ജില്ലയിലെ പട്ടികവര്‍ഗ വിഭാഗത്തില്‍പ്പെട്ടവര്‍ക്ക് സ്വയം തൊഴില്‍, ഓട്ടോറിക്ഷ വായ്പകള്‍ക്ക് അപേക്ഷിക്കാം. ഉദ്യോഗസ്ഥ ജാമ്യവ്യവസ്ഥയിലാണ് വായ്പ നല്‍കുന്നത്. കുടുംബ വാര്‍ഷിക വരുമാനം ഗ്രാമപ്രദേശങ്ങളിലുള്ളവര്‍ക്ക് 98000 രൂപയിലും നഗരപ്രദേശങ്ങളിലുള്ളവര്‍ക്ക് 120000 രൂപയിലും കവിയാന്‍ പാടില്ല. പ്രായം 18നും 50നും മധ്യേ. അപേക്ഷാ ഫോമിനും കൂടുതല്‍ വിവരത്തിനും പന്തളം പോസ്റ്റാഫീസിന് സമീപം പ്രവര്‍ത്തിക്കുന്ന കോര്‍പ്പറേഷന്‍റെ ജില്ലാ ഓഫീസുമായി ബന്ധപ്പെടണം. ഫോണ്‍: 04734 253381.                                                                (പിഎന്‍പി 3308/17)

    ജില്ലാ ലീഗല്‍ സര്‍വീസസ് അതോറിറ്റിയിലേക്കും താലൂക്ക് ലീഗല്‍ സര്‍വീസസ് കമ്മിറ്റികളിലേക്കും നിയമസേവന പ്രവര്‍ത്തനങ്ങളെ സഹായിക്കുന്നതിന് പാരാ ലീഗല്‍ വോളണ്ടിയര്‍മാരെ തെരഞ്ഞെടുക്കുന്നു. ഒരു വര്‍ഷത്തേക്കാണ് നിയമനം. സന്നദ്ധ സേവനത്തിന് താത്പര്യമുള്ളവരായിരിക്കണം അപേക്ഷകര്‍. ലീഗല്‍ സര്‍വീസസ് അതോറിറ്റി നിശ്ചയിക്കുന്ന ഹോണറേറിയം ലഭിക്കും. പ്രായപരിധി 70 വയസ്. മെട്രിക്കുലേഷന്‍ അഭിലഷണീയമാണ്. നിയമം, സോഷ്യല്‍ വര്‍ക്ക് എന്നിവ പഠിക്കുന്ന വിദ്യാര്‍ഥികള്‍, അധ്യാപകര്‍, ഡോക്ടര്‍മാര്‍, മുതിര്‍ന്ന പൗരډാര്‍, സര്‍വീസില്‍ നിന്നും വിരമിച്ചവര്‍ തുടങ്ങിയവര്‍ക്കും അപേക്ഷിക്കാം. 

പമ്പയില്‍ ദേവസ്വം ബോര്‍ഡ്  പണി കഴിപ്പിച്ച പുതിയ കോണ്‍ഫറന്‍സ് ഹാളിന്‍റെ ഉദ്ഘാടനം മന്ത്രി കടകംപള്ളി സുരേന്ദ്രന്‍ നിര്‍വഹിച്ചു. ശ്രീരാമ സാകേതം എന്ന പേരിലുള്ള 2700 ച.അടി വിസ്തീര്‍ണമുള്ള കോണ്‍ഫറന്‍സ് ഹാളില്‍ ഒരു സമയം 250 പേര്‍ക്ക് ഇരിക്കുവാന്‍ കഴിയും. പൂര്‍ണമായും എയര്‍കണ്ടീഷന്‍ ചെയ്തിട്ടുള്ള ഓഡിറ്റോറിയത്തില്‍ ദേവസ്വം ബോര്‍ഡുമായി ബന്ധപ്പെട്ട എല്ലാ യോഗങ്ങളും നടത്തുന്നതിന് കഴിയും. പമ്പാ രാമമൂര്‍ ത്തി മണ്ഡപത്തിന് സമീപമാണ് പുതിയ കോണ്‍ഫറന്‍സ് ഹാള്‍ സജ്ജീകരിച്ചിട്ടുള്ളത്.

ജില്ലയിലെ വിവിധ സ്ഥലങ്ങളില്‍ ഡെങ്കിപ്പനി കേസുകള്‍ റിപ്പോര്‍ട്ട് ചെയ്തതിനാല്‍ രോഗ പ്രതിരോധ പ്രവര്‍ത്തനങ്ങള്‍ ശക്തമാക്കി. ഈഡിസ് വിഭാഗത്തില്‍പെട്ട കൊതുകുകളാണ് ഡെങ്കിപ്പനി പരത്തുന്നത് . ഒരിക്കല്‍ ഡെങ്കിപ്പനി വന്നവര്‍ക്ക് വീണ്ടും രോഗം വന്നാല്‍ മാരകമായേക്കാം. പൊതുജനങ്ങള്‍ താഴെ പറയുന്ന പ്രതിരോധ പ്രവര്‍ത്തനങ്ങള്‍ നടത്തി ഡെങ്കിപ്പനി വരാതിരിക്കാന്‍ ശ്രദ്ധിക്കണമെന്ന് ജില്ലാ മെഡിക്കല്‍ ഓഫീസര്‍ (ആരോഗ്യം) അറിയിച്ചു.

  തൃക്കരിപ്പൂര്‍ ഗ്രാമപഞ്ചായത്തിന്റെ പദ്ധതിയില്‍ ഉള്‍പ്പെടുത്തി ലോകബാങ്കിന്റെ ധനസഹായത്തോടെ 13.2 ലക്ഷം രൂപ ചെലവഴിച്ച് തൃക്കരിപ്പൂര്‍ ഗ്രാമപഞ്ചായത്ത് നിര്‍മ്മി ച്ച സൗരോര്‍ജ്ജ പാനലിന്റെ ഉദ്ഘാടനം  ജില്ലാ കലക്ടര്‍  ജീവന്‍ബാബു. കെ നിര്‍വ്വഹിച്ചു. തൃക്കരിപ്പൂര്‍ പഞ്ചായത്ത് ഏറ്റെടുത്ത ഈ പദ്ധതി ഏറെ ശ്ലാഘനീയമാണെന്നും വൈദ്യുതി ക്ഷാമം മൂലം പൊറുതി മുട്ടുമ്പോള്‍ സ്വന്തം സ്ഥാപനത്തിന് വേണ്ട വൈദ്യുതി ഉല്പാദനിപ്പിക്കുന്നതിനോടൊപ്പം മിച്ചം വരുന്ന വൈദ്യുതി കെ എസ് ഇ ബി ക്ക് കൈമാറുന്നത് പഞ്ചായത്തിന്റെ വരുമാനം വര്‍ധിപ്പിക്കുന്നതാണെന്ന് കളക്ടര്‍ അഭിപ്രയപ്പെട്ടു.

   കാസര്‍കോട് ജില്ലയിലെ  ബേഡഡുക്കയില്‍ ആടു ഫാം  ആരംഭിക്കുമെന്നും ഈ സാമ്പത്തികവര്‍ഷം അവസാനത്തോടെ ഇതിന് തറക്കല്ലിടുമെന്നും ക്ഷീരവികസന മൃഗസംരക്ഷണ വകുപ്പ് മന്ത്രി അഡ്വ.കെ.രാജു പറഞ്ഞു. ഇതിനായി 22 ഏക്കര്‍ സ്ഥലം ലഭ്യമാക്കിയിട്ടുണ്ട്. തൃക്കരിപ്പൂര്‍ ഗ്രാമ പഞ്ചായത്തില്‍ മൃഗാശുപത്രി കെട്ടിടോദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി.      ജില്ലയിലെ എല്ലാ മൃഗാശുപത്രികളിലും ഡോക്ടര്‍മാരുടെ സേവനം  ഉറപ്പു വരുത്തും.വെറ്ററിനറി ഡോക്ടര്‍മാരുടെ ഒഴിവുള്ള തസ്തികകളില്‍ 10 ദിവസത്തിനകം നിയമനം നടത്താന്‍  വകുപ്പ് ഡയറക്ടര്‍ക്ക്  നിര്‍ദേശം നല്കി.

   മൃഗസംരക്ഷണ വകുപ്പിന്റെ തൃക്കരിപ്പൂര്‍ ഗ്രാമപഞ്ചായത്ത് മൃഗാശുപത്രി കെട്ടിടോദ്ഘാടനം വനം വന്യജീവി ,മൃഗസംരക്ഷണ വകുപ്പ് മന്ത്രി അഡ്വ.കെ.രാജു നിര്‍വഹിച്ചു. ക്ഷീര കര്‍ഷകര്‍ക്കുള്ള ആനുകൂല്യ വിതരണവും മന്ത്രി നിര്‍വഹിച്ചു. കന്നുകാലി പ്രദര്‍ശനത്തില്‍ പങ്കെടുത്ത മികച്ച കന്നുകുട്ടികള്‍ക്ക് മന്ത്രി മാല അണിയിച്ച് ആദരിച്ചു.

   ജില്ലയില്‍ പത്ത് ദിവസത്തിനകം മുഴുവന്‍ മൃഗാശുപത്രികളിലും ഡോക്ടര്‍മാരെ നിയമിക്കുമെന്ന് ക്ഷീര വികസനം മൃഗസംരക്ഷണ വകുപ്പ് മന്ത്രി അഡ്വ.കെ.രാജു പറഞ്ഞു. അടുത്ത വര്‍ഷം സംസ്ഥാനത്തെ മുഴുവന്‍ ബ്ലോക്കുകളിലും ഒരു മൃഗാശുപത്രിയില്‍ ഒരു ഡോക്ടറുടെ സേവനം രാത്രികാല സേവനം ഉറപ്പു വരുത്തുമെന്നും മന്ത്രി പറഞ്ഞു. ക്ഷീര കര്‍ഷകരുടെ പെന്‍ഷന്‍ 500 ല്‍ നിന്ന് 1100 ആയി വര്‍ധിപ്പിച്ചതും ക്ഷീരമേഖലയില്‍ കര്‍ഷകര്‍ക്ക് ആത്മവിശ്വാസത്തോടെ ഉറച്ച് നില്‍ക്കുന്നതിനാണെന്ന് മന്ത്രി പറഞ്ഞു