കോട്ടയം: ലോക ജൈവവൈവിധ്യദിനത്തോടനുബന്ധിച്ച് ജൈവവൈവിധ്യത്തെക്കുറിച്ചും അതിന്റെ സംരക്ഷണത്തിന്റെ പ്രാധാന്യത്തെക്കുറിച്ചുമുള്ള അവബോധം കുട്ടികളിൽ എത്തിക്കാൻ ലക്ഷ്യമിട്ടു ഹരിത കേരളം മിഷൻ അടിമാലി, മൂന്നാർ എന്നിവിടങ്ങളിൽ വെച്ച് നീലക്കുറിഞ്ഞി ജൈവവൈവിധ്യ ക്യാമ്പ് സംഘടിപ്പിക്കുന്നു. ഏഴ്, എട്ട്, ഒൻപതു ക്ലാസുകളിലെ കുട്ടികളെയാണ് ഈ ക്യാമ്പിൽ പങ്കെടുപ്പിക്കുന്നത്. ഇതിനായി ജില്ലയിലെ 11 ബ്ലോക്ക് പഞ്ചായത്തുകളിലും കുട്ടികളെ തിരഞ്ഞെടുക്കുന്നതിനായി ജൈവവൈവിധ്യ വിഷയവുമായി ബന്ധപ്പെട്ട ക്വിസ് മത്സരം സംഘടിപ്പിച്ചു. ക്വിസ് മത്സരത്തിൽ പങ്കെടുത്ത മുഴുവൻ വിദ്യാർത്ഥികൾക്കും ഹരിത കേരളം മിഷന്റെ സർട്ടിഫിക്കറ്റ് നൽകി.

 2023-2024 ലെ അധ്യയന  വർഷത്തെ പോസ്റ്റ് മെട്രിക്
സ്കോളർഷിപ്പിനായി  അപേക്ഷിക്കുന്നതിന് ഒരു തവണകൂടി
അവസരം. പുതിയ അപേക്ഷകൾ മെയ് 20 വരെ
 ഇ-ഗ്രാന്റ്സ് സൈറ്റ് മുഖേന വിദ്യാർത്ഥികൾക്ക്
സമർപ്പിക്കാവുന്നതാണ്. എല്ലാ വിദ്യാർത്ഥികളും അപേക്ഷ
ഓൺലൈനായി സമർപ്പിച്ചിട്ടുണ്ട് എന്ന് സ്ഥാപന മേധാവികൾ
ഉറപ്പ് വരുത്തേണ്ടതുമാണ്. ഇതിനായി മറ്റൊരു അവസരം ലഭിക്കുന്നതല്ലെന്ന് ജില്ലാ പട്ടിക ജാതി വികസന ഓഫീസർ അറിയിച്ചു.

 എം.എസ്‌.എം.ഇ സംരംഭകര്‍ക്കായി വ്യവസായ വാണിജ്യ വകുപ്പിന് കീഴിലെ കേരള ഇന്‍സ്റ്റിട്യൂട്ട്‌ ഫോര്‍ എന്റര്‍പ്രണര്‍ഷിപ്പ്‌ ഡവലപ്മെന്റ്‌ (KIED) " ബാങ്കിംഗ്‌ ഫോര്‍ ബിസിനസ്‌ " എന്ന വിഷയത്തില്‍ ഒരു  ദിവസത്തെ വര്‍ക്ഷോപ്പ്‌ സംഘടിപ്പിക്കുന്നു.മെയ് 16 നു അങ്കമാലിയിലെ എന്റര്‍പ്രൈസ്‌ ഡവലപ്മെന്റ്  സെന്ററില്‍ വെച്ചാണ്‌ പരിശീലനം.

*വി.എച്ച്.എസ്.ഇയില്‍  68.57 % വിജയം*

താനൂർ സി.എച്ച്.എം.കെ.എം.  സർക്കാർ കോളേജിൽ  വിവിധ വിഭാഗങ്ങളിലെ അധ്യാപക ഒഴിവുകളിലേക്ക് താത്കാലിക നിയമനം നടത്തുന്നു. മലയാളം, ഇംഗ്ലീഷ് വിഭാഗങ്ങളിലെ ഒഴിവുകളിലേക്ക് മെയ് 25 രാവിലെ 10 നും ബിസിനസ് മാനേജ്മെന്റ്, ഇലക്‍ട്രോണിക്സ് വിഭാഗങ്ങളിലെ ഒഴിവുകളിലേക്ക് മെയ് 30 രാവിലെ 10 നും കൊമേഴ്സ് വിഭാഗത്തിലെ ഒഴിവുകളിലേക്ക് മെയ് 30 രാവിലെ 11 നും മാത്തമാറ്റിക്സ് വിഭാഗത്തിലെ ഒഴിവുകളിലേക്ക് മെയ് 30 ഉച്ചയ്ക്ക് ഒരു മണിക്കും അഭിമുഖം നടക്കും.

ഈ അവധിക്കാലത്ത് കുടുംബവുമൊത്ത് ഹൈറേഞ്ചിലേക്ക് യാത്ര പ്ലാൻ ചെയ്യുന്നവർ ധാരാളം. അവരുടെ സുരക്ഷിത യാത്രയ്ക്ക് വേണ്ട നിർദേശങ്ങൾ നൽകുകയാണ് മോട്ടോർ വാഹന വകുപ്പ്.
 
നിങ്ങൾ ഗാട്ട് റോഡുകളെക്കുറിച്ച് കേട്ടിട്ടുണ്ടോ..?

തൊടുപുഴ ബ്ലോക്കിലെ ഇടവെട്ടി പഞ്ചായത്തിൽ നാശനഷ്ടമുണ്ടായ വീടുകൾക്ക് എത്രയും വേഗം നഷ്ടപരിപഹാരം നൽകുമെന്ന് ജില്ലാ കളക്ടർ ഷീബ ജോർജ്ജ് അറിയിച്ചു.  കഴിഞ്ഞ ദിവസം ഉണ്ടായ ശക്തമായ കാറ്റിലും മഴയിലും നാല് വീടുകളുടെ മേൽക്കൂര നഷ്ടപ്പെടുകയും , മരം വീണ് രണ്ട് വീടുകൾക്ക് ഭാഗിക കേടുപാടുകൾ  ഉണ്ടാവുകയും ചെയ്തിട്ടുണ്ട്.

എസ്.എസ്.എൽ.സി. പരീക്ഷയിൽ വിജയം കൈവരിച്ച എല്ലാ വിദ്യാർഥികൾക്കും ജില്ലാ കളക്ടർ ഷീബ ജോർജ്ജ്  ആശംസകളും അഭിനന്ദനങ്ങളും നേർന്നു. വിജയത്തിന് വിദ്യാർഥികൾക്ക് പിന്തുണ നൽകിയ അധ്യാപകർക്കും  രക്ഷിതാക്കൾക്കും ജില്ലാകളക്ടർ അഭിനന്ദനങ്ങൾ അറിയിച്ചു. ഉന്നത പഠനത്തിന് ഇത്തവണ യോഗ്യത നേടാതിരുന്ന വിദ്യാർത്ഥികൾ തുടർന്നുള്ള പരീക്ഷകളിൽ വിജയിക്കട്ടെയെന്നും  കളക്ടർ ആശംസിച്ചു.

ഇടുക്കി ജില്ലയില്‍ എസ്.എസ്.എല്‍.സി പരീക്ഷ എഴുതിയ 11558 വിദ്യാര്‍ത്ഥികളില്‍ 11534 പേരും  ഉന്നത പഠനത്തിന് അര്‍ഹത നേടി.വിജയശതമാനം 99.79. ജില്ലയിലെ 145 സ്‌കൂളുകൾക്ക് നൂറ്ശതമാനം വിജയം. 68 സർക്കാർ സ്‌കൂളുകൾ , 69 സർക്കാർ എയ്‌ഡഡ്‌ സ്‌കൂളുകൾ 8 അൺ എയ്‌ഡഡ്‌  സ്‌കൂളുകളാണ് നൂറ്മേനി വിജയം നേടിയത്. ആകെ  1573 വിദ്യാർത്ഥികൾക്ക്ഫുൾ എ പ്ലസ് ലഭിച്ചു.