മലപ്പുറം ഗവ. ഗേള്‍സ് ഹയര്‍സെക്കന്ററി സ്കൂളില്‍ എച്ച്.എസ്.എസ്.ടി ഇംഗ്ലീഷ് (ജൂനിയര്‍) തസ്തികയിലേക്ക് അതിഥി അധ്യാപകരെ നിയമിക്കുന്നു. ജൂണ്‍ 18 ന് (ചൊവ്വ) രാവിലെ 10 മണിക്ക് സ്കൂള്‍ ഓഫീസില്‍ വെച്ച് അഭിമുഖം നടക്കും. കൂടുതല്‍ വിവരങ്ങള്‍ക്ക് ഫോണ്‍ : 9495 211 559.

തൊഴിൽ വകുപ്പിന്റെയും വനിതാ ശിശു വികസന വകുപ്പിന്റെയും സംയുക്താഭിമുഖ്യത്തിൽ അന്താരാഷ്ട്ര ബാലവേല വിരുദ്ധ ദിനാചരണം സംഘടിപ്പിച്ചു. ദിനാചരണത്തിന്റെ ജില്ലാതല ഉദ്ഘാടനം പൊന്നാനി എ.വി ഹൈസ്കൂളില്‍ മുനിസിപ്പൽ ചെയർമാൻ ശിവദാസൻ ആറ്റുപുറത്ത് നിര്‍വഹിച്ചു. ബോധവത്കരണ ക്ലാസും ദിനാചരണത്തിന്റെ ഭാഗമായി നടന്നു. 

സംസ്ഥാന സർക്കാർ സ്ഥാപനമായ ഐ.എച്ച്.ആർ.ഡിയുടെ കീഴിൽ കണ്ണൂർ സർവകലാശാലയുമായി അഫിലിയേറ്റ് ചെയ്തിട്ടുള്ള പട്ടുവം (0460-2206050, 8547005048) ചീമേനി (8547005052) കൂത്തുപറമ്പ് (0490 2932123), (8547005051) പയ്യന്നൂര്‍ (0497-2877600, 8547005059), മഞ്ചേശ്വരം (04998-215615, 8547005058), മാനന്തവാടി (8547005060), ഇരിട്ടി (0490-2423044, 8547003404), മടിക്കൈ (നീലേശ്വരം 0467-2240911, 8547005068) എന്നിവിടങ്ങളിൽ പ്രവർത്തിക്കുന്ന അപ്ലൈഡ് സയൻസ് കോളേജുകളില്‍ ബിരുദാനന്തര ബിരുദ കോഴ്സുകളിലേക്ക് കോളേജുകൾക്ക് നേരിട്ട് അഡ്മിഷൻ നടത്താവുന്ന 50% സീറ്റുകളിൽ പ്രവേശനത്തിന് അപേക്ഷ ക്ഷണിച്ചു.

കോടതിപ്പിഴ ഇനത്തിൽ 84000  രൂപ ഈടാക്കുന്നതിനായി നിലമ്പൂർ വില്ലേജ്, ബ്ലോക്ക് 93 ലെ റീ സര്‍വ്വേ നമ്പർ 330/3-8 ല്‍ പെട്ട 0.0678 ഹെക്ടര്‍ സ്ഥലവും റീ സര്‍വ്വേ നമ്പർ 330/4-4 ല്‍ പെട്ട 0.0031 ഹെക്ടര്‍ സ്ഥലവും ജൂലൈ 15 ന് രാവിലെ 11 മണിക്ക് നിലമ്പൂർ വില്ലേജ് ഓഫീസിൽ വച്ച് ലേലം ചെയ്ത് വിൽക്കുമെന്ന് നിലമ്പൂര്‍ തഹസില്‍ദാര്‍ അറിയിച്ചു. 

കേന്ദ്ര വാര്‍ത്താ വിതരണ പ്രക്ഷേപണ മന്ത്രാലയത്തിനു കീഴിലുള്ള പാലക്കാട് സെന്‍ട്രല്‍ ബ്യൂറോ ഓഫ് കമ്യൂണിക്കേഷന്‍ അന്താരാഷ്ട്ര യോഗാ ദിനത്തോടനുബന്ധിച്ച്  ഡിജിറ്റല്‍ പോസ്റ്റര്‍ മത്സരം സംഘടിപ്പിക്കുന്നു.  മലപ്പുറം ജില്ലയില്‍ പഠിക്കുന്ന എട്ട്, ഒമ്പത്, പത്ത് ക്ലാസുകളിലെ വിദ്യാര്‍ഥികള്‍ക്കു പങ്കെടുക്കാം.  എന്‍ട്രികള്‍ ജൂണ്‍ 19-ന് വൈകിട്ട് അഞ്ചു മണി വരെ dfppalakkad@gmail.com എന്ന ഇമെയില്‍ വിലാസത്തില്‍ സമര്‍പ്പിക്കാം.  സെന്‍ട്രല്‍ ബ്യൂറോ ഓഫ് കമ്യൂണിക്കേഷന്‍ ജൂണ്‍ 21-ന് തിരൂരങ്ങാടിയില്‍ സംഘടിപ്പിക്കുന്ന യോഗാദിനാചരണ പരിപാടിയില്‍ സമ്മാനങ്ങള്‍ വിതരണം ചെയ്യും.

2016 ലെ ഭിന്നശേഷി അവകാശ നിയമത്തിന്റെ ചുവട് പിടിച്ച് മുഴുവൻ ഭിന്നശേഷിക്കാർക്കും യു.ഡി.ഐ.ഡി ലഭ്യമാക്കുന്ന ഇന്ത്യയിലെ തന്നെ ആദ്യ നഗരസഭയാകാൻ മഞ്ചേരി തയ്യാറെടുക്കുന്നു.

തവനൂര്‍ അസാപ് കമ്മ്യൂണിറ്റി സ്കിൽ പാർക്കിന്റെ ഗവേണിങ് കമ്മിറ്റി രൂപീകരണവും ആദ്യ യോഗവും തിരൂര്‍ സബ് കളക്ടർ സച്ചിൻ കുമാര്‍ യാദവിന്റെ അധ്യക്ഷതയില്‍ ചേര്‍ന്നു. വിദ്യാഭ്യാസ-വ്യവസായിക മേഖലയിൽ നിന്നുള്ള പ്രതിനിധികളും ഗ്രാമപഞ്ചായത്ത് പ്രതിനിധിയും അസാപ് പ്രതിനിധികളും യോഗത്തിൽ പങ്കെടുത്തു. കമ്മ്യൂണിറ്റി സ്കിൽ പാർക്കിൽ പുതിയ കോഴ്സുകളും ഇന്റേണ്‍ഷിപ്പ് പ്രോഗ്രാമുകളും സമയബന്ധിതമായി ആരംഭിക്കാന്‍ യോഗത്തില്‍ തീരുമാനമായി.

പട്ടികവർഗ്ഗ വികസന വകുപ്പിനുകീഴില്‍ പ്രവര്‍ത്തിക്കുന്ന നിലമ്പൂർ ഇന്ദിരാഗാന്ധി മെമ്മോറിയൽ മോഡൽ റസിഡന്‍ഷ്യൽ സ്‌കൂളിലെ അന്തേവാസികളുടെ ഉപയോഗത്തിലേക്കായി അംഗീകൃത കമ്പനികളുടെ ബെഡ്ഷീറ്റ് വിതരണം ചെയ്യുന്നതിന് താൽപര്യമുള്ള വ്യക്തികള്‍/ സ്ഥാപനങ്ങളിൽ നിന്നും ക്വട്ടേഷൻ ക്ഷണിച്ചു. വിതരണം ചെയ്യാൻ ഉദ്ദേശിക്കുന്ന കമ്പനിയുടെ പേര് ക്വട്ടേഷനിൽ രേഖപ്പെടുത്തണം. ജൂണ്‍ 21 രാവിലെ 10 മണി വരെ ക്വട്ടേഷന്‍ സ്വീകരിക്കും. അന്നേദിവസം 10.30 ന് ക്വട്ടേഷൻ തുറക്കും. കൂടുതല്‍ വിവരങ്ങള്‍ക്ക് ഫോണ്‍: 04931 295194.

ബേപ്പൂര്‍ നടുവട്ടത്തെ ക്ഷീര പരിശീലന കേന്ദ്രത്തിൽ വെച്ച് ജൂണ്‍ 28, 29 തീയതികളിൽ കോഴിക്കോട്, വയനാട്, മലപ്പുറം ജില്ലകളിലെ ക്ഷീരസംഘം ഭരണസമിതി അംഗങ്ങൾക്കായി പരിശീലന പരിപാടി സംഘടിപ്പിക്കുന്നു. 20 രൂപയാണ് രജിസ്ട്രേഷന്‍ ഫീസ്. ആധാർ കാർഡിന്റെ പകർപ്പ് രജിസ്ട്രേഷൻ സമയത്ത് ഹാജരാക്കണം. താത്പര്യമുള്ളവർ ജൂണ്‍ 26 വൈകീട്ട് അഞ്ചു മണിക്ക് മുമ്പായി 9048376405 എന്ന ഫോൺ നമ്പർ മുഖാന്തരമോ നേരിട്ടോ പേര് രജിസ്റ്റർ ചെയ്യണം.

ഹോമിയോപ്പതി വകുപ്പിനു കീഴിൽ മലപ്പുറം ജില്ലയിൽ മലപ്പുറം, മഞ്ചേരി കുറ്റിപ്പുറം സർക്കാർ ഹോമിയോ ആശുപത്രികളിൽ പനി ക്ലിനിക്കുകൾ ആരംഭിച്ചു . രാവിലെ ഒമ്പതു മുതൽ ഉച്ചയ്ക്കു രണ്ടു മണി വരെ പകർച്ചപ്പനിക്കുള്ള ചികിത്സ സൗജന്യമായി ലഭ്യമാണെന്ന് ജില്ലാ മെഡിക്കല്‍ ഓഫീസര്‍ (ഹോമിയോ) ഡോ. ഹന്ന യാസ്മിന്‍ അറിയിച്ചു.