കൊച്ചി: സാമൂഹ്യനീതി വകുപ്പിനു കീഴില്‍ എറണാകുളം കാക്കനാട് പ്രവര്‍ത്തിക്കുന്ന ആശാഭവന്‍ (മെന്‍) എന്ന സ്ഥാപനത്തിലേക്ക് കരാര്‍ അടിസ്ഥാനത്തില്‍ 89 ദിവസത്തേക്ക് സ്റ്റാഫ് നഴ്‌സ് തസ്തികയിലേക്ക് അപേക്ഷ ക്ഷണിച്ചു.

      മിനിമം വിദ്യാഭ്യാസ യോഗ്യത ജനറല്‍  നഴ്‌സിങ്ങ്/ബി.എസ്.സി നഴ്‌സിങ്ങ് ഉളളവര്‍ക്ക് സ്റ്റാഫ് നഴ്‌സ് തസ്തികയിലേക്ക് അപേക്ഷിക്കാം. അപേക്ഷകര്‍ മാനസികാരോഗ്യകേന്ദ്രത്തില്‍ രണ്ട് വര്‍ഷത്തില്‍ കുറയാത്ത പ്രവൃത്തി പരിചയം ഉണ്ടായിരിക്കണം. അപേക്ഷകര്‍ രാത്രിയിലും പകലും ജോലി ചെയ്യാന്‍ സന്നദ്ധത ഉളളവരായിരിക്കണം. 25 വയസു മുതല്‍ 50 വയസുവരെ പ്രായമുളളവര്‍ക്ക് അപേക്ഷിക്കാം.

കൊച്ചി: കേന്ദ്രാവിഷ്‌കൃത പദ്ധതികള്‍ വിലയിരുത്തുന്നതിനുളള ദിശ കമ്മിറ്റിയുടെ 2017-18 സാമ്പത്തിക വര്‍ഷത്തെ മൂന്നാമത് യോഗം ഡിസംബര്‍ 16-ന് രാവിലെ 11-ന് എറണാകുളം ഗവ: ഗസ്റ്റ് ഹൗസിലെ ബാങ്ക്വറ്റ് ഹാളില്‍ ചേരും. 

    മോട്ടോര്‍ തൊഴിലാളി ക്ഷേമനിധിയില്‍ ഉടമ/തൊഴിലാളി വിഹിതം സ്വീകരിക്കുന്നതിന് ഈ മാസം 11ന് സിറ്റിംഗ് നടത്തും. തിരുവല്ല പ്രൈവറ്റ് ബസ് സ്റ്റാന്‍ഡിന് സമീപമുള്ള മുനിസിപ്പില്‍ ബില്‍ഡിംഗിലാണ് സിറ്റിംഗ്. ക്ഷേമനിധി വിഹിതം ഒടുക്കേണ്ടവര്‍ എടിഎം കാര്‍ഡുമായി എത്തണം. അവസാനം ക്ഷേമനിധി വിഹിതം ഒടുക്കിയ രസീത്, വാഹനത്തിന്‍റെ ആര്‍സി ബുക്ക്, തൊഴിലാളിയുടെ ലൈസന്‍സ്, ക്ഷേമനിധി കാര്‍ഡ് എന്നിവയും ഹാജരാക്കണം.
                (പിഎന്‍പി 3309/17)    

    പമ്പ ജലസേചന പദ്ധതിയുടെ 2017-18 വര്‍ഷത്തിലെ ജലവിതരണം ആരംഭിക്കുന്നതിനാല്‍ ഈ മാസം 11മുതല്‍ ഇരുകരകളിലുമുള്ളവര്‍ ജാഗ്രത പാലിക്കണമെന്ന് പിഐപി എക്സിക്യൂട്ടീവ് എന്‍ജിനീയര്‍ അറിയിച്ചു.                          (പിഎന്‍പി 3310/17)
 

    യുവജനങ്ങളുടെ ഇടയില്‍ ദേശീയത വളര്‍ത്തുന്നതിനും അവരെ രാഷ്ട്ര പുനര്‍നിര്‍മാണ പ്രക്രിയയില്‍ പങ്കാളികളാക്കുന്നതിനും ലക്ഷ്യമിട്ട് യുവജനങ്ങള്‍ക്കായി പ്രസംഗ മത്സരം നടത്തുന്നു. ദേശീയതയും രാഷ്ട്രപുനര്‍നിര്‍മാണവും എന്ന വിഷയത്തില്‍ നെഹ്രു യുവ കേന്ദ്രയാണ് മത്സരം നടത്തുന്നത്. 18നും 29നും മധ്യേ പ്രായമുള്ളവര്‍ക്ക്  പങ്കെടുക്കാം. ഇംഗ്ലീഷ്/ഹിന്ദി ഭാഷയിലാണ് പ്രസംഗ മത്സരം. 

    കുടുംബശ്രീ ജില്ലാ മിഷന്‍റെയും പന്തളം ജനമൈത്രി പോലീസിന്‍റേയും ആഭിമുഖ്യത്തി ലുള്ള കമ്മ്യൂണിറ്റി കൗണ്‍സിലിംഗ് സെന്‍റര്‍ പന്തളം പോലീസ് സ്റ്റേഷനില്‍ ഡിവൈഎസ്പി ആര്‍.ജോസ് ഉദ്ഘാടനം ചെയ്തു. ജനമൈത്രി പോലീസുമായി ചേര്‍ന്ന് കുടുംബശ്രീ നടത്തുന്ന ജില്ലയിലെ രണ്ടാമത്തെ കൗണ്‍സിലിംഗ് സെന്‍ററാണിത്. ആദ്യത്തെ സംയുക്ത കൗണ്‍സിലിംഗ് സെന്‍റര്‍ അടൂരിലാണ്  തുടങ്ങിയത്. ആഴ്ചയില്‍ രണ്ടു ദിവസം സെന്‍ററുകള്‍ പ്രവര്‍ത്തിക്കും. 

    ശബരിമല തീര്‍ഥാടനം  പ്രമാണിച്ച് ഇന്ന് (9ന്) രാത്രി തുറന്നു പ്രവര്‍ത്തിക്കുന്ന മെഡിക്കല്‍ സ്റ്റോറുകള്‍:    നിര്‍മല മെഡിക്കല്‍സ് പത്തനംതിട്ട, മഠത്തില്‍  മെഡിക്കല്‍സ് കോഴഞ്ചേരി, ഫാമിലി മെഡിക്കല്‍സ് കോന്നി, കാരുണ്യ ഫാര്‍മസി ഗവണ്‍മെന്‍റ് ആശുപത്രി കോംപൗണ്ട് അടൂര്‍, മംഗലശേരില്‍ ഡ്രഗ് ഹൗസ് കുളനട, ചെറുപുഷ്പം ജെജെ മെഡിക്കല്‍സ് തിരുവല്ല, ട്രിനിറ്റി ഹെല്‍ത്ത് കെയര്‍ റാന്നി. നീതി മെഡിക്കല്‍ സ്റ്റോര്‍ വടശേരിക്കര. 
                                                                                                        (47/17)

    ജില്ലയിലെ പട്ടികവര്‍ഗ വിഭാഗത്തില്‍പ്പെട്ടവര്‍ക്ക് സ്വയം തൊഴില്‍, ഓട്ടോറിക്ഷ വായ്പകള്‍ക്ക് അപേക്ഷിക്കാം. ഉദ്യോഗസ്ഥ ജാമ്യവ്യവസ്ഥയിലാണ് വായ്പ നല്‍കുന്നത്. കുടുംബ വാര്‍ഷിക വരുമാനം ഗ്രാമപ്രദേശങ്ങളിലുള്ളവര്‍ക്ക് 98000 രൂപയിലും നഗരപ്രദേശങ്ങളിലുള്ളവര്‍ക്ക് 120000 രൂപയിലും കവിയാന്‍ പാടില്ല. പ്രായം 18നും 50നും മധ്യേ. അപേക്ഷാ ഫോമിനും കൂടുതല്‍ വിവരത്തിനും പന്തളം പോസ്റ്റാഫീസിന് സമീപം പ്രവര്‍ത്തിക്കുന്ന കോര്‍പ്പറേഷന്‍റെ ജില്ലാ ഓഫീസുമായി ബന്ധപ്പെടണം. ഫോണ്‍: 04734 253381.                                                                (പിഎന്‍പി 3308/17)

    ജില്ലാ ലീഗല്‍ സര്‍വീസസ് അതോറിറ്റിയിലേക്കും താലൂക്ക് ലീഗല്‍ സര്‍വീസസ് കമ്മിറ്റികളിലേക്കും നിയമസേവന പ്രവര്‍ത്തനങ്ങളെ സഹായിക്കുന്നതിന് പാരാ ലീഗല്‍ വോളണ്ടിയര്‍മാരെ തെരഞ്ഞെടുക്കുന്നു. ഒരു വര്‍ഷത്തേക്കാണ് നിയമനം. സന്നദ്ധ സേവനത്തിന് താത്പര്യമുള്ളവരായിരിക്കണം അപേക്ഷകര്‍. ലീഗല്‍ സര്‍വീസസ് അതോറിറ്റി നിശ്ചയിക്കുന്ന ഹോണറേറിയം ലഭിക്കും. പ്രായപരിധി 70 വയസ്. മെട്രിക്കുലേഷന്‍ അഭിലഷണീയമാണ്. നിയമം, സോഷ്യല്‍ വര്‍ക്ക് എന്നിവ പഠിക്കുന്ന വിദ്യാര്‍ഥികള്‍, അധ്യാപകര്‍, ഡോക്ടര്‍മാര്‍, മുതിര്‍ന്ന പൗരډാര്‍, സര്‍വീസില്‍ നിന്നും വിരമിച്ചവര്‍ തുടങ്ങിയവര്‍ക്കും അപേക്ഷിക്കാം.