ശബരിമല തീര്‍ഥാടനം  പ്രമാണിച്ച് ഇന്ന് (12ന് ) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    മുത്തൂറ്റ് മെഡിക്കല്‍ സെന്‍റര്‍ പത്തനംതിട്ട, പഴഞ്ഞിയില്‍  മെഡിക്കല്‍സ്  കോഴഞ്ചേരി, അമൃത മെഡിക്കല്‍സ് കോന്നി, മേഘ  മെഡിക്കല്‍സ് അടൂര്‍, നീതി മെഡിക്കല്‍ സ്റ്റോര്‍ കുളനട, കല്ലാത്തുചിറയില്‍ മെഡിക്കല്‍സ് തിരുവല്ല, ന്യൂ മെഡിക്കല്‍സ് റാന്നി. പ്രതിഭ  മെഡിക്കല്‍സ് മഠത്തുമൂഴി.    

    മല്ലപ്പള്ളി ബ്ലോക്ക് പഞ്ചായത്തില്‍ വയോജന ക്ലബ് രൂപീകരണവുമായി ബന്ധപ്പെട്ട് 26 കേന്ദ്രങ്ങളില്‍ സ്റ്റെബിലൈസറോടുകൂടി 26 കളര്‍ ടെലിവിഷന്‍ നല്‍കുന്നതിന് ടെന്‍ഡര്‍ നല്‍കാം. ടെന്‍ഡറുകള്‍ 2018 ജനുവരി നാലിന് ഉച്ചയ്ക്ക് രണ്ട് വരെ മല്ലപ്പള്ളി ശിശുവികസന പദ്ധതി ഓഫീസില്‍ സ്വീകരിക്കും. ഫോണ്‍: 0469 2681233.
                                                (പിഎന്‍പി 3320/17) 

    ജില്ലയിലെ പട്ടികജാതി വിഭാഗത്തില്‍പ്പെട്ടവര്‍ക്ക് വസ്തു/ഉദ്യോഗസ്ഥ ജാമ്യ വ്യവസ്ഥയി ല്‍ ഓട്ടോറിക്ഷ വായ്പയ്ക്ക് അപേക്ഷിക്കാം. പ്രായപരിധി 50 വയസ്. വരുമാന പരിധി 350000രൂപ. വായ്പ തുക ആറ് ശതമാനം പലിശ സഹിതം അഞ്ച് വര്‍ഷം കൊണ്ട് തിരിച്ചടയ്ക്കണം. അപേക്ഷകര്‍ക്ക് ലൈസന്‍സും ബാഡ്ജും ഉണ്ടായിരിക്കണം. അപേക്ഷാ ഫോറവും കൂടുതല്‍ വിവരവും പന്തളം പോസ്റ്റാഫീസിന് സമീപം പ്രവര്‍ത്തിക്കുന്ന കോര്‍പ്പറേഷന്‍റെ ജില്ലാ ഓഫീസില്‍ ലഭിക്കും. ഫോണ്‍: 04734 253381. 
                                                (പിഎന്‍പി 3321/17)

    പത്തനംതിട്ട എസ്.ബി.ഐയുടെ ഗ്രാമീണ സ്വയംതൊഴില്‍ പരിശീലന കേന്ദ്രത്തില്‍ ആരംഭിക്കുന്ന സൗജന്യ തയ്യല്‍ പരിശീലനത്തിന് അപേക്ഷിക്കാം. പ്രായം 18നും 45നും  മധ്യേ. താത്പര്യമുള്ളവര്‍ ഈ മാസം 18ന് രാവിലെ 10 മുതല്‍ ഉച്ചയ്ക്ക് ഒന്നു വരെ നടക്കുന്ന കൂടിക്കാഴ്ചയില്‍ പങ്കെടുക്കണം. ഫോണ്‍: 0468 2270244, 2270243. 
                                           (പിഎന്‍പി 3322/17)
 

    ഹോമിയോപ്പതി വകുപ്പിന്‍റെ വനിതാ ആരോഗ്യ സംരക്ഷണ  കേന്ദ്രമായ സീതാലയത്തിന്‍റെ ആഭിമുഖ്യത്തില്‍ നാളെ (13ന്) പന്തളം എന്‍എസ്എസ് കോളേജില്‍ വിദ്യാര്‍ഥിനികള്‍ക്കായി ശില്പശാല നടത്തും. രാവിലെ 10ന് പന്തളം നഗരസഭാധ്യക്ഷ റ്റി.കെ.സതി ഉദ്ഘാടനം ചെയ്യും. കോളേജ് പ്രിന്‍സിപ്പല്‍ ഡോ. കെ.ഉണ്ണികൃഷ്ണന്‍ അധ്യക്ഷത വഹിക്കുന്ന ചടങ്ങില്‍ ജില്ലാ മെഡിക്കല്‍ ഓഫീസര്‍ (ഹോമിയോ) ഡോ.എസ്.ഗുരുപ്രസാദ് മുഖ്യപ്രഭാഷണം നടത്തും. മെഡിക്കല്‍ ഓഫീസര്‍മാരായ ഡോ.പ്രീതി ഏലിയാമ്മ ജോണ്‍, ഡോ.ബിജി ഡാനിയേല്‍, വാര്‍ഡംഗം റ്റി.ആര്‍.കൃഷ്ണവേണി, വിമന്‍ സ്റ്റഡി യൂണിറ്റ് കണ്‍വീനര്‍ ലക്ഷ്മിദേവി കുഞ്ഞമ്മ എന്നിവര്‍ സംസാരിക്കും. 

    വെണ്ണിക്കുളം സര്‍ക്കാര്‍ പോളിടെക്നിക്ക് കോളേജില്‍ ഇലക്ട്രിക്കല്‍ എന്‍ജിനീയറിംഗ് വിഭാഗത്തില്‍ ഗസ്റ്റ് ലക്ചററുടെയും ആട്ടോമോബൈല്‍, സിവില്‍ വിഭാഗങ്ങളില്‍ ട്രേഡ്സ്മാന്‍റെ ഒഴിവിലേക്കും അപേക്ഷിക്കാം. ലക്ചറര്‍ക്ക് ഒന്നാം ക്ലാസോടെയുള്ള ഇലക്ട്രിക്കല്‍ എന്‍ജിനീയറിംഗ് ബിരുദവും ട്രേഡ്സ്മാന്  ബന്ധപ്പെട്ട ട്രേഡിലുള്ള ഐടിഐയുമാണ് യോഗ്യത. താത്പര്യമുള്ളവര്‍ ഈ മാസം 14ന് രാവിലെ 9.30ന് അസ്സല്‍ സര്‍ട്ടിഫിക്കറ്റുകളുമായി പോളിടെക്നിക്ക് കോളേജില്‍ കൂടിക്കാഴ്ചയ്ക്ക് എത്തണം. 
                                            (പിഎന്‍പി 3319/17)

സ്‌കോള്‍-കേരള മുഖേന ഹയര്‍സെക്കണ്ടറി കോഴ്‌സിന് രജിസ്റ്റര്‍ ചെയ്ത വിദ്യാര്‍ഥികള്‍ ഹയര്‍സെക്കണ്ടറി ഡയറക്ടറേറ്റ് പ്രസിദ്ധപ്പെടുത്തിയ 2018 മാര്‍ച്ചിലെ ഒന്നും രണ്ടും വര്‍ഷ ഹയര്‍സെക്കണ്ടറി പരീക്ഷ നോട്ടിഫിക്കേഷനിലെ വ്യവസ്ഥകള്‍ പ്രകാരം അനുവദിച്ചിട്ടുള്ള പരീക്ഷ കേന്ദ്രങ്ങളില്‍ നിശ്ചിത തീയതിക്കുള്ളില്‍ പരീക്ഷ ഫീസ് അടക്കണമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു.

പി.എന്‍.എക്‌സ്.5283/17

2017-18 അധ്യയന വര്‍ഷത്തെ രണ്ടാംപാദവാര്‍ഷിക പരീക്ഷകള്‍ 13 ന് ആരംഭിക്കും.  മൂന്നു മുതല്‍ ഏഴാം ക്ലാസുവരെയുള്ള പരീക്ഷകള്‍ 14 നും ഹൈസ്‌കൂള്‍ വിഭാഗം ക്ലാസുകളിലെ പരീക്ഷകള്‍ 13 നും ആരംഭിക്കും.  പരീക്ഷാനടത്തിപ്പിന് മുന്നോടിയായി ചോദ്യപേപ്പറുകള്‍ സ്‌കൂളുകളില്‍ എത്തിച്ചിട്ടുണ്ട്.  ടൈംടേബിള്‍ പൊതുവിദ്യാഭ്യാസ വകുപ്പിന്റെ വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്.  പരീക്ഷയുടെ നടത്തിപ്പുമായി വിദ്യാഭ്യാസ ഓഫീസര്‍മാരും അധ്യാപകരും സഹകരിക്കണമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു.

പി.എന്‍.എക്‌സ്.5282/17

ന്യൂനപക്ഷക്ഷേമ വകുപ്പിനു കീഴില്‍  എല്ലാ ജില്ലകളിലെയും വിവിധ ഭാഗങ്ങളില്‍ ന്യൂനപക്ഷ വിദ്യാര്‍ത്ഥികളുടെ മത്സര പരീക്ഷ പരിശീലനത്തിനും ഓറിയന്റേഷനുമായി പ്രവര്‍ത്തിക്കുന്ന മൈനോരിറ്റി കോച്ചിംഗ് സെന്ററുകളുടെ പ്രിന്‍സിപ്പല്‍മാരുടെ യോഗം ഇന്ന് (ഡിസംബര്‍ 12)രാവിലെ 10  മുതല്‍ തൈക്കാട് ഗവണ്‍മെന്റ് ഗസ്റ്റ് ഹൗസില്‍ നടക്കും.

ന്യൂനപക്ഷക്ഷേമ മന്ത്രി ഡോ.കെ.ടി.ജലീല്‍ ഉദ്ഘാടനം ചെയ്യും.  വകുപ്പ് സെക്രട്ടറി ഷാജഹാന്‍ അദ്ധ്യക്ഷത വഹിക്കും.  പ്രിന്‍സിപ്പല്‍മാര്‍ വിഷയങ്ങള്‍ അവതരിപ്പിക്കും.  വകുപ്പ് ഡയറക്ടര്‍ ഡോ. മൊയ്തീന്‍ കുട്ടി.എ.ബി. പങ്കെടുക്കും.

പി.എന്‍.എക്‌സ്.5281/17