കെ- മാറ്റ് രജിസ്ട്രേഷന്‍ ഹെല്‍പ്പ് ഡെസ്‌ക്

2025-27 അധ്യയനവര്‍ഷത്തെ എം.ബി.എ പ്രവേശനത്തിന് വേണ്ടിയുള്ള പ്രവേശന പരീക്ഷയായ കെ-മാറ്റ് രണ്ടാം ഘട്ട പരീക്ഷയ്ക്ക് അപേക്ഷിക്കാനുള്ള ഹെല്‍പ്പ് ഡെസ്‌ക് സര്‍ക്കാര്‍ സഹകരണ എം.ബി.എ കോളേജായ  പുന്നപ്ര ഐ.എം.ടി  പ്രവര്‍ത്തനമാരംഭിച്ചു. അപേക്ഷ സമര്‍പ്പിക്കേണ്ട അവസാന ദിവസമായ മേയ് ഒമ്പതാം തീയതി വരെ ഹെല്‍പ്പ് ഡെസ്‌ക് സേവനം ലഭ്യമാണ്. ഡിഗ്രി പാസായവര്‍ക്കും ബിരുദ പരീക്ഷയെഴുതി ഫലം കാത്തിരിക്കുന്നവര്‍ക്കും. അവസാന വര്‍ഷ ഡിഗ്രി വിദ്യാര്‍ഥികള്‍ക്കും കെ മാറ്റിന് അപേക്ഷിക്കാവുന്നതാണ്. ഹെല്‍പ്പ് ഡെസ്‌ക് സേവനം ഉപയോഗപ്പെടുത്തി കെ-മാറ്റ് പരീക്ഷയെഴുതാന്‍ രജിസ്റ്റര്‍ ചെയ്യുന്നവര്‍ക്ക് സൗജന്യ കെ-മാറ്റ് പരിശീലന ക്ലാസും പുന്നപ്ര ഐ.എം.ടിയുടെ നേതൃത്വത്തില്‍ നടത്തുന്നതാണ്. ഫോൺ: 0477-2267602, 9188067601, 9946488075, 9747272045.

(പിആര്‍/എഎല്‍പി/1183)