മത്സ്യത്തൊഴിലാളികളുടെ മക്കള്ക്കുള്ള വിദ്യാഭ്യാസ-കായിക പുരസ്കാരങ്ങള് മന്ത്രി അബ്ദുല് ഗഫൂര് വിതരണം ചെയ്തു
കേരള മത്സ്യത്തൊഴിലാളി ക്ഷേമനിധി ബോര്ഡ് കോഴിക്കോട് മേഖലയിലെ മത്സ്യത്തൊഴിലാളികളുടെയും അനുബന്ധ തൊഴിലാളികളുടെയും മക്കള്ക്കായി ഏര്പ്പെടുത്തിയ വിദ്യാഭ്യാസ-കായിക അവാര്ഡുകളുടെ വിതരണോദ്ഘാടനം ഫിഷറീസ്-സാമൂഹിക നീതി വകുപ്പ് മന്ത്രി വി ഇ അബ്ദുല് ഗഫൂര് നിര്വഹിച്ചു. മത്സ്യത്തൊഴിലാളികളുടെ മക്കളുടെ ഉന്നത പഠനത്തിനുള്ള പരിശീലനങ്ങളും ധനസഹായവും ഉള്പ്പെടെ എല്ലാ സഹായങ്ങളും ഉറപ്പാക്കുമെന്ന് മന്ത്രി അറിയിച്ചു. മത്സ്യത്തൊഴിലാളികളുടെ ഇന്ഷുറന്സ് തുക വര്ധിപ്പിക്കുന്നതിനും സുരക്ഷാ സംവിധാനങ്ങള് മെച്ചപ്പെടുത്തുന്നതിനും നടപടി സ്വീകരിച്ചതായും മന്ത്രി പറഞ്ഞു.
കോഴിക്കോട് സമുദ്ര ഓഡിറ്റോറിയത്തില് നടന്ന 'നക്ഷത്രത്തിളക്കം 2026' ചടങ്ങില് അഡ്വ. കെ ജയന്ത് എം.എല്.എ അധ്യക്ഷനായി. മത്സ്യബോര്ഡ് റീജ്യണല് എക്സിക്യൂട്ടീവ് പി അബ്ദുല് മജീദ് റിപ്പോര്ട്ട് അവതരിപ്പിച്ചു. കോഴിക്കോട് കോര്പറേഷന് ക്ഷേമകാര്യ-വികസന സ്ഥിരം സമിതി അധ്യക്ഷന് വി പി മനോജ്, വാര്ഡ് കൗണ്സിലര്മാരായ സരിത, സൗഫിയ അനീഷ്, പണ്ടാരത്തില് പ്രസീന, ലൈല, ഫിഷറീസ് വകുപ്പ് ഡയറക്ടര് ചെല്സ സിനി, മത്സ്യബോര്ഡ് സെക്രട്ടറി എസ് സന്തോഷ് കുമാര്, ബോര്ഡ് മെംബര് വി കെ മോഹന്ദാസ്, കോഴിക്കോട് ഫിഷറീസ് ഡെപ്യൂട്ടി ഡയറക്ടര് പി അനീഷ്, മലപ്പുറം ഫിഷറീസ് ഡെപ്യൂട്ടി ഡയറക്ടര് ടി ആര് രാജേഷ്, മത്സ്യഫെഡ് ജില്ലാ മാനേജര് ഇ മനോജ്, മത്സ്യബോര്ഡ് ജൂനിയര് എക്സിക്യൂട്ടീവ് കെ ജസ്ന, മത്സ്യത്തൊഴിലാളി സംഘടനാ പ്രതിനിധികള്, ഉദ്യോഗസ്ഥര് തുടങ്ങിയവര് സംബന്ധിച്ചു.
- Log in to post comments