Post Category
ലഹരി വിരുദ്ധ ക്യാമ്പയിന്‍ ഇന്ന്
ജില്ലാ സ്‌പോര്‍ട്‌സ് കൗണ്‍സില്‍ കായിക വകുപ്പ് മന്ത്രി വി. അബ്ദുറഹ്മാന്റെ നേതൃത്വത്തില്‍ ജില്ലയില്‍ ഇന്ന് (മെയ് 7) സ്‌പോര്‍ട്‌സാണ് ലഹരിയെന്ന മുദ്രാവാക്യവുമായി ലഹരി വിരുദ്ധ ക്യാമ്പയിന്‍ സംഘടിപ്പിക്കുന്നു. ക്യാമ്പയിനിന്റെ ഭാഗമായി രാവിലെ ആറിന് പനമരത്ത് നിന്നും ആരംഭിക്കുന്ന മാരത്തോണ്‍ മാനന്തവാടി വള്ളിയൂര്‍ക്കാവ് ജങ്ഷനില്‍ സമാപിക്കും. വള്ളിയൂര്‍ക്കാവ് ജങ്ഷന്‍ മുതല്‍ മാനന്തവാടി ടൗണ്‍ വരെ മന്ത്രിയുടെ നേതൃത്വത്തില്‍ വാക്കത്തോണ്‍ ലഹരി വിരുദ്ധ സന്ദേശ യാത്ര നടക്കും. വൈകിട്ട് നാലിന് കല്‍പ്പറ്റ യെസ് ഭാരതിന് സമീപത്ത് നിന്നും കല്‍പ്പറ്റ പുതിയ ബസ് സ്റ്റാന്റ് വരെ വാക്കത്തോണ്‍ സംഘടിപ്പിക്കും. ജില്ലയിലെ പുരുഷ-വനിതാ കായിക താരങ്ങള്‍, രാഷ്ട്രീയ- സംസ്‌കാരിക രംഗത്തുള്ളവര്‍, ഉദ്യോഗസ്ഥര്‍ എന്നിവര്‍ മാരത്തോണിലും വാക്കത്തോണിലും പങ്കെടുക്കും.
date
- Log in to post comments