കുടിശ്ശിക നിവാരണം

കേരള കർഷക തൊഴിലാളി ക്ഷേമനിധി ബോർഡിലേയ്ക്കുള്ള അംശാദായം 24 മാസത്തിലധികം കുടിശ്ശിക വരുത്തി അംഗത്വം നഷ്ടപ്പെട്ട 2015 സെപ്റ്റംബർ മാസം മുതൽക്കുള്ള തൊഴിലാളികൾക്ക് അംശാദായ കുടിശ്ശിക പിഴ സഹിതം അടച്ച് അംഗത്വം പുന:സ്ഥാപി ക്കുന്നതിനുള്ള കാലപരിധിയായി  ഫെബ്രുവരി 2 വരെ അനുവദിച്ച് സർക്കാർ ഉത്തരവായി.  ഇത്തരത്തിൽ അംഗത്വം പുന:സ്ഥാപിക്കുന്നതിന് ഇനി അവസരം ഉണ്ടായിരിക്കുന്നതല്ല.  കുടിശ്ശിക വരുത്തിയ ഓരോ വർഷത്തിനും 10 രൂപാ നിരക്കിൽ പിഴ ഈടാക്കും. ഇതിനകം 60 വയസ്സ് പൂർത്തിയാക്കിയ തൊഴിലാളികൾക്ക് കുടിശ്ശിക അടയ്ക്കുന്നതിനും അംഗത്വം പുന:സ്ഥാപിക്കുന്നതിനും സാധിക്കില്ല.  കൂടുതൽ വിവരങ്ങൾക്ക് കർഷക തൊഴിലാളി ക്ഷേമനിധി ബോർഡിന്റെ ജില്ലാ എക്‌സിക്യൂട്ടീവ് ഓഫീസുകളുമായി ബന്ധപ്പെടണം.

പി.എൻ.എക്സ്. 189/2026