30 നും 50 നും ഇടയിൽ പ്രായമുള്ളവരിൽ പാദരക്ഷകൾ, വാച്ച്, പലവിധ ലോഹങ്ങൾ കൊണ്ടുള്ള ആഭരണങ്ങൾ, മാസ്ക്, സാനിറ്റൈസർ തുടങ്ങിയ അന്യ വസ്തുക്കളുടെ നിരന്തരമായ ഉപയോഗം മൂലമോ, സമ്പർക്കം മൂലമോ ഉണ്ടാകുന്ന ത്വക്ക് രോഗത്തിന് ഗവേഷണാടിസ്ഥാനത്തിൽ പരിശോധനയും, സൗജന്യ ചികിത്സയും ഗവ.ആയുർവേദ കോളജ് ഒന്നാം നമ്പർ ഒ.പിയിൽ ചൊവ്വ, വെള്ളി ദിവസങ്ങളിൽ ലഭ്യമാണ്.

സംസ്ഥാന വനിതാ വികസന കോർപ്പറേഷന്റെ ഫിനിഷിങ് സ്കൂളായ റീച്ചിൽ കുറഞ്ഞ നിരക്കിൽ വിദേശത്തും, സ്വദേശത്തും ജോലി സാധ്യതയുള്ള എൻ.എസ്.ഡി.സി അംഗീകൃത കോഴ്സുകളായ പൈത്തൺ പ്രോഗ്രാമിങ്, ഡാറ്റാ സയൻസ് എന്നിവയിലേക്ക് ഓൺലൈൻ പരിശീലനം ഉടൻ ആരംഭിക്കുന്നു. ഒരു ബാച്ചിൽ 25 പേർ മാത്രം. പ്ലസ് ടു, ഡിഗ്രി കഴിഞ്ഞവർക്ക് പൈത്തണൺ പ്രോഗ്രാമിങ്ങിലേക്കും ഡിഗ്രി കഴിഞ്ഞവർക്ക് ഡാറ്റാ സയൻസിലേക്കും അപേക്ഷിക്കാം. അവസാന തീയതി മേയ് 25.

       നാഷണൽ മെഡിക്കൽ കമ്മീഷനിൽനിന്നുള്ള നിർദ്ദേശത്തിന്റെ അടിസ്ഥാനത്തിൽ, വിദേശത്ത് മെഡിക്കൽ വിദ്യാഭ്യാസം പൂർത്തിയാക്കിയ വിദ്യാർഥികളിൽ നിന്നും സംസ്ഥാന സർക്കാർ മെഡിക്കൽ കോളജുകളിൽ ഇന്റേൺഷിപ്പ് ചെയ്യുന്നതിന്  അപേക്ഷ ക്ഷണിച്ചു. കേരള സ്റ്റേറ്റ് മെഡിക്കൽ കൗൺസിലിൽനിന്നുള്ള പ്രൊവിഷണൽ രജിസ്ട്രേഷൻ നേടിയിട്ടുള്ള താൽപര്യമുള്ള എഫ്.എം.ജി വിദ്യാർഥികൾക്ക് അപേക്ഷ സമർപ്പിക്കാം.

ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ ഒരു വർഷം ദൈർഘ്യമുള്ള തൊഴിലധിഷ്ഠിത ഹോട്ടൽ മാനേജ്‌മെന്റ്‌ കോഴ്സുകളിലേക്ക് അപേക്ഷ ക്ഷണിച്ചു.

        മ്യൂസിയം മൃഗശാല വകുപ്പിന്റെ ആഭിമുഖ്യത്തിൽ തിരുവനന്തപുരം, തൃശൂർ, കോഴിക്കോട്, കണ്ണൂർ, വയനാട് ജില്ലകളിലെ മ്യൂസിയത്തിൽ സംഘടിപ്പിക്കുന്ന 2024 ലെ അന്താരാഷ്ട്ര മ്യൂസിയം ദിനാഘോഷത്തിന്റെ സംസ്ഥാനതല ഉദ്ഘാടനം മേയ് 18നു രാവിലെ 11ന് പുരാവസ്തു, പുരാരേഖ, മ്യൂസിയം വകുപ്പ് മന്ത്രി രാമചന്ദ്രൻ കടന്നപ്പള്ളി നിർവഹിക്കും. മ്യൂസിയം പരിസരത്തുള്ള ബാന്റ് സ്റ്റാന്റിലാണ് പരിപാടി.

കോട്ടയം: സംസ്ഥാന വിവരാവകാശ കമ്മിഷണർ ഡോ. കെ.എം. ദിലീപ് കളക്‌ട്രേറ്റ് കോൺഫറൻസ് ഹാളിൽ സിറ്റിങ് നടത്തി. സിറ്റിങ്ങിൽ 30 പരാതികൾ പരിഗണിച്ചു. 25 പരാതികളിൽ തീർപ്പായി. അഞ്ചു പരാതികൾ അടുത്ത സിറ്റിങ്ങിലേക്കു മാറ്റി.

കോട്ടയം: തലയോലപ്പറമ്പ് വൈക്കം മുഹമ്മദ് ബഷീർ സ്മാരക വൊക്കേഷണൽ ഹയർ സെക്കൻഡറി സ്്്കൂളിൽ രണ്ടു ദിവസമായി നടന്ന രണ്ടുദിവസത്തെ കൃഷിക്കൂട്ടം ക്യാമ്പ് സമാപിച്ചു.ദേശീയ കാർഷിക ഫെഡറേഷൻ പ്രസിഡന്റ് ജോർജ് മുല്ലക്കര സ്‌കൂൾ കോമ്പൗണ്ടിൽ വെസ്റ്റ് ഇന്ത്യൻ ചെറി നട്ടു കൊണ്ട് ക്യാമ്പ് ഉദ്ഘാടനം ചെയ്തു. തുടർന്നു കുട്ടികൾ  തക്കാളി, മുളക്, വഴുതന, വെണ്ട തുടങ്ങിയ പച്ചക്കറിത്തൈകൾ നട്ടു. ഉച്ചക്കുശേഷം യൂത്ത് കോർഡിനേറ്റർ ബിനു ചന്ദ്രന്റെ നാടൻപാട്ടു കളരിയും നടന്നു. ക്യാമ്പിൽ ബൊക്കെ നിർമാണം, ബോൺസായി കൃഷി എന്നിവയെക്കുറിച്ച് കുട്ടികൾക്ക് പ്രവീൺ തോമസിന്റെ നേതൃത്വത്തിൽ ക്ലാസും നടന്നു.
 

കോട്ടയം: കേരള സംസ്ഥാന ഉന്നത വിദ്യാഭ്യാസ വകുപ്പ് സംരംഭമായ കോട്ടയം പാമ്പാടി അസാപ് കമ്മ്യൂണിറ്റി സ്‌കിൽ പാർക്കിൽ വി. ആർ ഡെവലപ്പർ കോഴ്‌സിലേക്ക് പ്രവേശനം ആരംഭിച്ചു . പന്ത്രണ്ടാം ക്ലാസ്സ് യോഗ്യത ഉള്ളവർക്ക് അപേക്ഷിക്കാം. എആർ / വിആർ ഡെവലപ്പർമാരാകാനും 3 ഡി വെർച്വൽ എൻവയോൺമെന്റ് വികസിപ്പിക്കാനും യൂണിറ്റി പോലുള്ള വീഡിയോ ഗെയിം എൻജിനുകളുമായി പ്രവർത്തിക്കാനും പരീശീലിപ്പിക്കുന്ന കോഴ്‌സിന്  യൂണിറ്റി സർട്ടിഫിക്കേഷൻ ലഭിക്കും. കോഴ്‌സ് വിജയകരമായി പൂർത്തിയാക്കുന്നവർക്ക്  പ്ലേസ്‌മെന്റ് അസിസ്റ്റൻസ് ലഭിക്കും . ഫോൺ:8921636122, 7736645206

കോട്ടയം: രാജ്യാന്തര നഴ്സസ് ദിനാഘോഷത്തിന്റെ ഭാഗമായുള്ള വാരാഘോഷ പരിപാടികളുടെ സമാപന സമ്മേളനം ഞായറാഴ്ച (മെയ് 12) രാവിലെ 10 മണിക്ക് ബേക്കർ മെമ്മോറിയൽ ഗേൾസ് സ്‌കൂളിൽ നടക്കും. ജില്ലാ കളക്ടർ വി. വിഘ്‌നേശ്വരി സമാപന സമ്മേളനം  ഉദ്ഘാടനം ചെയ്യും.

 
കോട്ടയം: വനിതാ കമ്മിഷൻ കോട്ടയം ജില്ലാതല അദാലത്ത് മേയ് 25ന് രാവിലെ 10 മുതൽ ചങ്ങനാശേരി മുൻസിപ്പൽ ടൗൺ ഹാളിൽ നടക്കും.