ജില്ലാ ഉപഭോക്തൃ തര്ക്ക പരിഹാര ഫോറം നിയമനത്തിന് അപേക്ഷ ക്ഷണിച്ചു
ഇടുക്കി ജില്ലാ ഉപഭോക്തൃ തര്ക്ക പരിഹാര ഫോറത്തില് ഒഴിവുവരുന്ന മുഴുവന് സമയ അംഗത്തിന്റെ തസ്തികയിലേക്ക് നിയമനത്തിന് അപേക്ഷ ക്ഷണിച്ചു. അപേക്ഷകര് അംഗീകൃത സര്വ്വകലാശാല ബിരുദമുള്ളവരും 35 വയസ്സോ അതിനു മുകളിലോ പ്രായമുള്ളവരും ധനതത്വം, നിയമം, കൊമേഴ്സ്, അക്കൗണ്ടന്സി, വ്യവസായം, പൊതുകാര്യങ്ങള്, ഭരണനിര്വ്വഹണം എന്നീ വിഷയങ്ങള് കൈകാര്യം ചെയ്ത് 10വര്ഷത്തില് കുറയാത്ത പ്രവൃത്തി പരിചയം ഉള്ളവരും കഴിവും ആര്ജ്ജവവും ഉള്ളവരും ആയിരിക്കണം. നിയമന കാലാവധി അഞ്ച് വര്ഷം വരെയോ, 65 വയസ്സ് വരെയോ (ഏതാണോ ആദ്യം അതുവരെ) ആണ്. അപേക്ഷാഫോറത്തിന്റെ മാതൃക എല്ലാ കലക്ടറേറ്റുകളിലും ജില്ലാ സപ്ലൈ ഓഫീസിലും ജില്ലാ ഉപഭോക്തൃതര്ക്ക പരിഹാരഫോറങ്ങളിലും ംംം.രീിൗൊലൃമളളമശൃ.െസലൃമഹമ.ഴീ്.ശി എന്ന വെബ്സൈറ്റിലും ലഭിക്കും. അപേക്ഷകര് ബയോഡേറ്റ, സര്ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്പ്പ് എന്നിവ സഹിതം നിശ്ചിത അപേക്ഷാഫോറത്തില് ഒക്ടോബര് 25ന് മുമ്പ് ജില്ലാകലക്ടര്ക്ക് അപേക്ഷ നല്കണം.ജില്ലാകലക്ടര്ക്ക് ലഭിക്കുന്ന അപേക്ഷകളില് നിന്ന് സര്ക്കാര് നിയമിക്കുന്ന സെലക്ഷന് കമ്മിറ്റി നടത്തുന്ന അഭിമുഖത്തിന്റെ അടിസ്ഥാനത്തിലായിരിക്കും നിയമനം നടത്തുന്നത്.
- Log in to post comments