Post Category
കടച്ചിക്കുന്ന് ക്വാറി പ്രവര്ത്തനം നിര്ത്തിവെക്കാന് ഉത്തരവ്
ജീവഹാനിയുണ്ടായ മൂപ്പൈനാട് ഗ്രാമപഞ്ചായത്തിലെ കടച്ചികുന്നിലെ ക്വാറി പ്രവര്ത്തനം നിര്ത്തിവെയ്ക്കണമെന്ന് ജില്ലാ കളക്ടര് ഡോ. അദീല അബ്ദുള്ള ഉത്തരവിട്ടു. ഉരുള്പൊട്ടല് സാധ്യതയുള്ളതും പരിസ്ഥിതി ലോലവുമായ പ്രദേശത്താണ് ക്വാറി പ്രവര്ത്തിക്കുന്നത്. 90 ഡിഗ്രിയെങ്കിലും ചെരിവുള്ള സ്ഥലത്ത് ക്വാറി പ്രവര്ത്തിക്കുന്നതെന്ന് പ്രാഥമിക അന്വോഷത്തില് ബോധ്യപ്പെട്ടതിന്റെ അടിസ്ഥാനത്തിലാണ് നടപടി. പരിസ്ഥിതി ലോല പ്രദേശത്തുള്ള കരിങ്കല് ക്വാറിയുടെ പ്രവര്ത്തനം സംബന്ധിച്ച് അന്വോഷണം നടത്തി റിപ്പോര്ട്ട് സമര്പ്പിക്കാന് ജില്ലാ ദുരന്ത നിവാരണ അതോറിറ്റിയെ ചുമതലപ്പെടുത്തി. അന്വേഷണം പൂര്ത്തിയാക്കുന്നത് വരെ ക്വാറി പ്രവര്ത്തിക്കുന്നില്ലെന്ന് ഉറപ്പുവരുത്താന് മൂപ്പൈനാട് ഗ്രാമപഞ്ചായത്ത് സെക്രട്ടറി, ജിയോളജിസ്റ്റ്, വൈത്തിരി തഹസില്ദാര് എന്നിവര്ക്ക് നിര്ദ്ദേശം നല്കി.
date
- Log in to post comments