തുണി മാസ്‌ക്ക് ജില്ലാ ഭരണകൂടത്തിന്  കൈമാറി പുല്ലാട് വിക്ടറി ക്ലബ്

കളക്ടറേറ്റിലെ ജീവനക്കാര്‍ക്കായി പുന:രുപയോഗിക്കാവുന്ന  130 മൂന്നു ലയര്‍ തുണി മാസ്‌ക്കുകള്‍ കൈമാറി പുല്ലാട് വിക്ടറി ക്ലബ് ഭാരവാഹികള്‍. ജില്ലാ കളക്ടര്‍ പി.ബി നൂഹിന് ക്ലബ് പ്രസിഡന്റ് ജിജു സാമുവല്‍, ജോയിന്റ് സെക്രട്ടറി വിപിന്‍ വി.നായര്‍ എന്നിവര്‍ മാസ്‌ക്കുകള്‍ കൈമാറി. ജില്ലയിലെ ആരോഗ്യവകുപ്പ്, പോലീസ് സ്റ്റേഷന്‍, പഞ്ചായത്ത് ഓഫീസ് തുടങ്ങിയ സര്‍ക്കാര്‍ ഓഫീസില്‍ സേവനം അനുഷ്ടിക്കുന്നവര്‍ക്കായി 1000 മാസ്‌ക്കുകള്‍ നിര്‍മ്മിച്ചു വരുന്നതായി ക്ലബ് ഭാരവാഹികള്‍ പറഞ്ഞു. കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി നിരവധി സേവനങ്ങള്‍ ക്ലബ്ബിന്റെ നേതൃത്വത്തില്‍ നടത്തിവരുന്നതായും ഭാരവാഹികള്‍ പറഞ്ഞു.