ജില്ലയില്‍ ലോക്‌സഭാ തെരഞ്ഞെടുപ്പുമായി ബന്ധപ്പെട്ട് മാലിന്യ സംസ്‌കരണം ശാസ്ത്രീയമാക്കും. ലോക്സഭാ തെരഞ്ഞെടുപ്പുമായി ബന്ധപ്പെട്ട് കളക്ടറേറ്റില്‍ ചേര്‍ന്ന യോഗത്തിലാണ് തീരുമാനം. പോളിങ് ബൂത്തുകള്‍, വിതരണ സ്വീകരണ കേന്ദ്രങ്ങള്‍, എന്നിവിടങ്ങളില്‍ പരമാവധി മാലിന്യം കുറച്ചും ഹരിത ചട്ടം പാലിച്ചുമായിരിക്കും പരിപാടികള്‍ നടത്തുക. ബൂത്തുകള്‍ അടക്കമുള്ള എല്ലാ കേന്ദ്രങ്ങളിലും തരം തിരിച്ച് മാലിന്യം ഇടാനുള്ള ബിന്നുകള്‍, സൂചനാ ബോര്‍ഡുകള്‍ എന്നിവ ഒരുക്കുന്നതിനും ഹരിത കര്‍മ്മ സേനയെ നിയോഗിക്കുന്നതിനും യോഗത്തില്‍ നിര്‍ദ്ദേശം നല്‍കി.

ആലപ്പുഴ: ലോക്‌സഭാ തെരഞ്ഞെടുപ്പുമായി ബന്ധപ്പെട്ട് ആലപ്പുഴ, മാവേലിക്കര പാര്‍ലമെന്റ് മണ്ഡലത്തില്‍ സി- വിജില്‍ ആപ്പ് വഴി ഇന്നലെ (22) വരെ ലഭിച്ചത് 8931 പരാതികളാണ്. ഇതില്‍ 8662 പരാതികളും തീർപ്പാക്കി. വിവിധ കാരണങ്ങളെ തുടർന്ന് 239 പരാതികൾ ഒഴിവാക്കി. 30 പരാതികൾ പരിശോധനയിലാണ്. 7960 പരാതികള്‍ തീര്‍പ്പാക്കിയത് 100 മിനിറ്റിനുള്ളിലാണ്. സ്ഥാനാര്‍ത്ഥികളുടെ ചുവരെഴുത്തുകളും പോസ്റ്ററുകളും അനധികൃതമായി പതിപ്പിച്ചിട്ടുണ്ടെങ്കില്‍ ജനങ്ങള്‍ക്ക് സി-വിജില്‍ ആപ്പ് വഴി പരാതി രേഖപ്പെടുത്താം.

ആലപ്പുഴ: ലോക് സഭാ തിരഞ്ഞെടുപ്പിന്‍റെ ഭാഗമായി പൊതു സ്ഥലങ്ങളില്‍ സ്ഥാപിച്ച 33,135 അനധികൃത  തിരഞ്ഞെടുപ്പു പ്രചാരണബോര്‍ഡുകളും പോസ്റ്ററുകളും ചുവരെഴുത്തുകളും മാതൃക പെരുമാറ്റച്ചട്ട ലംഘനം കണ്ടെത്തിയതിനെത്തുടര്‍ന്ന് ഫ്ലൈയിങ് സ്ക്വാഡുകൾ നീക്കം ചെയ്തു. സര്‍ക്കാര്‍ കെട്ടിടങ്ങളിലും പൊതുമേഖലാസ്ഥാപനങ്ങളുടെ അധീനതയിലുള്ള ഭാഗങ്ങളിലും തിരഞ്ഞെടുപ്പ് പെരുമാറ്റ ചട്ടപ്രകാരം രാഷ്ട്രീയ പോസ്റ്ററുകളും പ്രചാരണ സാമഗ്രികളും പതിക്കുന്നത് വിലക്കിയിട്ടുണ്ട്. സ്വുകാര്യ വ്യക്തിയുടെ ഭൂമിയിലും അനുവാദമില്ലാതെ തിരഞ്ഞെടുപ്പ് പോസ്റ്ററുകളോ എഴുത്തുകളോ പതിക്കുന്നത് വിലക്കിയിട്ടുള്ളതാണ്.

ആലപ്പുഴ: വോട്ടെടിപ്പില്‍ ബഹുജന പങ്കാളിത്തം ഉറപ്പാക്കുന്നതിനായി ആലപ്പുഴയിലെ വോട്ടര്‍ ബോധവത്കരണ പരിപാടിയായ സ്വീപ്പിന്‍റെയും പോലീസ് വകുപ്പിന്‍റെയും നേതൃത്വത്തില്‍ സൈക്കിള്‍ റാലി സംഘടിപ്പിച്ചു.
ആലപ്പുഴ വിജയ പാർക്കിൽ ഡെപ്യൂട്ടി പോലീസ് സൂപ്രണ്ട് കെ.എൽ സജിമോൻ റാലി ഫ്ലാഗ് ഓഫ് ചെയ്തു. വിജയ പാർക്കിൽ നിന്നും ആരംഭിച്ച റാലി നഗരം ചുറ്റി കളക്ടറേറ്റിൽ സമാപിച്ചു. നാൽപത് വിദ്യാർത്ഥികളാണ്  റാലിയിൽ പങ്കെടുത്തത്.

ആലപ്പുഴ : ജില്ല തെരഞ്ഞെടുപ്പ് പ്രചാരണ വിഭാഗമായ സ്വീപ്പിന്റ ആഭിമുഖ്യത്തിൽ സിഗനേച്ചർ ക്യാമ്പയിൻ ആലപ്പുഴ റെയിൽവേ സ്റ്റേഷനിലും നടന്നു. റെയിൽവേ ഡെപ്യൂട്ടി ചീഫ് കൊമേഷ്യൽ മാനേജർ  രാഖി ക്യാമ്പയിൻ ഉദ്ഘാടനം ചെയ്തു. എൽ. എസ്. ജി.ഡി അസിസ്റ്റന്റ് ഡയറക്ടർ ജി.പി ശ്രീജിത്, ജോയിന്റ് ബി. ഡി. ഒ ഹരികുമാർ,സി. പി ജോസഫ് തുടങ്ങിയവർ പങ്കെടുത്തു. ആലപ്പുുഴ ആഘോഷിക്കും, ജനാധിപത്യത്തിന്‍രെ ഉത്സവം എന്നപേരില്‍ കൂടുതല്‍ പേരെ വോട്ടെടുപ്പിന്‍റെ ഭാഗമാക്കാന്‍ പരിപാടികള്‍ സംഘടിപ്പിച്ചുവരുകയാണ് സ്വീപ്പ്.

ആലപ്പുഴ: ഏപ്രിൽ 26ന് നടക്കുന്ന ലോക്സഭ തിരഞ്ഞെടുപ്പിന്റെ പോളിംഗ് ശതമാനം ജനങ്ങളെ വേഗത്തിൽ അറിയിക്കാൻ തിരഞ്ഞെടുപ്പ് കമ്മീഷൻ്റെ വോട്ടർ ടേൺഔട്ട് ആപ്പ്. നിയോജകമണ്ഡലത്തിൽ നിന്നുള്ള പോളിംഗ് ശതമാനം രണ്ടുമണിക്കൂർ ഇടവിട്ട് ഇതിൽ ലഭ്യമാകും. പോളിംഗ് ദിവസത്തിൻ്റെ തൊട്ടടുത്ത ദിവസം ബൂത്ത് തിരിച്ചുള്ള വിവരങ്ങളും പൊതുജനങ്ങൾക്ക് ലഭ്യമാകും.

പോള്‍ മാനേജരും റഡി

ആലപ്പുഴ: ലോക്‌സഭ തിരഞ്ഞെടുപ്പില്‍ വോട്ടുചെയ്യാന്‍ 12 ഡി ഫോമില്‍ അപേക്ഷ നല്‍കി തിരഞ്ഞെടുപ്പ് കമ്മിഷന്റെ അംഗീകാരം ലഭിച്ചവരില്‍ ഏപ്രില്‍ 20 വരെ ജില്ലയില്‍ വോട്ടു ചെയ്തത് 17,048 പേര്‍. ആലപ്പുഴ മണ്ഡലത്തില്‍ 8,122 പേരും മവേലിക്കര മണ്ഡലത്തില്‍ 8926 പേരുമാണ് ഈ ഇനത്തില്‍ വോട്ടു ചെയ്തത്. 85 വയസ്സിന് മുകളില്‍ പ്രായമുള്ളവര്‍, ഭിന്നശേഷിക്കാര്‍, എസെന്‍ഷ്യല്‍ സര്‍വീസ് എന്നിവരാണ് 12 ഡി പ്രകാരം പോസ്റ്റല്‍ വോട്ടിനായി അപേക്ഷിച്ചത്. 

അലപ്പുഴ: തിരഞ്ഞെടുപ്പ് ദിനം പോളിങ് ബൂത്തില്‍ തിരഞ്ഞെടുപ്പ് കമ്മിഷന്റെ നിര്‍ദേശങ്ങള്‍ രാഷ്ട്രീയകക്ഷികളും സ്ഥാനാര്‍ഥികളും കൃത്യമായി പാലിക്കണമെന്ന് ജില്ല തിരഞ്ഞെടുപ്പ് ഓഫീസര്‍ അറിയിച്ചു. സമാധാനപരമായും ക്രമമായുമുള്ള വോട്ടെടുപ്പിനും വോട്ടര്‍മാര്‍ക്ക് യാതൊരു വിധത്തിലുള്ള തടസ്സത്തിനോ വിധേയമാകാതെ സമ്മതിദാനാവകാശം വിനിയോഗിക്കുന്നതിനുള്ള പൂര്‍ണ്ണ സ്വാതന്ത്ര്യം ഉറപ്പുവരുത്തുന്നതിനുമായി തിരഞ്ഞെടുപ്പ് ഡ്യൂട്ടിയിലുള്ള ഉദ്യോഗസ്ഥരുമായി സഹകരിക്കണം. അംഗീകൃത പ്രവര്‍ത്തകര്‍ക്ക് അനുയോജ്യമായ ബാഡ്ജുകളും ഐഡന്റിറ്റി കാര്‍ഡുകളും നല്‍കണം.

ആലപ്പുഴ: ഫോറം 12 വഴി പോസ്റ്റല്‍ വോട്ടിനായി അപേക്ഷിച്ച തിരഞ്ഞെടുപ്പ് ഡ്യൂട്ടിയ്ക്കായി നിയോഗിച്ചിട്ടുള്ളവര്‍ക്ക് 23, 24, 25 തിയതികളില്‍ പോസ്റ്റല്‍ വോട്ട് ചെയ്യാന്‍ എല്ലാ നിയോജക മണ്ഡലങ്ങളിലും അവസരമൊരുക്കിയിട്ടുണ്ടെന്ന് ജില്ല കളക്ടര്‍ അറിയിച്ചു. വോട്ടിംഗ് മെഷീനുകളുടെ സ്വീകരണ വിതരണ കേന്ദ്രങ്ങളിലാണ് വോട്ടിംഗിനുള്ള സൗകര്യം ഏര്‍പ്പെടുത്തിയിട്ടുള്ളത്. രാവിലെ ഒമ്പത് മുതല്‍ വൈകീട്ട് അഞ്ച് വരെയാണ് വോട്ടിങ് സമയം. 

ആലപ്പുഴ: ലോക്‌സഭ തിരഞ്ഞെടുപ്പിന്റെ ഭാഗമായി രാഷ്ട്രീയ പാര്‍ട്ടികള്‍ ജാഥ സംഘടിപ്പിക്കുമ്പോള്‍ പോലീസ് അധികാരികളെ സംഘാടകര്‍ മുന്‍കൂട്ടി അറിയിക്കണമെന്ന് ജില്ല തിരഞ്ഞെടുപ്പ് ഓഫീസറായ ജില്ല കളക്ടര്‍. തിരഞ്ഞെടുപ്പ് കമ്മിഷന്റെ മാതൃക പെരുമാറ്റച്ചട്ട പ്രകാരം, ജാഥ തുടങ്ങുന്നതിനുള്ള സമയവും സ്ഥലവും പോകേണ്ട വഴിയും ജാഥ അവസാനിക്കുന്ന സമയവും സ്ഥലവും മുന്‍കൂട്ടി തീരുമാനിക്കണം. സാധാരണ ഗതിയില്‍ പരിപാടിയില്‍ മാറ്റം വരുത്താന്‍ പാടില്ല.