ഹരിതകേരളം മിഷന്റെ നേതൃത്വത്തിൽ സ്കൂള്‍ വിദ്യാര്‍ത്ഥികള്‍ക്കായി സംഘടിപ്പിക്കുന്ന ജൈവവൈവിധ്യ പഠനോത്സവ ക്വിസിന്റെ ബ്ലോക്ക്, കോര്‍പ്പറേഷന്‍തല മത്സരം മെയ് 7 ചൊവ്വാഴ്ച 160 കേന്ദ്രങ്ങളിലായി നടക്കും. ഇടുക്കി ജില്ലയിലെ അടിമാലിയില്‍ യു.എന്‍.ഡി.പി. പദ്ധതിയില്‍ ഉള്‍പ്പെടുത്തി ഹരിതകേരളം മിഷന്‍ സ്ഥാപിച്ച നീലക്കുറിഞ്ഞി ജൈവവൈവിധ്യ വിജ്ഞാന പഠനകേന്ദ്രത്തിന്റെ കമ്മ്യൂണിറ്റിതല പരിപാടികളുടെ ഭാഗമായാണ് ക്വിസ് മത്സരവും പഠനോത്സവവും സംഘടിപ്പിക്കുന്നത്. പരിസ്ഥിതി, ജൈവവൈവിധ്യം എന്നീ വിഷയങ്ങളെ അധികരിച്ചാണ് ക്വിസ് മത്സരം. ഓണ്‍ലൈനായി രജിസ്റ്റര്‍ ചെയ്ത 9000 ത്തിലധികം കുട്ടികള്‍ മത്സരത്തില്‍ പങ്കെടുക്കും.

കേന്ദ്ര  സർക്കാർ   സംരംഭമായ   ബിസിൽ  ട്രെയിനിംഗ്  ഡിവിഷൻ മെയിൽ  ആരംഭിക്കുന്ന രണ്ടു വർഷം , ഒരു വർഷം , ആറു മാസം ദൈർഘ്യമുള്ള മോണ്ടിസ്സോറി , പ്രീ - പ്രൈമറി, നഴ്സ്സറി   ടീച്ചർ ട്രെയിനിംഗ് കോഴ്‌സുകൾക്ക് ഡിഗ്രി , പ്ലസ്‌ടു , എസ് എസ് എൽ സി യോഗ്യതയുള്ളവരിൽ നിന്നും അപേക്ഷ ക്ഷണിച്ചു. ഫോൺ :7994449314
 

അതിരുക്ഷമായ ചൂടും വരണ്ട കാലവസ്ഥയും മനുഷ്യനേക്കാൾ കന്നുകാലികളിലും പക്ഷികളിലും പലവിധ ആരാഗ്യ പ്രശ്നങ്ങൾക്ക് ഇടയാക്കുന്നു. ഉയർന്ന ഉത്പാദന  ശേഷിയുള്ള സങ്കരയിനം  ഉരുക്കൾക്ക് പ്രത്യേക പരിപാലനം  ആവശ്യമായതിനാൽ   ഇടുക്കിയിലെ ക്ഷീര കർഷകർ മുൻകരുതലുകൾ സ്വീകരിക്കണമെന്ന്  മൃഗസംരക്ഷണ വകുപ്പ് അറിയിച്ചു.

കോലാനിയിലെ ജില്ലാ കോഴി വളർത്തൽ കേന്ദ്രത്തിൽ  നിന്നും ഇറച്ചി ആവശ്യത്തിനുള്ള കോഴികളെ സർക്കാർ നിരക്കിൽ വിതരണം ചെയ്യുന്നു. മെയ് 10,13 തീയതികളിൽ  രാവിലെ  10 മുതൽ  1  വരെയാകും വിതരണം. ആവശ്യമുള്ളവർ 7,8,9 തീയതികളിൽ  രാവിലെ 10 മുതൽ  വൈകുന്നേരം 4 വരെ ഓഫീസിൽ  നേരിട്ടെത്തിയോ, ഫോൺ  മുഖേനയോ മുൻ‌കൂർ   ബുക്ക് ചെയ്യേണ്ടതാണ്.കൂടുതൽ വിവരങ്ങൾക്ക് 04862 - 221138

ഇന്ത്യയിലെ മികച്ച ടൂറിസം വില്ലേജിനുള്ള ഗോള്‍ഡന്‍ പുരസ്കാരം ലഭിച്ച കാന്തല്ലൂരിൽ "കാന്തല്ലൂര്‍ കനവ്‌” വിന് നാളെ ( മെയ് 7 ) തുടക്കം. കാന്തല്ലൂര്‍ ടൂറിസം ഫെസ്റ്റിനോടനുബന്ധിച്ചാണ്  ഇടുക്കി ജില്ലയില്‍ ഉത്പാദിപ്പിക്കപ്പെടുന്ന ഭക്ഷ്യ സംസ്കരണ സംരംഭങ്ങളുടേയും ഉൽപന്നങ്ങളുടേയും പ്രദര്‍ശന വിപണന മേള "കാന്തല്ലൂര്‍ കനവ്‌” നടക്കുക .കാന്തല്ലൂർ പഞ്ചായത്തിന്റെ ആഭിമുഖ്യത്തില്‍ ജില്ലാ വ്യവസായ കേന്ദ്രമാണ് പരിപാടി  സംഘടിപ്പിക്കുന്നത് .നാൽപതോളം സംരംഭകരുടെ  രുചിയേറിയ ഭക്ഷ്യവസ്തുക്കള്‍ മേളയില്‍ ഉണ്ടാകും.

പീരുമേട് താലൂക്ക് ആശുപത്രി യിൽ കാസ്പ്, ജെ എസ് എസ് കെ , ആർബി എസ് കെ.ആരോഗ്യകരിരണം, സമഗ്ര ആരോഗ്യ സുരക്ഷാ പദ്ധതി വിഭാഗങ്ങളിൽ രോഗികൾക്കുള്ള മരുന്നുകളും ഇംപ്ലാൻ്റുകളും വിതരണം ചെയ്യുന്നതിന് ടെണ്ടർ ക്ഷണിച്ചു. ടെണ്ടർ ഫോംവിൽപ്പന മെയ് 7 മുതൽ 18 വരെ നടക്കും. സ്വീകരിക്കുന്ന അവസാന തീയ്യതി മെയ് 18 വൈകീട്ട് 4 മണി. ഫോൺ 04869 232424

നെടുങ്കണ്ടം ബ്ലോക്ക് പഞ്ചായത്തിലെ പ്രീ മെടിക്ക് ഹോസ്റ്റലിൽ  ഈ അധ്യയന വർഷത്തെ പ്രവേശനം തുടങ്ങി. 5 മുതൽ 10 വരെ പഠിക്കുന്ന പട്ടിക ജാതി വിഭാഗത്തിലെ പെൺകുട്ടികൾക്കാണ് പ്രവേശനം. അപേക്ഷ സ്വീകരിക്കുന്ന അവസാന തിയ്യതി മെയ് 20. ഫോൺ: 854763 0076, 8078557563 ഇമെയിൽ:scdo0076@gmail.com

ഉഷ്ണതരംഗസാധ്യത
തൊഴിൽ സമയക്രമീകരണം ഹൈറേഞ്ച് മേഖലയ്ക്കും ബാധകം :ലേബർ കമ്മീഷണർ

ഉഷ്ണ തരംഗ  സാധ്യത വർദ്ധിച്ചതിനാൽ റേഷൻ കടകളുടെ പ്രവർത്തന സമയത്തിൽ മാറ്റം വരുത്തിയതായി ജില്ലാ സപ്ലൈ ഓഫീസർ അറിയിച്ചു.രാവിലെ 8 മണി മുതൽ 11 മണി വരെയും വൈകുന്നേരം  4 മണി മുതൽ 8 മണി വരെയുമാകും റേഷൻ കടകൾ പ്രവർത്തിക്കുക .

 
ജില്ലയിൽ വേനൽ ചൂട് വർദ്ധിച്ചു വരുന്ന സാഹചര്യത്തിൽ സൂര്യതാപം കൊണ്ടുള്ള ആരോഗ്യ പ്രശ്‌നങ്ങളും പ്രതിരോധ മാര്‍ഗങ്ങളും സംബന്ധിച്ച് പൊതുജനങ്ങള്‍ ആരോഗ്യ വകുപ്പിന്റെ നിര്‍ദേശങ്ങള്‍ പാലിക്കണമെന്ന് ജില്ലാ മെഡിക്കൽ ഓഫീസർ ഡോ. എൽ മനോജ് അറിയിച്ചു

എന്താണ് സൂര്യാഘാതം?