മന്ത്രി എം. ലിജുവും കെ.സി. വേണുഗോപാൽ എം.പിയും ജില്ലയിലെ വിവിധ ദുരിതാശ്വാസ ക്യാമ്പുകൾ സന്ദർശിച്ചു

​ജില്ലയുടെ ചുമതലയുള്ള സഹകരണ-എക്സൈസ് വകുപ്പ് മന്ത്രി എം. ലിജുവും കെ.സി. വേണുഗോപാൽ എം.പിയും ജില്ലയിലെ കായംകുളം, ഹരിപ്പാട്, അമ്പലപ്പുഴ നിയമസഭാ മണ്ഡലങ്ങളിലെ വിവിധ ദുരിതാശ്വാസ ക്യാമ്പുകൾ സന്ദർശിച്ചു.

​കായംകുളം നിയമസഭാ മണ്ഡലത്തിലെ ചെട്ടികുളങ്ങര ക്യാമ്പുകളിലും ഹരിപ്പാട് നിയമസഭാ മണ്ഡലത്തിലെ പള്ളിപ്പാട്, കുമാരപുരം ക്യാമ്പുകളിലും അമ്പലപ്പുഴ നിയമസഭാ മണ്ഡലത്തിലെ കരുമാടി, അറവുകാട് എന്നിവിടങ്ങളിൽ പ്രവർത്തിക്കുന്ന ദുരിതാശ്വാസ ക്യാമ്പുകളിലും മന്ത്രിയും എം.പിയും സന്ദർശനം നടത്തി.