വീർ പരിവാർ സഹായത യോജന അദാലത്ത് 31ന്

ജില്ലാ ലീഗൽ സർവീസസ് അതോറിറ്റിയുടെ ആഭിമുഖ്യത്തിൽ വീർ പരിവാർ സഹായത യോജന അദാലത്ത്/സെമിനാർ ഓഗസ്റ്റ് 31ന് രാവിലെ 10.30ന് വഞ്ചിയൂരിലെ ജില്ലാ ലീഗൽ സർവീസസ് അതോറിറ്റി ഓഫീസിൽ നടക്കുമെന്ന് ജില്ലാ ലീഗൽ സർവീസസ് അതോറിറ്റി അറിയിച്ചു. ഓഗസ്റ്റ് 24 ന് നടക്കുമെന്നാണ് മുൻപ് അറിയിച്ചിരുന്നത്.ജില്ലാ ലീഗൽ സർവീസസ് അതോറിറ്റി സീനിയർ സെക്രട്ടറി, സിവിൽ ജഡ്ജി ലക്ഷ്മി കെ. തമ്പി പരിപാടി ഉദ്ഘാടനം ചെയ്യും.

പാങ്ങോട് മിലിട്ടറി സ്റ്റേഷനിലെ എഫ്.ഡബ്ല്യു.സി.യിലെ ലെഫ്. കേണൽ അൻസാർ എം., ലെഫ്. കേണൽ ഗോപകുമാർ, മിലിട്ടറി സ്റ്റേഷനിലെ ലീഗൽ അഡൈ്വസർ കേണൽ (അഡ്വ.) എം. നസീർ, ജില്ലാ സൈനിക ക്ഷേമ ഓഫീസർ നജീബ് എന്നിവർ പങ്കെടുക്കും.

വീരമൃത്യു വരിച്ച സൈനികരുടെ കുടുംബങ്ങൾക്കും ബന്ധപ്പെട്ടവർക്കും പദ്ധതിയുമായി ബന്ധപ്പെട്ട സഹായങ്ങളും നിയമപരമായ സേവനങ്ങളും ലഭ്യമാക്കുന്നതിനാണ് അദാലത്തും സെമിനാറും സംഘടിപ്പിക്കുന്നത്. പരിപാടിയിൽ ബന്ധപ്പെട്ടവർ പരമാവധി പങ്കെടുക്കണമെന്ന് സംഘാടകർ അറിയിച്ചു.

പി.എൻ.എക്‌സ്. 3165/2026