ആലപ്പുഴ: കേരള സര്‍ക്കാര്‍ നൈപുണ്യ വികസന പരിശീലന സ്ഥാപനമായ അസാപ് കേരള കമ്മ്യൂണിറ്റി സ്‌കില്‍ പാര്‍ക്ക് ചെറിയ കലവൂര്‍ ക്യാമ്പസ്സില്‍ നൂറ് ശതമാനം പ്ലേസ്മെന്റോടുകൂടി അഡ്വാന്‍സ്ഡ് ബയോ-മെഡിക്കല്‍ എക്യുപ്‌മെന്റ്  ഹാന്‍ഡ്‌സ്ഓണ്‍ ട്രെയിനിങ് കോഴ്‌സ് ആരംഭിക്കുന്നു. ന്യുനപക്ഷ വിഭാഗങ്ങള്‍ക്ക് നൂറ് ശതമാനം സ്‌കോളര്‍ഷിപ്പ് ലഭിക്കും. മൂന്ന് മാസമാണ് കോഴ്‌സ്  ദൈര്‍ഘ്യം.

ആലപ്പുഴ: എംപ്ലോയ്മെന്റ് വകുപ്പ് അശരണരായ സ്ത്രീകള്‍ക്ക് വേണ്ടി നടപ്പിലാക്കിവരുന്ന ശരണ്യ സ്വയം തൊഴില്‍ പദ്ധതിയുടെ ആലപ്പുഴ ജില്ലാതല കമ്മിറ്റി കളക്ടറേറ്റ് കോണ്‍ഫറന്‍സ് ഹാളില്‍ എ.ഡി.എം. വിനോദ് രാജിന്റെ അധ്യക്ഷതയില്‍ നടന്നു. ആകെ ലഭിച്ച 192 അപേക്ഷകളില്‍ ഹാജരായ 112 അപേക്ഷകള്‍ക്കു കമ്മിറ്റി പ്രാഥമിക അംഗീകാരം നല്‍കി. ജില്ല എംപ്ലോയ്‌മെന്റ് ഓഫീസര്‍ ജി. ദീപു, അസിസ്റ്റന്റ് ഇന്‍ഡസ്ട്രീസ് ഓഫീസര്‍ എം.

ആലപ്പുഴ: ഹരിപ്പാട് താലൂക്ക് ആശുപത്രിയില്‍ അടുത്ത ഒരു വര്‍ഷത്തേക്ക് വിവിധ പദ്ധതികള്‍ പ്രകാരം ടെന്‍ഡറുകള്‍ ക്ഷണിച്ചു. രോഗികള്‍ക്ക് സ്‌കാനിംഗ് ടെസ്റ്റുകള്‍ ചെയ്യുന്നതിന് സ്ഥാപനങ്ങളില്‍ നിന്ന് ടെന്‍ഡര്‍ ക്ഷണിച്ചു. ആശുപത്രി കോമ്പൗണ്ടില്‍ ലഭ്യമല്ലാത്ത ലാബ് ടെസ്റ്റുകള്‍ ചെയ്യുന്നതിന് സ്ഥാപനങ്ങളില്‍ നിന്ന് ടെന്‍ഡര്‍ ക്ഷണിച്ചു.

ആലപ്പുഴ: ബക്രീദിനോടനുബന്ധിച്ച് ജൂണ്‍ 10 മുതല്‍ 15 വരെ ഖാദി തുണിത്തരങ്ങള്‍ക്ക് 20 ശതമാനം മുതല്‍ 30 ശതമാനം വരെ റിബേറ്റ് ലഭിക്കും. കേരള ഖാദി ഗ്രാമവ്യവസായ ബോര്‍ഡിന്റെ നിയന്ത്രണത്തിലുള്ള ഖാദി ഗ്രാമ സൗഭാഗ്യകളിലും ഖാദി സൗഭാഗ്യകളിലും പ്രത്യേക റിബേറ്റ് ലഭിക്കും.
 

ആലപ്പുഴ: സംസ്ഥാന ഫിഷറീസ് വകുപ്പ് മുഖേന മത്സ്യത്തൊഴിലാളികളുടെ മക്കള്‍ക്ക് റെസിഡന്‍ഷ്യല്‍ മെഡിക്കല്‍ എന്‍ട്രന്‍സ് പരിശീലനം നല്‍കുന്നു. ഒരു വര്‍ഷത്തെ റെസിഡന്‍ഷ്യല്‍ എന്‍ട്രന്‍സ് കോച്ചിംഗിനാണ് സര്‍ക്കാര്‍ ധനസഹായം നല്‍കുന്നത്. അപേക്ഷ ഫോറവും വിശദവിവരങ്ങളും മത്സ്യഭവന്‍ ഓഫീസുകളില്‍ ലഭിക്കും. പൂരിപ്പിച്ച അപേക്ഷഫോറം ജൂണ്‍ 25-ന് മുമ്പ് മത്സ്യഭവന്‍ ഓഫീസുകളില്‍ ലഭിക്കണം.

ആലപ്പുഴ: നിലവിലെ ശുചിമുറി മാലിന്യ പ്രശ്‌നം പരിഹരിക്കാന്‍ ജില്ലയിലെ മാലിന്യ സംസ്‌കരണ പ്ലാന്റുകളുടെ സംസ്‌കരണ ശേഷി പൂര്‍ണമായി ഉപയോഗപ്പെടുത്തുമെന്ന് ജില്ല കളക്ടര്‍ അലക്‌സ് വര്‍ഗീസ്. ജില്ലയിലെ സീവേജ് ട്രീറ്റ്‌മെന്റ് പ്ലാന്റ് (എസ്.ടി.പി.) പ്രവര്‍ത്തിക്കുന്ന സ്ഥാപനങ്ങളുമായി നടത്തിയ ചര്‍ച്ചയിലാണ് ഇക്കാര്യം തീരുമാനമായത്.

ആലപ്പുഴ: സംസ്ഥാനത്ത് ഉപതിരഞ്ഞെടുപ്പ് നടക്കാനിരിക്കുന്ന തദ്ദേശ വാര്‍ഡുകള്‍ ഉള്‍പ്പെടെ മുഴുവന്‍ തദ്ദേശസ്വയംഭരണ സ്ഥാപനങ്ങളിലെയും വാര്‍ഡ് അടിസ്ഥാനത്തിലുള്ള വോട്ടര്‍ പട്ടികയുടെ സംക്ഷിപ്ത പുതുക്കലുമായി ബന്ധപ്പെട്ട് ജൂണ്‍ ആറിന് പ്രസിദ്ധീകരിച്ച കരട് വോട്ടര്‍ പട്ടികയിലെ ആക്ഷേപങ്ങളും അപേക്ഷകളും ജൂണ്‍ 21 വൈകുന്നേരം അഞ്ച് മണിവരെ ബന്ധപ്പെട്ട ഇലക്ട്രല്‍ രജിസ്‌ട്രേഷന്‍ ഓഫീസര്‍മാരായ തദ്ദേശസ്വയംഭരണ സ്ഥാപന സെക്രട്ടറിമാര്‍ക്ക് നല്‍കാം.

ആലപ്പുഴ: പട്ടികജാതി വികസന വകുപ്പിന്റെ കീഴില്‍ ആലുവ സബ് ജയില്‍ റോഡില്‍ പ്രവര്‍ത്തിക്കുന്ന ഗവ. പ്രീ എക്സാമിനേഷന്‍ ട്രെയിനിംഗ് സെന്ററില്‍ ജില്ലയിലെ പട്ടികജാതി പട്ടിക വര്‍ഗ വിഭാഗ വിദ്യാര്‍ഥികള്‍ക്ക് മൂന്നു മാസം ദൈര്‍ഘ്യമുള്ള ഡാറ്റാ എന്‍ട്രി, ഡി.റ്റി.പി. കോഴ്സുകളുടെ സൗജന്യ പരിശീലനം നല്‍കുന്നു.  ജൂലൈ ഒന്നിന് പരിശീലനം ആരംഭിക്കും. 18 നും 25 നുമിടയില്‍ പ്രായമുള്ളവര്‍ക്ക് അപേക്ഷിക്കാം. യോഗ്യത: പത്താം ക്ലാസ്. ഡി.ടി.പി.

ആലപ്പുഴ: തെക്കേക്കര വില്ലേജില്‍ ഡിജിറ്റല്‍ സര്‍വെ ആരംഭിച്ചു. തെക്കേക്കര വില്ലേജിന്റെ ഡിജിറ്റല്‍ റീസര്‍വെ ജോലികള്‍ക്കായി കുറത്തികാട് തെക്കേക്കര ഗ്രാമപഞ്ചായത്ത് കമ്മ്യൂണിറ്റി സെന്ററില്‍ ക്യാമ്പ് ഓഫീസ് പ്രവര്‍ത്തിക്കുന്നുണ്ട്.

ആലപ്പുഴ: തകഴി പ്രാഥമികാരോഗ്യ കേന്ദ്രത്തിന്റെ പഴയ കെട്ടിടം പൊളിച്ചു മാറ്റി മുഴുവന്‍ അവശിഷ്ടങ്ങളും നീക്കുന്നതിനുള്ള ലേലം ജൂണ്‍ 22-ന് പകല്‍ 11-ന് തകഴി ഗ്രാമപഞ്ചായത്ത് ഹാളില്‍ നടക്കും. ലേല സംബന്ധമായ കൂടുതല്‍ വിവരങ്ങള്‍ക്ക് പ്രവൃത്തി ദിവസങ്ങളില്‍ ഓഫീസുമായി ബന്ധപ്പടാം.