യൂണീക് കളക്ഷന്‍സ്' ഉദ്ഘാടനം

ഇലന്തൂര്‍ ബ്ലോക്ക് പഞ്ചായത്ത് വനിതാ ഗ്രൂപ്പ് സംരംഭം 'യൂണീക് കളക്ഷന്‍സി'ന്റെ ഉദ്ഘാടനം പ്രസിഡന്റ് ജെ ഇന്ദിരാദേവി വട്ടക്കാവില്‍ നിര്‍വഹിച്ചു. നാരങ്ങാനം ഗ്രാമപഞ്ചായത്ത് പ്രസിഡന്റ് മിനി സോമരാജന്‍ അധ്യക്ഷയായി. ഇലന്തൂര്‍ ബ്ലോക്ക് പഞ്ചായത്ത് വൈസ് പ്രസിഡന്റ് കെ ആര്‍ അനീഷ ആദ്യ വില്‍പന നടത്തി. ബ്ലോക്ക് പഞ്ചായത്ത് അംഗം ജിജി ചെറിയാന്‍ മാത്യു, നാരങ്ങാനം ഗ്രാമപഞ്ചായത്ത് വൈസ് പ്രസിഡന്റ് കടമ്മനിട്ട കരുണാകരന്‍, അംഗങ്ങളായ ബെന്നി ദേവസ്യ, റസിയ സണ്ണി, ഇലന്തൂര്‍ ബ്ലോക്ക് പഞ്ചായത്ത് വ്യവസായ വികസന ഓഫീസര്‍ ജെ ദീപു എന്നിവര്‍ പങ്കെടുത്തു.