പീരുമേട് താലൂക്കിലെ പെരിയാര്‍ വില്ലേജില്‍ ഉള്‍പ്പെടുന്ന ഡിജിറ്റര്‍ സര്‍വ്വേ ബ്ലോക്ക് 01 മുതല്‍ 190 വരെ പ്രദേശങ്ങളിലെ ഡിജിറ്റല്‍ സര്‍വെ , കേരള സര്‍വെ, അതിരടയാളം എന്നിവ  പൂര്‍ത്തിയായി. സര്‍വെ രേഖകള്‍ entebhoomi.kerala.gov.in എന്ന പോര്‍ട്ടലിലും വണ്ടിപ്പെരിയാര്‍ പഞ്ചായത്ത് സ്റ്റേഡിയത്തിന് സമീപം കാര്‍ഷിക വികസന ബാങ്കിനോട് ചേര്‍ന്നുള്ള ഹാളില്‍ പ്രവര്‍ത്തിക്കുന്ന പെരിയാര്‍  ക്യാമ്പ് ഓഫീസിലും പരിശോധനയ്ക്ക് ലഭ്യമാണ്.

          പ്രവാസികളുടെ ക്ഷേമ പ്രവർത്തനങ്ങൾ സുഗമമാക്കുന്നതിനായി സർക്കാരിന്റെ നേതൃത്വത്തിൽ ഒരു പ്രവാസി മിഷൻ ആരംഭിക്കേണ്ടണ്ടതുണ്ടെന്നും  പുനരധിവാസം മെച്ചപ്പെടുത്തുന്നതിനായി പ്രവാസി ലോട്ടറി ആരംഭിക്കണമെന്നും പ്രവാസികൾ ആവശ്യപ്പെട്ടു.  ലോക കേരള സഭയോട് അനുബന്ധിച്ച് നിയമസഭയിൽ നടന്ന സുസ്ഥിര പുനരധിവാസം നൂതനാശയങ്ങൾ എന്ന  ചർച്ചയിലായിരുന്നു വിവിധ രാജ്യങ്ങളിലെ പ്രവാസി മലയാളികൾ നിർദേശങ്ങൾ പങ്കുവച്ചത്.

          ലോകകേരള സഭയുടെ ഭാഗമായി സംഘടിപ്പിച്ച വിഷയാടിസ്ഥാനത്തിലുള്ള ചർച്ചകളിൽ എമിഗ്രേഷൻ കരട് ബിൽ 2021 സംബന്ധിച്ച നടന്ന ചർച്ച പ്രവാസികളുടെ ബിൽ സംബന്ധിച്ച ഗൗരവമായ ആശങ്കകൾ പങ്കുവെക്കുന്ന വേദിയായി മാറി.

          ലോക കേരള സഭയുടെ ഭാഗമായി നടന്ന മേഖല യോഗത്തിൽ ആഫ്രിക്കൻ രാജ്യങ്ങളിലെ വിവിധ സാധ്യതകൾ ചർച്ച ചെയ്തു. ജല വിഭവ വകുപ്പ് മന്ത്രി റോഷി അഗസ്റ്റിന്റെ അധ്യക്ഷതയിൽ നടന്ന ചർച്ചയിൽ 19 ആഫ്രിക്കൻ രാജ്യങ്ങളിലെ പ്രതിനിധികൾ പങ്കെടുത്തു.

          വിദേശങ്ങളിൽ മലയാളികൾക്ക് സുരക്ഷിതമായ തൊഴിൽ കുടിയേറ്റം ഉറപ്പുവരുത്തുന്നതും വിദേശ റിക്രൂട്ടിംഗ് ഏജൻസികൾ വഴി നടക്കുന്ന തട്ടിപ്പുകൾ തടയുന്നതും സംബന്ധിച്ച് ലോക കേരള സഭയിൽ ചർച്ച സംഘടിപ്പിച്ചു.

അമേരിക്കയിലേക്കുള്ള കുടിയേറ്റത്തിനെ കുറിച്ച് കൃത്യമായ ധാരണ സൃഷ്ടിക്കുന്നതിന് സംസ്ഥാന സർക്കാർ ശ്രമിക്കണമെന്ന് ലോക കേരള സഭ പ്രതിനിധികൾ അഭിപ്രായപ്പെട്ടു. അമേരിക്കയുമായി ബന്ധപ്പെട്ട മേഖലാ ചർച്ചയിലാണ് ഈ നിർദേശം. പല തരത്തിലുള്ള വിദ്യാഭ്യാസ തൊഴിൽ തട്ടിപ്പുകൾക്കും വ്യക്തികൾ ഇരയാകുന്ന സാഹചര്യം ഇതിലൂടെ ഇല്ലാതാക്കാം. ഗാർഹിക മേഖലയിൽ പണിയെടുക്കാനെത്തുന്ന സ്ത്രീകളുടെ പ്രശ്‌നങ്ങളെ ഗൗരവകരമായി കാണണം.

ആഗോള പ്രവാസികളുടെ ഉത്സവസംഗമമായ ലോക കേരളസഭയുടെ നാലാം സമ്മേളനത്തിന് പ്രൗഢോജ്ജ്വല തുടക്കം. നിയമസഭയിലെ ശങ്കരനാരായണൻ തമ്പി ഹാളിൽ വെള്ളിയാഴ്ച വൈകിട്ട് 3.45ന് ചീഫ് സെക്രട്ടറി ഡോ. വി.

പ്രവാസി നയ രൂപീകരണത്തിന് ഒരു സർക്കാരിന് എന്തൊക്കെ ചെയ്യാൻ സാധിക്കുമെന്നു ലോക കേരള സഭയിലൂടെ കേരളം ലോകത്തിനു കാണിച്ചു കൊടുക്കുകയാണെന്ന് നിയമസഭാ സ്പീക്കർ എ.എൻ ഷംസീർ. നിയമസഭയിൽ നാലാം ലോക കേരള സഭയോട് അനുബന്ധിച്ച് നടന്ന ചടങ്ങിൽ സംസാരിക്കുകയായിരുന്നു അദ്ദേഹം.

മകളുടെ ജനന സർട്ടിഫിക്കറ്റ് നിമിഷങ്ങൾക്കുള്ളിൽ കെ സ്മാർട്ടിലൂടെ ഡൗൺലോഡ് ചെയ്ത് ചീഫ് വിപ്പ്. ലോക കേരള സഭയുടെ ഭാഗമായി തദ്ദേശ സ്വയംഭരണ വകുപ്പ് ഒരുക്കിയ സ്റ്റാളിലെ കെ സ്മാർട്ട് സേവനം ഉപയോഗിച്ചാണ് ചീഫ് വിപ്പ് എൻ. ജയരാജ് മകളുടെ ജനന സർട്ടിഫിക്കറ്റ് ഡൗൺലോഡ് ചെയ്തത്. നിമിഷങ്ങൾക്കുള്ളിൽ സർട്ടിഫിക്കറ്റ് കയ്യിൽ കിട്ടിയപ്പോൾ ഉണ്ടായ ആശ്ചര്യവും അദ്ദേഹം മറച്ചു വെച്ചില്ല.

ലോക കേരള സഭയോടനുബന്ധിച്ച് തദ്ദേശ സ്വയംഭരണ വകുപ്പ് ഒരുക്കിയ വിവിധ സർക്കാർ സേവനങ്ങൾ വിശദമാക്കുന്ന സ്റ്റാൾ തദ്ദേശ സ്വയംഭരണ വകുപ്പ് മന്ത്രി  എം.ബി. രാജേഷ് സന്ദർശിച്ചു. കെ സ്മാർട്ടിലൂടെ ലഭിക്കുന്ന സേവനങ്ങളും നികുതി വിവരങ്ങൾ മറ്റ് ഫയൽ വിവരങ്ങൾ എന്നിവ മന്ത്രി ഓൺലൈനായി പരിശോധിച്ചു.