എല്‍.ഐ.സി.ഓഫ് ഇന്ത്യ സര്‍ക്കാര്‍ സഹകരണത്തോടെ കയര്‍ തൊഴിലാളി ക്ഷേമനിധി അംഗങ്ങള്‍ക്കായി നടപ്പിലാക്കിയിട്ടുള്ള ആം ആദ്മി ബീമായോജന ഇന്‍ഷുറന്‍സ് പദ്ധതിയില്‍ അംഗങ്ങളായിട്ടുള്ള തൊഴിലാളികള്‍ സ്വന്തം ആധാറും, ബാങ്ക് അക്കൗണ്ടും, പോളിസിയുമായി ബന്ധപ്പിക്കേണ്ടതാണ്.

കയര്‍ തൊഴിലാളി ക്ഷേമനിധി ബോര്‍ഡുവഴി ആബി ഇന്‍ഷുറന്‍സ് അംഗങ്ങളായവര്‍, ഇന്‍ഷുറന്‍സ് അംഗത്വകാര്‍ഡും, ബാങ്ക്പാസ്സ്ബുക്കും, ആധാറും, അക്ഷയ/ കുടുബശ്രീ/ജനസേവനകേന്ദ്രങ്ങള്‍വഴി 5 രൂപ സര്‍വ്വീസ് ചാര്‍ജ്ജ് നല്‍കി  ബന്ധിപ്പിക്കണമെന്ന് ക്ഷേമനിധി ഓഫീസര്‍ അറിയിച്ചു.
 

കുടുംബശ്രീയും ഹെല്‍ത്ത് ആക്ഷന്‍ ബൈ പീപ്പിള്‍ (ഹാപ്പ്) ഉം നടത്തുന്ന സാന്ത്വനം പദ്ധതിയുടെ കിറ്റ് വിതരണ സംസ്ഥാനതല ഉദ്ഘാടനം തൃശൂര്‍ ജില്ലാ പഞ്ചായത്ത് പ്രസിഡണ്ട് ഷീല വിജയകുമാര്‍ നിര്‍വഹിച്ചു. കുടുംബശ്രീ ജില്ലാ മിഷന്‍ കോ-ഓഡിനേറ്റര്‍ കെ.വി.ജ്യോതിഷ് കുമാര്‍ അദ്ധ്യക്ഷത വഹിച്ചു.

ഹാപ്പ് ഡയറക്ടര്‍ ഡോ.വിജയ്കുമാര്‍ പദ്ധതി വിശദീകരിച്ചു. കുടുംബശ്രീ അസിസ്റ്റന്റ് കോ-ഓര്‍ഡിനേറ്റര്‍ കെ.രാധകൃഷ്ണന്‍ സ്വാഗതവും ജില്ലാ പ്രോഗ്രാം മാനേജര്‍ ആദര്‍ശ് പി ദയാല്‍ നന്ദിയും പറഞ്ഞു.
 
 

തൃശൂര്‍ പ്രസ് ക്ലബ് ഹാള്‍ : ദേശീയ മാധ്യമദിനം-മാധ്യമങ്ങളും ഭരണനിര്‍വ്വഹണവും സെമിനാര്‍, ഉദ്ഘാടനം : മേയര്‍ അജിത ജയരാജന്‍, രാവിലെ 11 മണി.

സി-ഡിറ്റ് നടത്തുന്ന മാറ്റ്‌ലാബ് പരിശീലനത്തിന് അപേക്ഷ ക്ഷണിച്ചു. 20 നും 26 നും മദ്ധ്യേ പ്രായമുളള പട്ടികജാതി വിഭാഗത്തില്‍പ്പെട്ടവര്‍ക്ക് അപേക്ഷിക്കാം. നാലു മാസത്തെ പരിശീലനത്തിന് ഇലക്‌ട്രോണിക്‌സ്, ഇലക്ട്രിക്കല്‍, കമ്പ്യൂട്ടര്‍ സയന്‍സ്, ഐ.ടി, അപ്ലൈഡ് ഇലക്‌ട്രോണിക്‌സ് എന്നിവയില്‍ എഞ്ചിനീയറിംഗ് ബിരുദം / എം.സി.എ പാസ്സായവര്‍/ കോഴ്‌സ് പൂര്‍ത്തീകരിച്ചവര്‍ക്കും  ബി.എസ്.സി (കമ്പ്യൂട്ടര്‍ സയന്‍സ്/ഇലക്‌ട്രേണിക്‌സ്) പാസ്സായവര്‍ക്കും അപേക്ഷിക്കാം.

സംസ്ഥാന പട്ടികജാതി പട്ടികവര്‍ഗ്ഗ വികസന കോര്‍പ്പറേഷന്‍ ദേശീയ പട്ടികവര്‍ഗ്ഗ ധനകാര്യ വികസന കോര്‍പ്പറേഷന്റെ സഹായത്തോടെ നടപ്പാക്കുന്ന വിവിധ വായ്പ പദ്ധതികള്‍ക്ക് പട്ടികവര്‍ഗ്ഗ വിഭാഗത്തില്‍പ്പെട്ട യുവതീയുവാക്കളില്‍ നിന്ന് അപേക്ഷ ക്ഷണിച്ചു. ഡീസല്‍ ഓട്ടോറിക്ഷാ വായ്പ പദ്ധതി, ആദിവാസി മഹിള സശാക്തീകരണ്‍ യോജന, പട്ടികവര്‍ഗ്ഗ സംരംഭകര്‍ക്കുളള വായ്പാ പദ്ധതി എന്നിവയ്ക്ക് അപേക്ഷിക്കാം.

ജില്ലാതല പോലീസ് കംപ്ലയിന്റ് അതോറിറ്റി യോഗം 30 ന് നവംബര്‍ 30 രാവിലെ 11 ന് കളക്ടറേറ്റില്‍ നടക്കും.
 

ജില്ലാ ആസൂത്രണസമിതി യോഗം നവംബര്‍ 20 വൈകീട്ട് 3 ന് ആസൂത്രണഭവന്‍ കോണ്‍ഫറന്‍സ് ഹാളില്‍ നടക്കും.
 

സംസ്ഥാന  സ്‌കൂള്‍ കലോത്സവത്തിന്റെ സംഘാടക സമിതി യോഗം നവംബര്‍ 17 രാവിലെ 9.30 ന് തൃശൂര്‍ ടൗണ്‍ ഹാളില്‍ നടക്കും. 58-ാമത് സ്‌കൂള്‍ കലോത്സവത്തിന്റെ സംഘാടക സമിതി യോഗം വിദ്യാഭ്യാസ വകുപ്പ് മന്ത്രി പ്രൊഫ.സി.രവീന്ദ്രനാഥ് ഉദ്ഘാടനം ചെയ്യും. വ്യവസായ വകുപ്പ് മന്ത്രി എ.സി.മൊയ്തീന്‍ അദ്ധ്യക്ഷത വഹിക്കും.

ഏഷ്യയിലെ ഏറ്റവും വലിയ കലാമേളയ്ക്ക് ഈ വര്‍ഷം ആതിഥ്യമരുളുന്നത് സാംസ്‌കാരിക നഗരിയായ തൃശൂരാണ്. ജനപ്രതിനിധികള്‍, കലാ-സാംസ്‌കാരിക-സാഹിത്യനായകന്‍മാര്‍, പൗരപ്രമുഖര്‍, സന്നദ്ധപ്രവര്‍ത്തകര്‍, വിവിധ വകുപ്പുമേധാവികള്‍ തുടങ്ങിയവര്‍ പങ്കെടുക്കും.
 

മാറുന്ന കാലഘട്ടത്തിന്റെ മാറ്റങ്ങള്‍ അറിയാന്‍ ദേശീയ മാധ്യമദിനമായ ഇന്ന് (നവംബര്‍ 16) ജില്ലാ ഇന്‍ഫര്‍മേഷന്‍ ഓഫീസ്, തൃശൂര്‍ പ്രസ് ക്ലബ് എന്നിവയുടെ സംയുക്താഭിമുഖ്യത്തില്‍ പ്രസ് ക്ലബ് ഹാളില്‍ രാവിലെ 11 ന് മാധ്യമങ്ങളും ഭരണനിര്‍വ്വഹണവും എന്ന വിഷയത്തില്‍ സെമിനാര്‍ നടക്കും. ഉദ്ഘാടനം കോര്‍പ്പറേഷന്‍ മേയര്‍ അജിത ജയരാജന്‍  നിര്‍വഹിക്കും.

ജില്ലയില്‍ തീര്‍ഥാടന കാലത്ത് ബാലവേല, ബാലഭിക്ഷാടനം, ബാലചൂഷണം എന്നിവ തടയുന്നതിനായി സാമൂഹ്യനീതി വകുപ്പ്- ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്‍റെ ആഭിമുഖ്യത്തില്‍ ജില്ലാഭരണകൂടത്തിന്‍റെ സഹകരണത്തോടെ നടപ്പിലാക്കുന്ന ഓപ്പറേഷന്‍ ശരണബാല്യം പദ്ധതിയുടെ ഉദ്ഘാടനം  ഇന്ന് (16ന്)  വൈകിട്ട് 4ന്  ആരോഗ്യ- സാമൂഹ്യനീതി വകുപ്പ് മന്ത്രി ശ്രീമതി കെ.കെ. ശൈലജ ടീച്ചര്‍ പമ്പയില്‍ നിര്‍വഹിക്കും.