മരട് നഗരസഭ ടൗൺഷിപ്പ് കൂത്താട്ടുകുളത്ത് തറക്കല്ലിട്ടു

മരട് നഗരസഭയിലെ 

ഭൂരഹിതരായ 15 പേർക്ക് നഗരസഭ കൂത്താട്ടുകുളത്ത് വാങ്ങി നൽകിയ ഭൂമിയിൽ വീട് നിർമ്മാണത്തിനായി തറക്കല്ല് ഇട്ടു. 

ചടങ്ങിൻ്റെ ഉദ്ഘാടനം നഗരസഭാ ചെയർമാൻ ആൻ്റണി ആശാംപറമ്പിൽ നിർവ്വഹിച്ചു.

സ്വന്തമായി ഭൂമിയും വീടും ഇല്ലാത്ത 15 പേർക്കാണ് നഗരസഭ തനതു ഫണ്ട് വിനിയോഗിച്ചു ഭൂമി വാങ്ങിയത്. മരട് നഗരസഭയുടെ ടൗൺഷിപ്പ് കൂത്താട്ടുകുളത്ത് നിർമ്മിക്കുവാൻ സാധിച്ചതിൽ ഏറെ സന്തോഷമുണ്ടെന്നും ഇനിയും അർഹരായ ഗുണഭോക്താക്കളെ കണ്ടെത്തി ഭൂമി വാങ്ങി വീടു വെയ്ക്കുന്നതിനായി സഹായങ്ങൾ ചെയ്യുമെന്നും നഗരസഭാ ചെയർമാൻ പറഞ്ഞു.

വൈസ് ചെയർ പേഴ്സൺ അഡ്വ. രശ്മി സനിൽ അധ്യക്ഷത വഹിച്ചു. സ്ഥിരം സമിതി അധ്യക്ഷന്മാരായ റിയാസ് കെ. മുഹമ്മദ്, റിനി തോമസ്,ബേബി പോൾ, ശോഭ ചന്ദ്രൻ, കൂത്താട്ടുകുളം നഗരസഭ വൈസ് ചെയർമാൻ സണ്ണി കുരിയാക്കോസ് , ഡിവിഷൻ കൗൺസിലർ ഷാമോൾ സുനിൽ , കൗൺസിലർമാരായ സി.ആർ. ഷാനവാസ്, ചന്ദ്രകലാധരൻ, പി.ഡി. രാജേഷ് , അജിത നന്ദകുമാർ, മിനി ഷാജി, ദിഷ പ്രതാപൻ, ജയ ജോസഫ്, മോളി ഡെന്നി ,സീമ ചന്ദ്രൻ, ഷീജ സാൻകുമാർ, പത്മപ്രിയ വിനോദ്, രേണുക ശിവദാസ് , ഉഷ സഹദേവൻ, സീമ. കെ.വി നഗരസഭാ സെക്രട്ടറി ഇ. നാസ്സിം , മെമ്പർ സെക്രട്ടറി ഹുസൈൻ .എ, ജെ.എച്ച്.ഐ അബ്ദുൾ സത്താർ തുടങ്ങിയവർ പ്രസംഗിച്ചു.