ഇന്ത്യ പോസ്റ്റ് പേയ്‌മെന്റ്‌സ് ബാങ്ക് മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ അംഗങ്ങളായിട്ടുള്ളവര്‍ക്ക് 10 ലക്ഷം രൂപ കവറേജുള്ള അപകട ഇന്‍ഷൂറന്‍സ് പോളിസി നല്‍കുന്നു.

ലഹരിക്കെതിരെയും കുട്ടികളുടെ അവകാശ സംരക്ഷണത്തിനും ഭിന്നശേഷിക്കാരായ കുട്ടികളുടെ സുരക്ഷക്കും വിപുലമായ പ്രവര്‍ത്തനങ്ങള്‍ സംഘടിപ്പിക്കാന്‍ ജില്ലാ ശിശുക്ഷേമ സമിതിയുടെ  വാര്‍ഷിക ജനറല്‍ ബോഡി യോഗം തീരുമാനിച്ചു.

ജില്ലാതല ഐസിഡിഎസ് സെല്‍ ഓഫീസിലേക്ക് വാഹനം വാടകയ്ക്ക് ലഭ്യമാക്കുന്നതിന് വ്യക്തികള്‍/ സ്ഥാപനങ്ങളില്‍ നിന്നും ടെണ്ടര്‍ ക്ഷണിച്ചു. വാഹനത്തിന് ഏഴ് വര്‍ഷത്തില്‍ കൂടുതല്‍ കാലപ്പഴക്കം ഉണ്ടാകരുത്. നിരതദ്രവ്യം 3000 രൂപ. ജൂണ്‍ 24 വൈകീട്ട് മൂന്നുവരെ പ്രോഗ്രാം ഓഫീസര്‍, ജില്ലാതല ഐസിഡിഎസ് സെല്‍, മിനി സിവില്‍ സ്റ്റേഷന്‍, ചെമ്പുക്കാവ്, തൃശൂര്‍ വിലാസത്തില്‍ ടെണ്ടര്‍ സ്വീകരിക്കും. ഫോണ്‍: 0487 2321689.

അഴീക്കോട് മേഖലാ ചെമ്മീന്‍ വിത്തുല്‍പ്പാദന കേന്ദ്രത്തിലെ മത്സ്യക്കുഞ്ഞുങ്ങളുടെ പരിപാലനത്തിനായി ആര്‍ട്ടീമിയ വാങ്ങുന്നതിന് ടെണ്ടര്‍ ക്ഷണിച്ചു. ടെണ്ടര്‍ ജൂണ്‍ 26 ന് ഉച്ചതിരിഞ്ഞ് 4 നകം ഫിഷറീസ് അസി. ഡയറക്ടര്‍, മേഖലാ ചെമ്മീന്‍ വിത്തുല്‍പ്പാദനകേന്ദ്രം, അഴീക്കോട് എന്ന വിലാസത്തില്‍ ലഭിക്കണം. ഫോണ്‍: 0480 2819698.

എറണാകുളം, തൃശ്ശൂർ, പാലക്കാട് എന്നീ ജില്ലകളിലെ സംസ്ഥാന തണ്ണീർതട സംരക്ഷണ അതോറിറ്റിയുമായി ബന്ധപ്പെട്ട ഉദ്യോഗസ്ഥർക്കും ജനപ്രതിനിധികൾക്കുമായി തണ്ണീർതടങ്ങളുടെ സംരക്ഷണ ഏകദിന ശില്പശാല സംഘടിപ്പിച്ചു.  പദ്ധതിയുടെ  പ്രാരംഭ ഘട്ടം എന്ന നിലയിൽ കർമ്മ പദ്ധതികൾ സമയബന്ധിതമായി ആസൂത്രണം ചെയ്ത് നടപ്പാക്കുന്നതിനായാണ് ശിൽപശാല സംഘടിപ്പിച്ചത്.  ജില്ലാ പഞ്ചായത്ത് പ്രസിഡന്റ് വി. എസ് പ്രിൻസ് ശില്പശാല ഉദ്ഘാടനം ചെയ്തു. ജൈവവൈവിദ്ധ്യം സംരക്ഷിക്കുന്നതിന് പ്രകൃതി ഒരുക്കിയിരിക്കുന്ന സംവിധാനമാണ് തണ്ണീർത്തടം. അവയുടെ സംരക്ഷണത്തിന് ശാസ്ത്രീയമായതും ആസൂത്രിതമായതുമായ ശ്രമം ഉണ്ടാകണമെന്നും അദ്ദേഹം ഓർമ്മിപ്പിച്ചു.

പുതിയ സംരംഭം തുടങ്ങാന്‍ താല്‍പര്യമുള്ളവര്‍ക്കായി കേരള ഇന്‍സ്റ്റിറ്റ്യൂട്ട് ഫോര്‍ എന്റര്‍പ്രണര്‍ഷിപ്പ് ഡെവലപ്മെന്റ് അഞ്ച് ദിവസത്തെ വര്‍ക്ക്ഷോപ്പ് സംഘടിപ്പിക്കുന്നു. ജൂണ്‍ 25 മുതല്‍ 29 വരെ കളമശ്ശേരി കീഡ് ക്യാമ്പസിലാണ് പരിശീലനം. 3540 രൂപയാണ് ഫീസ് (കോഴ്സ് ഫീ, സര്‍ട്ടിഫിക്കേഷന്‍, ഭക്ഷണം, താമസം, ജി എസ് ടി ഉള്‍പ്പെടെ). താമസം ആവശ്യമില്ലാത്തവര്‍ക്ക് 1500. പട്ടികജാതി -പട്ടികവര്‍ഗ വിഭാഗത്തില്‍പ്പെട്ടവര്‍ക്ക് താമസം ഉള്‍പ്പെടെ 2000 രൂപയും താമസം കൂടാതെ 1000 രൂപയുമാണ് ഫീസ്. താല്‍പര്യമുള്ളവര്‍ ഓണ്‍ലൈനായി http://kied.info/training-calender/ മുഖേന ജൂണ്‍ 21നകം അപേക്ഷിക്കണം.

തൃശൂര്‍ ജനറല്‍ ആശുപത്രിയില്‍ മുറിച്ചിട്ട മരങ്ങളുടെ ഭാഗങ്ങള്‍ വില്‍ക്കുന്നതിനു ക്വട്ടേഷന്‍ ക്ഷണിച്ചു. സൂപ്രണ്ട്, ജനറല്‍ ആശുപത്രി, തൃശൂര്‍ എന്ന വിലാസത്തില്‍ ജൂണ്‍ 26ന് ഉച്ചയ്ക്ക് 12 നകം ക്വട്ടേഷന്‍ സമര്‍പ്പിക്കണം.

അയലൂര്‍ കോളജ് ഓഫ് അപ്ലൈ സയന്‍സില്‍ എം.എസ്.സി കമ്പ്യൂട്ടര്‍ സയന്‍സ് കോഴ്‌സിന് അപേക്ഷ ക്ഷണിച്ചു. admission.uoc.in ല്‍ രജിസ്റ്റര്‍ ചെയ്ത ശേഷം കോളജില്‍ നേരിട്ട് അപേക്ഷിക്കണം. അവസാന തീയതി ജൂണ്‍ 22. ഫോണ്‍: 8547005029, 9495069307.

ഐഎച്ച്ആര്‍ഡിയുടെ ആഭിമുഖ്യത്തില്‍ ജൂണ്‍ 24 മുതല്‍ 27 വരെ 'ഡീ-മിസ്റ്റിഫൈയിങ് എ ഐ' വിഷയത്തില്‍ നടത്തുന്ന അഞ്ചുദിവസത്തെ ഓണ്‍ലൈന്‍ കോഴ്‌സിന് അപേക്ഷ ക്ഷണിച്ചു. പ്രൊഫഷണലുകള്‍, ഗവേഷകര്‍, വിദ്യാര്‍ഥികള്‍, ജനറേറ്റീവ് എ ഐ യില്‍ താല്‍പര്യമുള്ളവര്‍ക്ക് പങ്കെടുക്കാം. സമയം വൈകിട്ട് 7.30 മുതല്‍ 8.30 വരെ. രജിസ്‌ട്രേഷന്‍ ഫീസ് 1000 രൂപ. http://ihrd.ac.in/index.php/onlineai ലിങ്കില്‍ രജിസ്റ്റര്‍ ചെയ്യാം എന്ന ഡയറക്ടര്‍ അറിയിച്ചു.

ചാലക്കുടി മോഡല്‍ റസിഡന്‍ഷ്യല്‍ സ്‌കൂളിന് കീഴിലുള്ള പ്രീമെട്രിക് ഹോസ്റ്റലുകളില്‍ വിവിധ തസ്തികകളില്‍ ജീവനക്കാരെ നിയമിക്കുന്നു. ആയ- യോഗ്യത ഏഴാം ക്ലാസ്. കുക്ക്- ഏഴാം ക്ലാസ്, ഹോട്ടല്‍ മാനേജ്‌മെന്റ്/ ഫുഡ് ആന്‍ഡ് ക്രാഫ്റ്റ് കോഴ്‌സ് യോഗ്യതയുള്ളവര്‍ക്ക് മുന്‍ഗണന. എഫ്.ടി.എസ്- ഏഴാം ക്ലാസ്, ഗാര്‍ഡനര്‍ - എഴുത്തും വായനയും അറിഞ്ഞിരിക്കണം, കൃഷിപ്പണിയിലുള്ള പരിചയം.