പട്ടികവർഗ്ഗ വികസന വകുപ്പിന് കീഴിൽ, പട്ടുവം പഞ്ചായത്തിലെ കയ്യം തടത്തിൽ പ്രവർത്തിക്കുന്ന കണ്ണൂർ ഗവൺമെന്റ് മോഡൽ റസിഡൻഷ്യൽ സ്കൂളിലേക്ക് 2024-25 അധ്യയന വർഷം അഞ്ച് മുതൽ എട്ട് വരെയുള്ള ക്ലാസുകളിലേക്ക് എസ് ടി വിഭാഗത്തിൽപ്പെട്ട വിദ്യാർത്ഥികൾക്ക് പ്രവേശനം നൽകുന്നു.

പട്ടികജാതി വികസന വകുപ്പിന് കീഴിലേക്കുളള പഴയങാടി ഗവ പ്രീമെട്രീക്ക് ഹോസ്റ്റലിലെക്ക് (ആൺ)2024 -25 അദ്ധ്യന വർഷത്തിലെക്കുളള പ്രവേശനത്തിന് അപേക്ഷ ക്ഷണിച്ചു. അഞ്ചാം ക്ലാസ് മുതൽ 10 ക്ലാസ് വരെയുളള പട്ടികജാതി വിഭാഗത്തിലെ കുട്ടികൾക്ക് അപേക്ഷിക്കാം .പട്ടികജാതിക്കാരുടെ അഭാവത്തിൽ പട്ടികവർഗ്ഗക്കാരെയും പരിഗണിക്കും . സൗജന്യ താമസം, ഭക്ഷണം ,ട്യുഷൻ ,രാത്രികാല പഠന മേൽ നോട്ടത്തിലെക്ക് റെസിസ്റ്റന്റ് ടൂട്ടർമാരുടെ സേവനം എന്നിവ ഉണ്ടായിരിക്കുന്നതാണ്.

കുടുംബശ്രീ ജില്ലാ മിഷന്റെ നേതൃത്വത്തില്‍ സുല്‍ത്താന്‍ ബത്തേരി ക്ലസ്റ്ററിലെ അയല്‍ക്കൂട്ട- ഓക്‌സിലറി അംഗങ്ങള്‍ക്കായി സംഘടിപ്പിക്കുന്ന അരങ്ങ് കലോത്സവത്തില്‍ സുല്‍ത്താന്‍ ബത്തേരി സിഡിഎസ് ചാമ്പ്യന്‍മാരായി. അല്‍ഫോണ്‍സാ കോളേജില്‍ നടന്ന മത്സരത്തില്‍ ഒന്‍പത് സിഡിഎസുകളോട് മാറ്റുരച്ച 185 പോയിന്റ് നേടിയാണ് സുല്‍ത്താന്‍ ബത്തേരി കിരീടം നില നിര്‍ത്തിയത്.  77 പോയിന്റ് കരസ്ഥമാക്കി അമ്പലവയല്‍ സിഡിഎസ് രണ്ടാം സ്ഥാനവും 68 പോയിന്റ് നേടി പൂതാടി സിഡിഎസ്  മൂന്നാം സ്ഥാനവും കരസ്ഥമാക്കി. മോഹിനിയാട്ടം, ഭരതനാട്യം, സംഘ നൃത്തം, നാടകം തുടങ്ങി എഴുപതോളം മത്സരങ്ങളാണ് നടന്നത്.

താനൂര്‍ സി.എച്ച്.എം.കെ.എം ഗവ ആര്‍ട്സ് ആന്‍ഡ് സയന്‍സ് കോളേജില്‍  കമ്പ്യൂട്ടര്‍ ആപ്ലിക്കേഷന്‍ വിഷയത്തിലേക്ക് ഗസ്റ്റ് അധ്യാപകരില്‍ നിന്നും അപേക്ഷ ക്ഷണിച്ചു.  കോഴിക്കോട് കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ ഓഫീസില്‍ രജിസ്റ്റര്‍ ചെയ്ത യു.ജി.സി യോഗ്യതയുള്ള ഉദ്യോഗാര്‍ഥികള്‍ക്ക് അപേക്ഷിക്കാം. താത്പര്യമുള്ളവര്‍ യോഗ്യതാ, പ്രവൃത്തിപരിചയ സര്‍ട്ടിഫിക്കറ്റിന്റെ അസലുമായി മെയ് 30 ന് ഉച്ചക്ക് രണ്ടിന് കോളേജില്‍ നേരിട്ട് എത്തണം.  കൂടുതല്‍ വിവരങ്ങള്‍ gctanur.ac.in ലഭിക്കും. ഫോണ്‍- 0494-2582800, 9188900200

പൊതുവിദ്യാഭ്യാസ വകുപ്പ്, സമഗ്ര ശിക്ഷ കേരളയുടെ സഹകരണത്തോടെ സംഘടിപ്പിക്കുന്ന അവധിക്കാല അധ്യാപക പരിശീലനത്തിന് ഇന്ന് (മെയ് 14) തുടക്കമാവും. വൈത്തിരി, സുല്‍ത്താന്‍ ബത്തേരി, മാനന്തവാടി ബിആര്‍സി പരിധിയിലെ വിവിധ സ്‌കൂളുകളില്‍ നടക്കുന്ന പരിശീലനത്തില്‍ ഒന്ന് മുതല്‍ പത്ത് വരെ പഠിപ്പിക്കുന്ന അധ്യാപകരാണ് പങ്കെടുക്കുക. ഒന്ന്, മൂന്ന്, അഞ്ച്, ഏഴ്, ഒന്‍പത് ക്ലാസുകളിലെ പാഠപുസ്തകങ്ങള്‍ സംബന്ധിച്ചും എസ്‌സിആര്‍ടിസി നിഷ്‌കര്‍ഷിച്ച വിവിധ വിഷയങ്ങളിലുമാണ് അഞ്ച് ദിവസങ്ങളിലായി പരിശീലനം നല്‍കുന്നത്. എല്‍.പി വിഭാഗത്തില്‍ ക്ലാസടിസ്ഥാനത്തിലും യു.പി-ഹൈസ്‌കൂള്‍ വിഭാഗങ്ങളില്‍ ഭാഷ, വിഷയാടിസ്ഥാനത്തിലുമാണ് പരിശീലനം.

മീനങ്ങാടി ഇലക്ട്രിക്കൽ സെക്ഷനിൽ അറ്റകുറ്റപണി നടക്കുന്നതിനാൽ  ഇന്ന് (മെയ്  14)  രാവിലെ ഒൻപത് മുതൽ വൈകിട്ട് അഞ്ച് വരെ  പുഴംകുനി, കോട്ടക്കുന്ന്, പിബി എം, എഫ്സിഐ മീനങ്ങാടി, ഐസ് ഫാക്ടറി, കുട്ടിരാംപാലം, മാനിക്കുനി, വെള്ളിത്തോട്, കോലംപറ്റ, മീനങ്ങാടി സ്കൂൾ ജങ്ഷൻ  എന്നിവടങ്ങളിൽ  വൈദ്യുതി മുടങ്ങും.

എൻ എച്ച് 66 ( പഴയ NH 17 )മാഹിപ്പാലത്തിൻ്റെ അടിയന്തിര അറ്റകുറ്റപ്പണി നടത്തുന്നതിനുവേണ്ടി ഏപ്രിൽ 29 മുതൽ മെയ് 10 വരെ മാഹിപ്പാലം വഴിയുളള വാഹന ഗതാഗത നിരോധനം ആയതിനാൽ മെയ് 19 വരെ നീട്ടിയതായി അസിസ്റ്റൻ്റ് എക്സിക്യുട്ടിവ് എഞ്ചിനിയർ അറിയിച്ചു.

കൊട്ടിയൂർ മഹാക്ഷേത്രത്തിലെ വൈശാഖ മഹോത്സവത്തിൻ്റെ സുഗമമായ നടത്തിപ്പിനു ഓരോ വകുപ്പുകളെയും ഏൽപിച്ച പ്രവർത്തനങ്ങൾ  സമയബന്ധിതമായി പൂർത്തിയാക്കണമെന്ന് ജില്ലാ കലക്ടർ അരുൺ കെ വിജയൻ നിർദേശിച്ചു.

മഴക്കാല മുന്നൊരുക്കം

കുത്തുമുണ്ട 66 കെ.വി സബ്സ്റ്റേഷനില്‍ അറ്റകുറ്റിപ്പണി നടക്കുന്നതിനാല്‍ വൈത്തിരി, പൊഴുതന, ഉപ്പട്ടി, വിനായക, മേപ്പാടി, പഞ്ചമി, കിന്‍ഫ്ര ട്രാന്‍സ്ഫോമര്‍ പരിധിയില്‍ മെയ് 13 ന് രാവിലെ 10 മുതല്‍ വൈകിട്ട് അഞ്ച് വരെ വൈദ്യുതി മുടങ്ങുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

വൈത്തിരി ഇലക്ട്രിക്കൽ സെഷന് കീഴിൽ അറ്റകുറ്റപ്പണി നടക്കുന്നതിനാൽ കാപ്പംകുന്ന്, ശ്രീപുരം, ചെമ്പട്ടി, മൂവട്ടി, ആനോത്ത്, മുത്താറി കുന്ന്, ശ്രീകുമാർ, പൊഴുതന സോപ്പ് കമ്പനി, ബി ജി ടി ക്രഷർ ഭാഗങ്ങളിൽ ഇന്ന് (മെയ് 11) രാവിലെ ഒൻപത് മുതൽ വൈകിട്ട് ആറു വരെ വൈദ്യുതി മുടങ്ങും.