അഴീക്കോട് മേഖല ചെമ്മീൻ വിത്ത് ഉൽപാദന കേന്ദ്രത്തിലെ മത്സ്യകുഞ്ഞുങ്ങളുടെ പരിപാലനത്തിന് മത്സ്യത്തീറ്റകൾ  വാങ്ങുന്നതിന് ടെൻഡർ ക്ഷണിച്ചു. 1723 രൂപയാണ് നിരതദ്രവ്യം. ജൂൺ 26 വൈകിട്ട് 4 വരെ സമർപ്പിക്കാം. ഫോൺ: 0480 2819698.

തലശ്ശേരി എല്‍ എ സ്‌പെഷ്യല്‍ തഹസില്‍ദാറുടെ ഓഫീസ് ആവശ്യത്തിലേക്ക് വാഹനത്തിന് ക്വട്ടേഷന്‍ ക്ഷണിച്ചു.  ജൂണ്‍ 27ന് വൈകിട്ട് മൂന്ന് മണി വരെ ക്വട്ടേഷന്‍ സ്വീകരിക്കും.  ഫോണ്‍: 8547720649.
 

കേന്ദ്ര - സംസ്ഥാന സര്‍ക്കാരുകള്‍ കുടുംബശ്രീ മിഷന്‍ വഴി നടത്തിവരുന്ന ഡി ഡി യു ജി കെ വൈയിലേക്ക് 18നും 35നും ഇടയില്‍ പ്രായമുള്ളവര്‍ക്ക് അപേക്ഷിക്കാം. ആറ് മാസത്തെ ഹോസ്പിറ്റാലിറ്റി മാനേജ്‌മെന്റ് (ഫുഡ് പ്രൊഡക്ഷന്‍ ആന്റ് കിച്ചന്‍ സ്റ്റീവാര്‍ഡിങ്), ഏവിയേഷന്‍ (കസ്റ്റമര്‍ സര്‍വീസ്) എന്നിവയാണ് കോഴ്‌സുകള്‍.  സാമ്പത്തികമായി പിന്നോക്കം നില്‍ക്കുന്ന യുവതീ യുവാക്കള്‍ക്കാണ് മുന്‍ഗണന.  യോഗ്യത പ്ലസ്ടു.

ഐഎച്ച്ആര്‍ഡിയുടെ കീഴില്‍ കണ്ണൂര്‍ സര്‍വകലാശാലയുമായി അഫിലിയേറ്റ് ചെയ്തിട്ടുള്ള  അപ്ലൈഡ് സയന്‍സ് കോളേജുകളിലേക്ക് 2024-25 അധ്യയന വര്‍ഷത്തില്‍ ബിരുദാനന്തര ബിരുദ കോഴ്സുകളിലേക്ക് കോളേജുകള്‍ക്ക് നേരിട്ട് പ്രവേശനം നടത്താവുന്ന 50ശതമാനം സീറ്റുകളില്‍ ഓണ്‍ലൈന്‍  പ്രവേശനത്തിന് അപേക്ഷ ക്ഷണിച്ചു.

ഐ എച്ച് ആര്‍ ഡിയുടെ കീഴില്‍ പട്ടുവം കയ്യംതടത്തില്‍ പ്രവര്‍ത്തിക്കുന്ന കോളേജ് ഓഫ് അപ്ലൈഡ് സയന്‍സില്‍ ബി എസ് സി കമ്പ്യൂട്ടര്‍ സയന്‍സ്, ബി കോം വിത്ത്       കമ്പ്യൂട്ടര്‍ ആപ്ലിക്കേഷന്‍, ബി കോം വിത്ത് കോ ഓപ്പറേഷന്‍, ബി സി എ, എം എസ് സി         കമ്പ്യൂട്ടര്‍ സയന്‍സ്, എം കോം ഫിനാന്‍സ് എന്നീ കോഴ്‌സുകളിലേക്ക് അപേക്ഷ ക്ഷണിച്ചു.

യോഗ ദിനത്തോടനുബന്ധിച്ച് ജില്ലാ ആയുര്‍വേദ ആശുപത്രിയില്‍ ജൂണ്‍ 18 മുതല്‍ 27 വരെ സൗജന്യ യോഗ പരിശീലന ക്യാമ്പ് സംഘടിപ്പിക്കുന്നു.  സ്ത്രീകളിലും പുരുഷന്‍മാരിലും കാണുന്ന അമിത രക്തസമ്മര്‍ദ്ദവും സ്‌ട്രെസും കുറക്കുവാനുള്ള യോഗ പരിശീലനമാണ് നല്‍കുക.  താല്‍പര്യമുള്ളവര്‍ ജില്ലാ ആയുര്‍വേദ ആശുപത്രിയുമായി ബന്ധപ്പെടുക.  ഫോണ്‍: 7012416425.

ഫിഷറീസ് വകുപ്പ് നടപ്പാക്കുന്ന പ്രധാനമന്ത്രി മത്സ്യസമ്പദ് യോജന പദ്ധതിയുടെ വിവിധ ഘടക പദ്ധതികളായ ഓരുജലകുളം നിര്‍മാണം, ഓരുജല കൂടു കൃഷി, കല്ലുമ്മക്കായ കൃഷി, ഫിഷ് കിയോസ്‌ക്, ഓരുജല കൂട്(എസ് ടി), റീ സര്‍ക്കുലേറ്ററി അക്വകള്‍ച്ചര്‍ സിസ്റ്റം (എസ് സി), ബയോഫ്‌ളോക്ക് (എസ് സി), ശുദ്ധജല കുളങ്ങളിലെ          മത്സ്യകൃഷി മത്സ്യവിത്ത് ഹാച്ചറി, ഓരുജല ബയോഫ്‌ളോക്ക് കുളങ്ങളുടെ നിര്‍മാണം എന്നിവയിലേക്ക് അപേക്ഷ ക്ഷണിച്ചു.  അപേക്ഷ തലശ്ശേരി/കണ്ണൂര്‍/ മാടായി/അഴീക്കോട് എന്നീ മത്സ്യഭവന്‍ ഓഫീസുകളില്‍ ലഭിക്കും.

ജില്ലാ പഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി പട്ടികജാതി വിഭാഗത്തില്‍പെട്ട ഗ്രൂപ്പുകള്‍ക്ക് വാദേ്യാപകരണങ്ങള്‍ വിതരണം ചെയ്യുന്ന പദ്ധതിയുടെ ഉദ്ഘാടനം ജൂണ്‍ 15 ന് രാവിലെ 10 മണിക്ക് ജില്ലാ പഞ്ചായത്ത് പ്രസിഡന്റ് പി പി ദിവ്യ നിര്‍വഹിക്കും. ജില്ലാ പഞ്ചായത്തില്‍ നടക്കുന്ന പരിപാടിയില്‍ വൈസ് പ്രസിഡന്റ് അഡ്വ ബിനോയ്കുര്യന്‍ അധ്യക്ഷത വഹിക്കും.

ഐ എച്ച് ആര്‍ ഡിയുടെ കീഴില്‍ പട്ടുവം കയ്യംതടത്തില്‍ പ്രവര്‍ത്തിക്കുന്ന കോളേജ് ഓഫ് അപ്ലൈഡ് സയന്‍സില്‍ വിവിധ വിഷയങ്ങളില്‍ അധ്യാപകരുടെ താല്‍ക്കാലിക ഒഴിവുകളിലേക്ക് കോളേജില്‍ ഇന്റര്‍വ്യൂ നടത്തും.

ഐ എച്ച് ആര്‍ ഡി ജൂണ്‍ 24 മുതല്‍ 28വരെ നടത്തുന്ന ഡെമിസ്റ്റിഫൈയിങ് എ ഐ എന്ന അഞ്ച്  ദിവസത്തെ ഓണ്‍ലൈന്‍ കോഴ്‌സിലേക്ക് അപേക്ഷ ക്ഷണിച്ചു.