മലപ്പുറം ജില്ല ഫോറം ഓഫീസ് കെട്ടിടത്തിന് ഭീഷണിയായി അപകടാവസ്ഥയിൽ നിൽക്കുന്ന വട്ട, തെങ്ങ് എന്നീ മരങ്ങൾ മെയ് 23 ഉച്ചയ്ക്ക് രണ്ടിന് മലപ്പുറം വില്ലേജ് ഓഫീസ് പരിസരത്ത് വച്ച് പരസ്യമായി ലേലം ചെയ്യുമെന്ന് ഏറനാട് തഹസിൽദാർ അറിയിച്ചു.

പ്രധാനമന്ത്രി ഗ്രാമ സഡക് യോജന പദ്ധതി പ്രകാരം ടാറിങ് പ്രവൃത്തികൾ നടക്കുന്നതിനാൽ എടക്കര ഗ്രാമപഞ്ചായത്തിലെ കരുനെച്ചി -ഉതിരംകുളം റോഡിൽ മെയ് 15 മുതല്‍ 31 വരെ വാഹന ഗതാഗതം നിരോധിച്ചു.

കോഴിക്കോട് ലേബർ കോടതി പ്രിസൈഡിങ് ഓഫീസറായ രാജീവ് ജയരാജ് (ജില്ലാ ജഡ്ജ്) മെയ്  24ന് രാവിലെ 11 മണിക്ക് പാലക്കാട് ആർ.ഡി.ഒ കോടതി ഹാളിൽ വെച്ച് തൊഴിൽ തർക്ക സംബന്ധമായി പാലക്കാട് ക്യാമ്പ് സിറ്റിങിൽ വിളിച്ചുവരുന്ന എല്ലാ കേസുകളും വിചാരണ ചെയ്യും.

തെക്കുപടിഞ്ഞാറന്‍ കാലവര്‍ഷക്കാലത്ത് കടലില്‍ രക്ഷാപ്രവര്‍ത്തനങ്ങള്‍ നടത്തുന്നതിനായി തുറമുഖ വകുപ്പിന്റെ നേതൃത്വത്തില്‍ പോര്‍ട്ട് കണ്‍ട്രോള്‍ പ്രവര്‍ത്തനം തുടങ്ങും. ജൂണ്‍ ഒന്നു മുതല്‍ ആഗസ്റ്റ് 31 വരെ ബേപ്പൂര്‍ തുറമുഖത്തായിരിക്കും കണ്‍ട്രോള്‍ റൂം പ്രവര്‍ത്തിക്കുക. വി.എച്ച്.എഫ് ചാനല്‍ 16 ല്‍ 24 മണിക്കൂറം പ്രവര്‍ത്തിക്കുന്ന കണ്‍ട്രോള്‍ റൂമുമായി ബന്ധപ്പെടാം. ഫോണ്‍: 0495 2414039, 2414863. ഇ.മെയില്‍: portofficekkd@gmail.com.

ജില്ലയിൽ വിവിധ ഭാഗങ്ങളിൽ ഡെങ്കിപ്പനിക്കേസുകൾ കൂടുതലായി റിപ്പോർട്ട് ചെയ്യുന്ന സാഹചര്യത്തിൽ ജാഗ്രത പാലിക്കണം. ജനങ്ങൾ കൊതുക് വളരുന്നതിനുള്ള സാഹചര്യം വീടുകളിലോ,പരിസരപ്രദേശങ്ങളിലോ ഇല്ല എന്ന് ഉറപ്പ് വരുത്തേണ്ടതാണ്. വീടും പരിസരവും
വൃത്തിയായി സൂക്ഷിക്കുക. ജലക്ഷാമമുള്ള ഏരിയകളിൽ വെള്ളം ശേഖരിച്ചുവയ്ക്കുന്ന പാത്രങ്ങളിൽ കൊതുക് വളരാൻ സാദ്ധ്യതയുള്ളതിനാൽ വെള്ളം മൂടിവച്ച് ഉപയോഗിക്കണം. ഇടവിട്ട് ചില സ്ഥലങ്ങളിൽ വേനൽവഴ പെയ്യുന്നതിനാൽ വീടിന്റെ പുറത്തും അടുത്തുള്ള പറമ്പുകളിലും മഴവെള്ളം (ശുദ്ധജലം) കെട്ടിക്കിടക്കുന്നില്ല എന്ന് ഉറപ്പാക്കണം.ഫ്രിഡ്ജിന്റെ പുറകിൽ,ഇൻഡോർ

വനിതാ കമ്മിഷന്‍ ജില്ലാതല അദാലത്ത് മേയ് 20ന് രാവിലെ 10 മുതല്‍ ഇടുക്കി കളക്ടറേറ്റ് കോണ്‍ഫറന്‍സ് ഹാളില്‍ നടക്കും.

കണ്ണൂര്‍, സേലം (തമിഴ്‌നാട്), ഗഡക് (കര്‍ണ്ണാടക), വെങ്കിടഗിരി (ആന്ധ്രപ്രദേശ്) എന്നിവിടങ്ങളിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്‍ഡ്‌ലൂം ടെക്‌നോളജികളില്‍ നടത്തിവരുന്ന ത്രിവത്സര ഹാന്റ്‌ലൂം ആന്റ് ടെക്‌സ്റ്റൈല്‍ ടെക്‌നോളജി ഡിപ്ലോമ കോഴ്‌സിന് അപേക്ഷിക്കാം. എസ്.എസ്.എല്‍.സി അഥവാ തത്തുല്യ പരീക്ഷയില്‍ വിഷയമായി ഇംഗ്ലീഷ്പാസ്സായവര്‍ക്ക് അപേക്ഷിക്കാം. പ്രായപരിധി 2024 ജൂലൈ 1-ന് 15 വയസ്സിനും 23 വയസ്സിനും മദ്ധ്യേ.

 പട്ടികജാതി/പട്ടിക വര്‍ഗ്ഗക്കാര്‍ക്ക് പരമാവധി പ്രായം 25 വയസ്സ്. 20% സീറ്റുകള്‍ നെയ്ത്തു വിഭാഗത്തില്‍പെട്ടവര്‍ക്ക് സംവരണംചെയ്തിട്ടുണ്ട്. കേരള സര്‍ക്കാര്‍ സംവരണതത്വവും അനുവദിക്കും  

കൊല്ലം താലൂക്കിലുള്ള തൃക്കോവില്‍വട്ടം വില്ലേജിലെ 21438 തണ്ടപേരില്‍ ബ്ലോക്ക് 22 - ല്‍ സര്‍വ്വെ 393/5-4 ല്‍പ്പെട്ട 02.02 ആര്‍സ് പുരയിടം മേയ് 23 രാവിലെ 11.00 ന്് തൃക്കോവില്‍വട്ടം വില്ലേജോഫീസില്‍ ലേലം ചെയ്യും. വിവരങ്ങള്‍ വില്ലേജോഫീസിലോ റവന്യൂ റിക്കവറി തഹസീല്‍ദാരുടെ ഓഫീസിലോ അറിയാം. ഫോണ്‍- 0474 2953736.

കൊട്ടാരക്കര അപ്ലൈഡ് സയന്‍സ് കോളേജിന്റെ ആഭിമുഖ്യത്തില്‍ മെയ് 18ന് രാവിലെ 9:30 ന് നാലു വര്‍ഷ ബിരുദ കോഴ്‌സുകളെക്കുറിച്ച് ബോധവല്‍ക്കരണ പരിപാടി സംഘടിപ്പിക്കും. ധനകാര്യ വകുപ്പ് മന്ത്രി കെ എന്‍ ബാലഗോപാല്‍ ഉദ്ഘാടനം ചെയ്യും. ഉന്നതവിജയംനേടിയവരെ അനുമോദിക്കും. കൊട്ടാരക്കര മുനിസിപ്പല്‍ ചെയര്‍മാന്‍ എസ് ആര്‍ രമേശ് അധ്യക്ഷനാകും. https://forms.gle/KfRacourjbbP7JUH9 രജിസ്റ്റര്‍ചെയ്തു വിദ്യാര്‍ത്ഥികള്‍ക്കും രക്ഷകര്‍ത്താക്കള്‍ക്കും അധ്യാപകര്‍ക്കും പങ്കെടുക്കാം. ഫോണ്‍ -8289911226, 9447604258.