നവീകരിച്ച അക്ഷയ കേന്ദ്രം ഉദ്ഘാടനം ചെയ്തു

    റാന്നി ബ്ലോക്കിലെ ചിറ്റാറിലെ നവീകരിച്ച അക്ഷയ കേന്ദ്രം ചിറ്റാര്‍ ഗ്രാമപഞ്ചായത്ത് പ്രസിഡന്റ് എ. ബഷീര്‍ ഉദ്ഘാടനം ചെയ്തു. പൊതുജന സൗകര്യാര്‍ഥം മുകള്‍ നിലയില്‍ പ്രവര്‍ത്തിച്ചിരുന്ന അക്ഷയ കേന്ദ്രം സര്‍ക്കാര്‍ നിര്‍ദ്ദിഷ്ട രീതിയില്‍ മുതിര്‍ന്ന പൗരന്‍മാര്‍ക്കും, ഭിന്നശേഷി വിഭാഗങ്ങള്‍ക്കും ഏറെ പ്രയോജനപ്പെടുന്ന വിധത്തിലാണ് താഴത്തെ നിലയില്‍ ക്രമീകരിച്ചിരിക്കുന്നത്. വാര്‍ഡ് അംഗം ആദര്‍ശാ വര്‍മ്മ അധ്യക്ഷത വഹിച്ചു. ഐ ടി മിഷന്‍ ജില്ലാ പ്രൊജക്റ്റ് മാനേജര്‍ സി. എം. ഷംനാദ് മുഖ്യാതിഥിയായി.