിനം വിപുലമായ പരിപാടികളോടെ ആചരിക്കും.  രാവിലെ 10ന് കോട്ടക്കുന്ന് ഡി.ടി.പി.സി ഹാളില്‍ നടക്കുന്ന ദിനാചരണ പരിപാടി ജില്ലാ കളക്ടര്‍ അമിത് മീണ ഉദ്ഘാടനം ചെയ്യും.  അങ്കണവാടി കുട്ടികളുടെ കലാമത്സരങ്ങള്‍, ചില്‍ഡ്രന്‍സ് ഹോമിലെ കുട്ടികളുടെ കലാ പരിപാടികള്‍ എന്നിവ അരങ്ങേറും.  ജില്ലാ പഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍ സമ്മാന ദാനം നിര്‍വ്വഹിക്കും. കുട്ടികള്‍ക്കായി മെഡിക്കല്‍ ക്യാമ്പും സംഘടിപ്പിക്കും.

ഒന്നാം വര്‍ഷ ഹയര്‍ സെക്കണ്ടറി ഓപ്പണ്‍ സ്‌കൂള്‍ വിദ്യാര്‍ഥികള്‍ക്കുള്ള ഓറിയന്റേഷന്‍ ക്ളാസ് നവംബര്‍ 18ന് കുഴിമണ്ണ ഗവ ഹയര്‍ സെക്കണ്ടറി സ്‌കൂളില്‍ നടക്കുന്നു. സ്‌കൂളില്‍ രജിസ്റ്റര്‍ ചെയ്തിട്ടുള്ളവര്‍ രാവിലെ ഒമ്പതിന് സ്‌കൂളില്‍ എത്തണമെന്ന് പ്രിന്‍സിപ്പല്‍ അറിയിച്ചു.
കാവനൂര്‍ ഗവ:ഹയര്‍ സെക്കണ്ടറി സ്‌കൂള്‍ പരീക്ഷ കേന്ദ്രമായി റജിസ്റ്റര്‍ ചെയ്തിട്ടുള്ള പ്ലസ് വണ്‍ ഓപ്പണ്‍ സ്‌കൂള്‍   വിദ്യാര്‍ത്ഥികള്‍ക്കുള്ള   ഓറിയന്റേഷന്‍ ക്ലാസ്   നവംബര്‍ 18നു രാവിലെ  9.30  മുതല്‍  സ്‌കൂളില്‍ നടക്കും. വിദ്യാര്‍ത്ഥികള്‍ മെമ്മൊ കാര്‍ഡുകളുമായി കൃത്യ സമയത്തു എത്തണം

    മലമ്പുഴ മൃഗസംരക്ഷണ   പരിശീലന കേന്ദ്രത്തില്‍   നവംബര്‍ 17ന് കാട വളര്‍ ത്തലില്‍ സൗജന്യ പരിശീലനം സംഘടിപ്പിക്കുന്നു. പങ്കെടുക്കുവാന്‍ താല്‍പര്യമുളളവര്‍ നേരിട്ടോ  ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി   പേര്  രജിസ്റ്റര്‍   ചെയ്യണം. പേര് രജിസ്റ്റര്‍  ചെയ്തവര്‍ ആധാര്‍ നമ്പറുമായി  17ന്  തിയതി  രാവിലെ 10 മണിക്കു മുന്‍പായി മലമ്പുഴ മൃഗ സംരക്ഷണ പരിശീലന കേന്ദ്രത്തില്‍ എത്തിച്ചേരേണ്‍ണ്ടതാണ്. ഫോണ്‍   0491 - 2815454, 8281777080.

ചികിത്സാര്‍ത്ഥം സ്റ്റേറ്റ് പ്രയോറിറ്റി എന്ന് രേഖപ്പെടുത്തിയ റേഷന്‍ കാര്‍ഡ് ഉള്ളവര്‍ക്ക് മറ്റു രേഖകള്‍ ഇല്ലാതെ  സമഗ്ര ആരോഗ്യ ഇന്‍ഷുറന്‍സ് പദ്ധതിയില്‍ ചേരുന്നതിനായി അക്ഷയ കേന്ദ്രങ്ങള്‍ വഴി അപേക്ഷിക്കാം. അവസാന തീയതി നവംബര്‍ 15.