അഖിലേന്ത്യാ ട്രേഡ് ടെസ്റ്റ് (2018 ജനുവരി) പ്രാക്ടിക്കല്‍ പരീക്ഷയ്ക്ക് എക്‌സ്റ്റേണല്‍ എക്‌സാമിനര്‍ ആയി നിയമനം ലഭിക്കുന്നതിന് സര്‍ക്കാര്‍/അര്‍ദ്ധസര്‍ക്കാര്‍/പൊതുമേഖലാ സ്ഥാപനങ്ങളിലെ നിലവില്‍ ഉളളതും വിരമിച്ചവരുമായ ഉദ്യോഗസ്ഥരില്‍ നിന്നും അപേക്ഷകള്‍ ക്ഷണിച്ചു.  യോഗ്യത:  ബന്ധപ്പെട്ട എന്‍ജിനീയറിംഗ് മേഖലയില്‍ ഡിഗ്രി/ഡിപ്ലോമ.  രണ്ട്/ മൂന്ന് വര്‍ഷത്തെ പ്രവൃത്തി പരിചയം.  ഇവരുടെ അഭാവത്തില്‍ സി.റ്റി.ഐ.ട്രെയിനിംഗ് പാസായിട്ടുളളവര്‍.

ഗുരുതരമായ ഭിന്നശേഷിയുള്ള വീല്‍ ചെയര്‍ റൈഡര്‍മാരുടെ അവകാശങ്ങള്‍ സംരക്ഷിക്കുമെന്ന് മന്ത്രി കെ.ടി. ജലീല്‍ പറഞ്ഞു. ഗുരുതരമായ ഭിന്നശേഷിയുള്ളവര്‍ക്ക് സൗകര്യങ്ങള്‍ ഒരുക്കുന്നതുമായി ബന്ധപ്പെട്ട വിവിധ ആവശ്യങ്ങളുന്നയിച്ചുകൊണ്ടുള്ള നിവേദനം ഓള്‍ കേരള വീല്‍ ചെയര്‍ റൈഡേഴ്‌സ് അസോസിയേഷന്‍ പ്രതിനിധികളുടെ നിവേദനം സ്വീകരിച്ച് സംസാരിക്കുകയായിരുന്നു മന്ത്രി. മന്ത്രിയെ സന്ദര്‍ശിക്കാനെത്തിയ അസോസിയേഷന്‍ ഭാരവാഹികള്‍ക്ക് സൗകര്യപ്രദമായ വിധത്തില്‍ മന്ത്രിയുടെ ഓഫീസിരിക്കുന്ന സെക്രട്ടേറിയറ്റ് അനക്‌സിന്റെ മുന്നില്‍ മന്ത്രി നേരിട്ടെത്തി നിവേദനം സ്വീകരിക്കുകയായിരുന്നു.

നഴ്‌സറി സ്‌കൂളുകളിലും പാര്‍ക്കുകളിലുമുള്ളതിന് സമാനമായ അന്തരീക്ഷവുമായാണ് ശിശുസൗഹൃദ പോലീസ് സ്‌റ്റേഷനുകള്‍ കുരുന്നുകളെ വരവേല്‍ക്കുന്നത്. മായാവിയും ഛോട്ടാ ഭീമും ഡോറയും മിക്കി മൗസും ഉള്‍പ്പെടെ പ്രിയ കാര്‍ട്ടൂണ്‍ കൂട്ടുകാരുടെ ചിത്രങ്ങളും കളിക്കോപ്പുകളുമാണ് പുതിയ ശിശു സൗഹൃദ സ്‌റ്റേഷനുകളില്‍ സജ്ജീകരിച്ചിരിക്കുന്നത്.

* ശിശു സൗഹൃദ പോലീസ് സ്‌റ്റേഷനുകള്‍ക്ക് തുടക്കമായി

പോലീസിന്റെ മുഖത്തിന് വലിയൊരു മാറ്റമുണ്ടാകുന്നതിന്റെ ഭാഗമാണ് ശിശുസൗഹൃദ പോലീസ് സ്‌റ്റേഷനെന്ന് മുഖ്യമന്ത്രി പിണറായി വിജയന്‍ അഭിപ്രായപ്പെട്ടു. രാജ്യത്തിന് മാതൃകയായി ശിശുസൗഹൃദ പോലീസ് സ്റ്റേഷനുകള്‍ക്ക് തുടക്കമായതിന്റെ സംസ്ഥാനതല ഉദ്ഘാടനം തിരുവനന്തപുരം ഫോര്‍ട്ട് പോലീസ് സ്റ്റേഷനില്‍  സംസാരിക്കുകയായിരുന്നു അദ്ദേഹം.

കുട്ടികളുടെ ഭാവി നശിപ്പിക്കുന്ന വിധത്തില്‍ ചില സാമൂഹ്യവിരുദ്ധ ശക്തികള്‍ ഇടപെടുന്നതായും മയക്കുമരുന്ന് ലോബി കുട്ടികളെ കാരിയര്‍മാരായി ഉപയോഗിക്കുന്ന നിലയുണ്ടെന്നും മുഖ്യമന്ത്രി പിണറായി വിജയന്‍ പറഞ്ഞു. സംസ്ഥാന ശിശുക്ഷേമ സമിതിയുടെ ആഭിമുഖ്യത്തില്‍ എസ്. എം. വി ഹയര്‍സെക്കന്‍ഡറി സ്‌കൂളില്‍ സംഘടിപ്പിച്ച ശിശുദിനാഘോഷ ചടങ്ങില്‍ ശിശുദിന സന്ദേശം നല്‍കുകയായിരുന്നു അദ്ദേഹം. 

പരീക്ഷാഭവന്‍ നവംബര്‍ 20 മുതല്‍ 25 വരെ നടത്തുന്ന ട്രെയിന്‍ഡ് ടീച്ചേഴ്‌സ് സര്‍ട്ടിഫിക്കറ്റ് (റ്റി.റ്റി.സി) പ്രൈവറ്റ് പരീക്ഷയുടെ ഹാള്‍ ടിക്കറ്റ്, ടൈംടേബിള്‍, ക്യാന്‍ഡിഡേറ്റ് ലിസ്റ്റ് എന്നിവ www.keralapreekshbhavan.in ല്‍ ലഭ്യമാണ്.  പരീക്ഷാര്‍ത്ഥികള്‍ പരീക്ഷാകേന്ദ്രങ്ങളിലെ ചീഫ് സൂപ്രണ്ടില്‍ നിന്നും ഹാള്‍ടിക്കറ്റ് വാങ്ങണം.

പി.എന്‍.എക്‌സ്.4845/17

നവംബര്‍ 20 ന് ആരംഭിക്കുന്ന ഡി.എഡ് ഒന്ന്, മൂന്ന് സെമസ്റ്റര്‍ പരീക്ഷകളുടെ ഹാള ടിക്കറ്റ്: www.keralapareekshabhavan.in ല്‍ പ്രസിദ്ധീകരിച്ചു.  പ്രിന്‍സിപ്പാല്‍മാര്‍ ഡി.എഡ് ലോഗിന്‍ ഉപയോഗിച്ച് പ്രിന്റ് എടുത്ത് വിതരണം ചെയ്യണം.

പി.എന്‍.എക്‌സ്.4844/17

കേരള നിയമസഭയുടെ വജ്രജൂബിലി അഘോഷങ്ങളോടനുബന്ധിച്ച് പ്രസിദ്ധീകരിച്ച 'കേരള നിയമസഭ - നിയമനിര്‍മ്മാണത്തിന്റെ ആറ് പതിറ്റാണ്ടുകള്‍ 1957-2017' എന്ന ഗ്രന്ഥം 950 രൂപ നിരക്കില്‍ നിയമസഭാ മ്യൂസിയത്തിലെ സെയില്‍സ് വിഭാഗത്തില്‍ ലഭ്യമാണ്.  വജ്രജൂബിലി ആഘോഷത്തിന്റെ ഭാഗമായി 2018 ഏപ്രില്‍ 27 വരെയുള്ള വില്‍പ്പനയ്ക്ക് 20 ശതമാനം റിബേറ്റ് അനുവദിക്കുമെന്ന് നിയമസഭാ സെക്രട്ടറി അറിയിച്ചു.

പി.എന്‍.എക്‌സ്.4843/17

തിരുവനന്തപുരം ഗവ: ആയുര്‍വേദ കോളേജ് ശാലാക്യതന്ത്ര വകുപ്പില്‍ റിസര്‍ച്ച് ഫെല്ലോമാരെ നിയമിക്കുന്നതിന് നാളെ (നവംബര്‍ 16) രാവിലെ 11ന് വാക്ക് ഇന്‍ ഇന്റര്‍വ്യൂ നടത്തും.  ശാലാക്യതന്ത്ര ബിരുദാനന്തര ബിരുദമുളള ഉദ്യോഗാര്‍ത്ഥികള്‍ ബയോഡേറ്റയും ബന്ധപ്പെട്ട സര്‍ട്ടിഫിക്കറ്റുകളുടെ അസലും ഓരോ പകര്‍പ്പും സഹിതം അന്നേ ദിവസം രാവിലെ 10ന് തിരുവനന്തപുരം ഗവ: ആയുര്‍വേദ കോളേജ് പ്രിന്‍സിപ്പാളിന്റെ ഓഫീസില്‍ എത്തണം.

പി.എന്‍.എക്‌സ്.4842/17

കേരള ശാസ്ത്ര സാങ്കേതിക പരിസ്ഥിതി കൗണ്‍സില്‍ തലശ്ശേരി ഗവണ്‍മെന്റ് ബ്രണ്ണന്‍ കോളേജില്‍ നടത്തുന്ന 30 -ാമത് കേരള ശാസ്ത്ര കോണ്‍ഗ്രസിലേക്കുള്ള രജിസ്‌ട്രേഷനും പ്രബന്ധങ്ങളും സ്വീകരിക്കുന്ന  തീയതി നവംബര്‍ 22 വരെ നീട്ടി.  വിശദ വിവരങ്ങള്‍ www.ksc.kerala.gov.in ല്‍ ലഭ്യമാണ്.

പി.എന്‍.എക്‌സ്.4841/17